| | |||||||
مـواضـيـع مـمـيــزة
2907الاعجاب |
| | LinkBack  | أدوات الموضوع | انواع عرض الموضوع |
| |
13-04-2018, 08:14 PM
| #2 | ||
| مراقبة العرب المسافرون   تاريخ التسجيل : Dec 2014 رقم العضوية : 73 الدولة : وطن النهار الجنس : انثى المشاركات : 17,496
| 
اليــــوم ال 17 مــن الـرحلـــة فـي ربـــوع اورلانــدو اليوم السبت تاريخ 2017/12/16 اصبحنــا و اصبــج المـــلك للـــــه عقب عالم البحار قلت اليوم اشوف لي مكان ازوره و اتمشى فيه قعدت على الساعه 9 تقريبا  على ما جهزت عمري و تريقت هالريوق الطيب   ضبطت السيارة و توكلت على الله فيديو من الطريج - اليوم يوم بوخالد https://  فيديـو مـع الصــوت الجــريـح https:// اخر كــلام مع الصـــوت الجـــريح https:// مـدة الطريج تقريبا ساعتين من اورلاندو لي المكان اللي بروح له ..  و وصلت المنطقة المقصودة st.augudtine سان اوغستين مدينة امريكية تقع شمال شرق سواحل فلوريدا و تعتبر اقدم مستوطنة اسسها الاوربيين في امريكا .. واللي انشئها مكتشف اسباني بيدرو مينينديز عام 1565 .. حكمت اسبانيا المنطقة اكثر من 200 عام ، وتمت المنطقه محافظة على طابعها العمراني الاسباني التاريخي و تعتبر من اهم المناطق السياحية ..  و دخلت المنطقة التاريخية  شوفوا البنيان    وصلت البداية  هذي فيلا المليونير فرانكلين دبليو بناها في عام 1883 كفيلا شتوية و مستوحى من قصر الحمرا في القرن 12 في غرناطة اسبانيا .. سميت بفيلا زورايدا على احدى الاميرات في حكايات واشنطن و كان فرانكلين يشتري السجاد و القطع الاثرية من تاجر سوري اسمه ابراهيم مسلم .. والحين اهي مملوكة لعايلة مسلم ..       الموقع الالكتروني https://villazorayda.com/  سعر التذكرة 16 دولار ..   ممنوع التصـــــوير و انا صورت بالخش و الدس     يشوق من داخل التصميم العربي الاندلسي  شوفوا الكتابة على الاقواس          غـرفـة الحــريم  هذي للسمر و الوناسه     كل غرفة لها اسم بس انا نسيت اساميهم ..    وانتهيت من زيارة الفيلا  و كمل تمشي المدينة و قلبي بدا يحبها احب هالنوع من المدن و المباني    و الى المكتب السياحي ..  يتبـــــــــــع
| ||
|  |
|
14-04-2018, 08:19 PM
| #4 | ||
| مراقبة العرب المسافرون تاريخ التسجيل : Dec 2014 رقم العضوية : 73 الدولة : وطن النهار الجنس : انثى المشاركات : 17,496
|
و المكتب السياحي عنده كل شي و منه حجزت للقطار اللي يفتر بالمدينة بس الشاطر اللي ينتبه على اعلانات الرحلات على المكتب شنو الشي الغريب مكتوب في كذا مكان ؟؟  سعر التذكرة 26 دولار الموقع الالكتروني للقطار https://www.trolleytours.com/st-augustine/tickets#maps العلامات الصفرا هذيل الاماكن اللي يزورهم القطار و اللي ما يبي القطار يقدر يلفها بروحه   في مثل هالبيوت بس على اكب اشوي و احلى مسوينها B&B كنت ناوية اسكن فيهم ..      و اول محطة وقف عندها مصنع الخمور الله يكفينا شره ويبعده عنا واختكم انزلت على ويها و لاتدري مع ان كان يتكلم بس ماادري ليش ما انتبهت  صورة هالصوره  و طلعت رحت الباب الثاني يبيعون مربيات و مخلل و هالسوالف      و اطلع و اشوف الخريطة و لا يمي مصنع الكاكاو و اروح له   درجة الحرارة في سان اوغستين  و مخفر الشرطة    و هذا مصنع الكاكاو        اسعار تذاكر دخول المصنع وبما اني من عشاق الكاكاو قصيت تذكرة بسعر 8 دولار ..      