السفيرات و2 في طلعة وحدة


السلام عليكم
أعضاء احلى منتدى
منتدى العرب المسافرون

اتفقنا على عودة ابرار من السفر ان نلتقي في مطعم هبرة
بالديرة

https://www.google.com.kw/search?dcr....0.LjG4RY-Gjyg


هذا رابط المطعم وموقعه وومكن بعد من انستغرامهم تشوفون الموقع من غوغل

وصلت قبل البنات بشوية

والحمدلله لقيت طاولتين فاضيين واخترت الاحسن وفي كانت طاولة كبيرة مشتركة تصير

وهالصور من مكاني للطاولات














وهذا المنيو الورقي ....خط صغير وظلمة ما ينشاف والعتب والكبر شين




السفيرة منال الملقبة بنمارق بالمنتدى
تقرأ من المنيو اللوحي وتشرح لنا ونختار معاها اللي يعجبنا







الاطباق خشبيه وتمثل كل المطعم اثاثه وادواته خشبية والسجين ما عجبت اموون هههه








وصول الطلبات وأول شي نصوره الماي طلب اموون
ووراه السبرايت لابرار وانا ومنال طلبنا ماي




ابرار لاهية هاليوم تبحث عن شي بالمواقع وان شاءالله حصلت اللي تبيه



وكانت مريضة بعد ربي يشافيها ....
وهذه البامية المملحة مع الصوص العجيب










المشروم مع بصل وليمون وماندري شنو

المهم اكلناه حلييوو







والبطاط اللذيذ







والمقبلات الثلاثة





وصول الطبق الأول الرئيسي
ماعرفت اسمه بس فيه شي بالاسم كوري ههههه ابرار ومنال صححوو لي












الطبقين لذيذين والأول اللحمة ترفة

وهذه الفاتورة صورناها لكم











حاطين قلم يبونا نقيم المطعم ....احنا نقيم بس لكم المطعم حليو بس المكان من سبق لبق للحصول على طاولات تناسبكم والا بتصيرون على الطاولة الكبيرة مع اشخاص ماتعرفونهم
المطعم مو وسيع

الاكل حلو ولذيذ للي يحبون اللحوم

بعد ما تعشينا قلنا بنتقهوى ونحلي ونكمل قعدتنا بمكان ثاني
رحنا الكافيهات اللي يمنا ما عجبنا شي عندهم وقررنا نروح لحليب وهيل


ولقينا قعدة حليوة بره طبعا والدوة جدامنا







المناقشات حامية بين امون ومنال لاختيار الحلوو





وهذه طلباتنا من الحلوو





كنافة جيز كيك....ألبة ....عصيدة








ووصول المشروبات الساخنة

2 حليب بالزعفران لي ولأمون





كباتشينو لمنال





وهذا لمريضتنا ابرار اسمه كولد اند فلوو






الحساب هني طلع 12 دينار تقريبا

مثل ما كانت اطباقنا شيرنغ حتى الحساب شيرنغ
من اول لقاء اتفقنا جذيه

كنا على موعد بهاليوم مع متابعه للمنتدى ولكن باخر الوقت اعتذرت لظروف
ان شاءالله تواعدنا اهي الحين وتعطينا موعد للقاء قريب

وان شاءالله استمتعتوا معانا بهالطلعة الجميلة وعساها تستمر دووم اللقاءات الجميلة

تسلم الايادي ام حسين
هههههه اي والله لاهية هالمره سامحوني المفروض ما أكون لاهية بس حروني
وللاسف ما حصلت اللي ابييييه حركتهم بايخه حيل [emoji1418]
المطعم انا وايد عزيته لاني احب هالنوع من اللحوم فمحبين اللحوم راح يعجبهم [emoji1362]
اللهم ويشافي كل مريض والله هاليوم ما حسيت بطعم الاكل وانا اكل والسبب الاحتقان هههههه وبخاخي طالع بالصور
اسمه ريب كوريان صوص
وحليب وهيل حلو بس العصيدة لو فوقها بيض احلى عندي
الالبه لذيذه
كولد اند فلو ههههههه قوي

عوافي وان شاءالله نتواعد مع رفيجتنا اليديده المره اليايه
وقواج الله ام حسين والله يديم هالمحبه بينا [emoji1374][emoji253]


Sent from my iPhone using Tapatalk

تسلمين يا ام حسين على التقرير الجميل
الاكل كان جميل جدا لكن تعرفيني مااحب اكل شي على الخشب ماادري ليش فيني هالوسواس وخصوصا بعد البرنامج اللي شفته عن تكاثر الجراثيم على الصحون الخشب خصوصا بالمطاعم

القعدة ماعجبتني حسيت المكان وايد صغير وصوت الموسيقى وايد عالي
كافيه حليب وهيل غني عن التعريف
وايد استانسنا وان شاءالله نكررها دايما

ماشاء الله تبارك الله
الله يجمعكم دوم على حبه وطاعته
لقاء جميل وبالعافية عليكم كل ما اكلتوه والله اطباق جميلة والحلى ياعيني عالاختيارات الحلوة ..
فكرة جميلة مشاركة الفاتورة وهاي فكرة يسموها عنا (حلبية) يعني كل واحد يدفع حصته من الفاتورة للتخفيف والمشاركة .. الله يرزقكم من فضله دوم..
ياعيني ياايمان ما عجبك الاطباق الخشبية بالفعل فيها وجهة نظر..
الف سلامة عليكي ابرار الله يشفيكي وربنا يوقف معك...وعسى عن خير موضوع البحث لعله اختارلك ربنا الافضل...
الله يسعدك ام حسين ودائما اختياراتك وذوقك وتقاريرك تفتح النفس والقلب... تسلم الايادي...

بالعافية عليكم

المطعم باين ملموم على بعضه بس اذا كانت الموسيقى عالية بيصير مزعج
حليب وهيل غني عن التعريف

اعجبني مسمى نانا للشيرنق " حلبية " يعني كل واحد يحلب اللي بجيبه ههههههه
وعندنا نسميها " قطّة " بتشديد الطاء مش قطوة خخخخخخ ويمكن جات من
كل واحد يقط اي يرمي مافي جيبه ويطلع اللي فيه

اتوقع ابرار تدور اخبار عن كوبا والف لا باس عليها

تسلم الايادي ام حسين و ماقصروا السفيرات ايمان ومنال
والله يجمعكم دوم على محبته

بالعافية عليكم ...

وألف لا بأس على مميزتنا أبرار ...

جمعة حلوة ... وعساها دووووم يارب ...