زين انك انبسطت من يتزا هت يعني اللي بيروح يركز عليه



بدايه الأسبوع وزحمه أجل متي تخف



تستاهل العنوه الملاهي


شكرا لك

ماشاء الله عليك ..

جولات ممتعة ومتنوعة لأهم معالم سنغافورة ... واضح إنك دارسها بشكل مثالي ..

قرأت بأن سنغافورة تحتاج من 5 ليالي إلى إسبوع ..

قرار ممتاز جداً مناصفة الرحلة بين بلدين ... رحلات شرق آسيا بعيدة عن منطقتنا

وكذلك سهولة التنقل بين بلدانهم وقربهم من بعض ...

أتفق معك تماماً بنقطة الأكل في شرق آسيا ..

حبيبنا أبو غسان ( فك أزمة ) بموضوعه عن التأشيرة .. لا حرمه الله أجر تفريج كرب إخوته ..

كذلك المميز وعرّاب سنغافورة ( الإماراتي ) له تقارير كشفت خبايا البلد ...

شكراً لك على طرح تجربتك التي أثْرَت البوابة ليستفيد منه كل باحث ..

هذا الإبداع يجعلنا نطمع بتقرير ماليزي يتزين بها بوابتها الجميلة ..

بانتظارك يالغالي ... وحفظ الله لك من تحب وحفظك لمن أحبك ..

اليوم الخامس - و الأخير -


في هذا اليوم وبما انه اخر يوم لنا في سنغافورة كان شعارنا هو محاولة ما يمكن اللحاق به .. لاننا اقتنعنا نغادر المدينة وفيه اماكن ما راح نزورها لضيق الوقت للاسف ..

صحينا صباحا كالعادة افطرنا وانطلقنا الى جزيرة سنتوزا مرة ثانية لان اليوم اللي قبله كان مخصص للملاهي فقط

وهنا فيه نقطة ابغى اذكرها .. يوم تخطيطي للرحلة كنت محتار هل احجز فندق بجزيرة سنتوزا واقضي فيه يومين أو اخلي حجزي كله بسنغافورة واروح للجزيرة عبر التلفريك بما ان المسافة ليست بعيدة

وبالاخير اخترت الخيار الثاني .. والسبب هو اني وجدت الفنادق في جزيرة سنتوزا أغلى

لكن الان اعترف اني اخطأت لأن اسعار التلفريك كانت غالية جدا صراحة .. اذ كلفتنا 30 دولار للشخص الواحد وبما اننا 7 اشخاص سعني كلفتنا 210 دولار .. وبما اننا رحنا للجزيرة مرتين في يومين مختلفين يعني كلفتنا 420 دولار

باختصار اللي وفرته بالفندق دفعته بالتلفريك .. لذلك نصيحة لا تطيحون بنفس خطأي واحجزوا بسنتوزا افضلكم




عموما وصلنا لجزيرة سنتوزا ودخلنا أول شي قدامنا وهو متحف الشمع Madame Tussauds Singapore

سعر الدخول للكبار كان 45 دولار .. فكرة المتحف بالبداية يعرفوك على تاريخ دولة سنغافورة بطريقة ترفيهية ومسلية من بداية يوم كانت تحت الاحتلال البريطاني الى يومنا هذا .. اجمل لحظات كانت وقت الغزو الياباني عليهم في الحرب العالمية الثانية قدموها بشكل جميل وعيشونا اجواء الحرب والرعب اللي كانو فيه -الله يكفينا واياكم من الحروب-

بعد ما تخلص من تاريخ سنغافورة راح تدخل على المتحف وفيه شخصيات كثيرة ومتنوعة سواء شخصيات سياسية رياضية سينمائية وغيرها

واخر شي بعد ما تخلص من المتحف راح يدخلوك عرض 4D عن شخصيات مارفل (هولك و سبايدر مان وايرون ما و و و ) عرض قصير ومسلي جدا

بعض الصور لأهم الشخصيات بالمتحف









بعد ما انتهينا من المتحف على طول سريع سريع على Skyline luge لان ما عندنا وقت زي ما قلتلكم

المكان هذا مدري كيف اوصفله لكنه مثل السيارات تنزل منه منزلق لين تحت وبعدها تركب تلفريك عشان ترجع مكان ما دخلت

وصفي سيء ادري لكن ان شاء الله تفهمون مع الصور





وهنا التلفريك اللي بيطلعكم الى مكانكم الأول




بعد هذا المكان رحنا للمكان اللي جنبه واللي اسمه Sentosa 4D Adventureland .. هو باختصار مكان لعرض افلام قصيرة 4D .. هذا بصراحة ما كان من ضمن الاماكن المخطط لها لزيارته اليوم .. وبما اننا انبسطنا بالعرض اللي كان في المتحف قررنا نجرب هذا بعد