ويلبسونا قبعة الشعر حتى الاصلع يلبس ترا و يشرح لنا عن بذور الكاكاو وشلون يسونه عقب  انا محد ذابحني الا المكاين الكاكاو اخية لو عندي و حده بس ابدع في التشكيلات بس اسعارهم غاليه         ماكينة التغليف         واهني محطة الانتظار عند المصنع  بصراحة هذيل اول محطتين ما انصح فيهم مافيهم شي يسوى تضيعون وقتكم عليه و مصنع الكاكاو حسافه التور فيه و الله اخذ وقت على الفاضي و التور طويل و المصنع نتفه صغير ما يسوى .. و انا بالقطار و لا اشوف هذيل سيارة بومبو عجيبة تقدرون تأجرونها وتتمشون فيها ..الموقع الالكتروني .. الاسعار تختلف على حسب عدد الساعات http://www.staugustinebikerentals.com/   و نكمل طريجنا بالقطار   وهذا القطار الاخضر    هذا واحد من الفنادق  و هذا ثاني  و العروسه اتصور بالحديقة مع Bridesmaid     و مكتب سياحي ثاني في شارع السوق و المطاعم  و هذا شارع السوق واايد حلو وونيس كله محلات و مطاعم و كافيهات ..     المطاعم على كيف كيفكم الفرنسي الايطالي المكسيكي و الخ من مطابخ ..     هذا محل بيزا ما شاءالله زحمه عليه      يتبـــــــع
| ||
|
| |
|
16-04-2018, 02:41 PM
| #5 | ||
| مراقبة العرب المسافرون تاريخ التسجيل : Dec 2014 رقم العضوية : 73 الدولة : وطن النهار الجنس : انثى المشاركات : 17,496
|
ايي شفتي اي والله وايد استانس لما اشوف اسم الله سبحانه وتعالى او آيات قرآنية وايد حلوه المنطقه Sent from my iPhone using Tapatalk
| ||
|
| |
|
15-04-2018, 06:52 PM
| #6 | ||
| مراقبة العرب المسافرون تاريخ التسجيل : Dec 2014 رقم العضوية : 73 الدولة : وطن النهار الجنس : انثى المشاركات : 17,496
|
لما الحين في شارع السوق   و رديت ركبت القطار رايحين للبيوت القديمة   تقدرون تنزلون و تتمشون بينهم          و الى القلعه        وهذي قلعة سان ماركوس تم بنائها من بعد 107 سنوات من تأسيس المدينة عندما كانت فلوريدا جزء من الامبراطورية الاسبانية بعد الغاره المدمرة اللي قام فيها المدون الانجليزي روبورت سيرلس .. بدء البناء عام 1672 - 1695 و تعتبر اقدم قلعه في الولايات المتحدة و تقع على خليج ما تانزاس و صممها المهندس الاسباني اغناسيو دازا ..      سعر تذكررة دخول القلعه 10 دولار الموقع الالكتروني https://www.nps.gov/casa/planyourvisit/index.htm           و رجعت خذيت القطار   متحف صدق او لا تصدق        اقدم و اكبر شجرة في العالم     يتبــــــع
| ||
|
| |
|
15-04-2018, 08:09 PM
| #7 | ||
| مراقبة العرب المسافرون تاريخ التسجيل : Dec 2014 رقم العضوية : 73 الدولة : وطن النهار الجنس : انثى المشاركات : 17,496
|
صامدة في القطار   يـــا حلــــو هالبيــــوت      وصلنا السجن القديم  يعتبر سجن تاريخي و 1987 تمت اضافتة الى السجل القومي الامريكي للاماكن التاريخية .. تم بناء السجن عام 1891 و تم تمويلة من قبل هنري فلاجلر لان كان في ارض يبيها هنري ليبني فندقه الخاص فمولهم عشان يغير مكان السجن و يكون موقعه الحالي ..       و اخر نقطة يوصلون كل واحد على المكان اللي يبيه  وصلني الشتل مواقف اللي واقفه عندهم       وهذا منتجع كازا مونيكا وايد حلو من برا و حتى من داخل وموقعه ممتاز https://uk.hotels.com/ho186294/casa-monica-resort-spa-autograph-collection-st-augustine-united-states-of-america/?rffrid=sem.hcom.ME.google.003.00.04.s.kwrd=c.2140 19507662.48002476034.886597151.1t1.aud-307274438841:dsa-369707284690.9069549..0.Cj0KCQjw8MvWBRC8ARIsAOFSVB UUHvdx_86-QT8tnHAHgpsjsQDIq180ynid6MQFc1_xyMK2BiS6SQUaApzLEA Lw_wcB.aw.ds&PSRC=AFF05&gclid=Cj0KCQjw8MvWBRC8ARIs AOFSVBUUHvdx_86-QT8tnHAHgpsjsQDIq180ynid6MQFc1_xyMK2BiS6SQUaApzLEA Lw_wcB&gclsrc=aw.ds   و عالمعاريس يصورون في كل مكان وناسه العروسه هندية شحلوها   المعرس  العروسه    رديت شارع السوق ادور لي مطعم ميته من اليوع     و احصل مكسيكي    طلعت منه ما يازلي كلش اشتغفرالله ريحته ما اتشجع ..  يتبـــــــــع
| ||
|
| |
|
15-04-2018, 08:38 PM
| #8 |
| مسافر متميز (محصّن) تاريخ التسجيل : Sep 2016 رقم العضوية : 12384 الجنس : ذكر المشاركات : 227 |
|
| |
|
16-04-2018, 12:07 AM
| #9 | ||
| مراقبة العرب المسافرون تاريخ التسجيل : Dec 2014 رقم العضوية : 73 الدولة : وطن النهار الجنس : انثى المشاركات : 17,496
|
 رحت الايطالي pizzalleys في شارع جورج شارع السوق https://pizzalleyschiantiroom.com/  المطعم زحممممه و تنطرون دور بس ما شاءالله كبير      بعد تقريبا 20-25 دقيقه وصل دوري   المقبلات مازرولا   كالاماري و مازرولا    باستا الفريدو  الحمدلله على النعمه السعر 51 دولار .. الاكل ممتاز و الكمية راهية .. داخل المطعم    المطعم له بابين جدام و ورا وما شاءالله زحممممه  و بالاتجاه الى مواقف السيارات   وهذا البيزا بو طابور  على ما اوصل السياره لازم جم محل جني ما ادري     مطوله الحبيبه خذيت حق الطريج          احتفالات و اغاني الكريسماس في هالحديقه           درجة الحرارة قبل ما انطلق على اورلاندو  توكلت على الله و انطلقت الى اورلاندو بعد يوم كامل في الجميلة سان اوغستين  عقب ما انطلقت توني ماسكه الخط السريع و يدق تلفوني الو هاي غلوريا هاي ابرا طبعا حر R اخر شي ما ينطقونه في اسمي تعودت عليهم وير ار يو ؟ انا كنت في سان اوغستين و طلعت الحين بالخط راجعه اورلاندو ؟؟ اووه ريلي اي والله اي لايك سان اوغستين و الله حتى انا حبيتها و افكر ازورها الاسبوع الياي انام لو ليله .. ار يو شور ابرا ؟ يس واي ؟ مممم ابرا سان اوغستين فيها غوست .. نعم شنو فيها غوست ( ينانوه - اشباح ) تتغشمرين غلوريا صح ؟؟ لا من صج فيها ما شفتي الاعلانات ؟ شفتهم بس توقعتهم لعبة رعب !! هههههه نو ابرا هذيل رحلات لزيارتهم في البيوت .. يا حبيبي لا يحشوك غلوريا خلاص انا شفت سان اوغستين الحمدلله و مابي ازورها انام فيها جذي ام فاين .. هههههههههه نو جربي تنامين ليله ؟ لا ماابي مافي وقت و انا برجع اورلاندو ليش تفتحين الموضوع الحين باليل و انا بالطريج  هههههههه عادي ابرا لاتحطين في بالج اوك غلوريا روحي نامي و خليني اشوف طريجي .. اوك تيك كير باي - باي عقب هالمحادثه الحلوه بيني وبينها قلت الله يغربل ابليسج ان جانج خربتي علي جدولي خليتيني على عماي ليش تقولين لي .. و المشكله قالت لي مواقف صارت لها صج بعد يا الله سترك سكنهم مساكنهم ..والله خلتني بالطريج اخاف و اوسوس .. تخيلوا البيوت اللي قلت عنهم حلوين هذيل فيهم و غيرهم وايد و غير الرحلات اللي يسونها ليش ليش رحلات ميانين .. بس المنطقه تستاهل الزيارة وايد حلوه والله و ترا اماكن معينه اللي فيها مو كل مكان يعني انا ان شاءالله الزيارة اليايه راح ابات فيها اذا الله اراد .. ووصلت اورلاندو بالسلامه وعينت من الله خير و حطيت راسي و نمت لليوم اللي بعده و انتهى يومي في سان اوغستين و تصبحــــون علــى خيــــر
| ||
|
| |
|
العرض المتطور
| |
المواضيع المتشابهه | ||||
| الموضوع | كاتب الموضوع | المنتدى | مشاركات | آخر مشاركة |
| اذربيجان صيف 2017 | Meme Bahrain | بوابة جورجيا و اذربيجان | 66 | 10-08-2018 03:35 PM |
| البوسنة - ابريل - 2017 | الركيب | بوابة البوسنة | 163 | 08-07-2018 09:38 AM |
| هنا البحرين 2017 | fanda | بوابة البحرين | 33 | 30-05-2018 10:25 PM |
| صلالة 2017 | ramzy21 | بوابة سلطنة عمان | 4 | 24-10-2017 03:43 PM |
Powered by vBulletin® Copyright ©2000 - 2025, Jelsoft Enterprises Ltd.
Search Engine Friendly URLs by vBSEO
Search Engine Friendly URLs by vBSEO