بس عالسريع حبيت اشرح عروض ال 4D للي ما يعرفها
هي عروض عادية لكن تلبس نظارة بحيث تشوف الحاجات وكأنها تخرج من الشاشة + الكراسي اللي تجلس فيها تتحرك وتتفاعل مع العرض .. مثلا بالعرض يكون فيه انفجار داخل بحر يقومون يرشرون عليك شوية موية .. بالعربي تعيش الجو معهم واعتذر على الشرح البدائي هههههه

وهذا صور للمكان اللي تكلمت عنه








بعدها Merlion .. تذكرون هذا المعلم اللي تكلمت عنه باليوم الثاني .. هو نفسه لكن هذا تمثال عملاق جدا .. بإمكانك تدخله ويطلعونك فوق عند فم الأسد وهناك بيكون منظر جميل يطل على جزيرة سنتوزا كاملة

وهذه الصور ..









بعد كل هذا اللي سويناه صار باقي تقريبا ساعتين على الغروب .. ونحنا كنا حاجزين تذاكر لدخول عرض Wing of time اللي يبدأ بعد الغروب بنصف ساعة

وبما ان موقع العرض قريب من الشاطئ لذلك قررنا نروح نسترخي امام الشاطئ الين تغرب الشمس وبعدها نحضر العرض

نصيحة: يوجد قطار ينقل من وسط الجزيرة الى الشاطئ بمبلغ بسيط .. لكن نصيحتي اذا كان فيكم حيل ونشاط انكم تروحون للشاطئ مشي بالأقدام .. لأن فيه مناظر طبيعية جميلة جدا راح تفوتكم وانتم بالقطار

من وسط الجزيرة الى الشاطئ مشي عبر الاقدام ممكن عبارة عن 15 الى 20 دقيقة .. مش بعيد وهذه صور لبعض المناظر














عموما بعد ما وصلنا للشاطئ جلسنا وريحنا فيه بعض المطاعم القريبة من الشاطئ تقدر تاخذلك منها كوفي او سناك او حتى تتغدى فيها .. لكن الأهم من هذا كله منظر الغروب من الشاطئ .. منظر جميل جميل جميل اتعب وانا امدحه وللاسف مهما الكاميرات اللي معاك ماراح تقدر تلتقط جمال وروعة المنظر .. لا يفوتكم نصيحة

وهذه صور للشاطئ + الغروب








عموما بعد الغروب رحنا للعرض اللي كنا حاجزين له واللي هو Wings Of Time .. العرض هذا صعب وصفه هو عبارة عن ايش
قصة + لوحات فنية + نافورات + العاب نارية

راااائع بكل ما تحمله الكلمة من معنى .. اكثر مكان انبسطت فيه باليوم كان هذا العرض

العرض عبارة عن 25 دقيقة و والله كأنها 5 دقائق من جمال وروعة العرض
سعر الدخول كان 15 دولار للشخص الواحد

كنت قاعد اصور سنابتشات واشوف العرض من شاشة جوالي .. لكن من جمال وابداع العرض قفلت جوالي وقفلت كاميراتي وقررت اعيش اللحظة لانه عرض ما يتكرر والله

صورت صورة ووحدة وفيديو مدته 20 ثانية فقط .. نصيحة اذا لكم زيارة لسنغافورة لااازم تزوروه



وهذا الفيديو (20 ثانية فقط)



بعد الانتهاء من العرض كانت الساعة 7:30 ليلا .. رجعنا الى سنغافورة وفي طريقنا الى الفندق لقينا ماكدونالدز .. تعشينا فيه وكان مثل اصحابه سيء سيء الله يكرم النعمة

اغلب وجباتهم كانت فيها أناناس .. بالرغم اننا كنا نشيل الاناناس لكن طعم مازال موجود .. طعمه كان حاااالي جدا تخيل تاكل برجر حالي .. مدري وش وضعهم والله ذوقهم بالأكل غريب ذولي

عموما بعدها رجعنا الى الفندق وفي الصباح التالي على الساعة 9 صباح حركنا على المطار الى ماليزيا وبالتحديد كوالالمبور جلسنا فيها 3 ايام وبعدها العودة الى جدة


لكن في شي اخير ابغى اتكلم عنه .. مطار سنغافورة !! مطار مرتب ومنظم بشكل لا يوصف وفيه وسائل ترفيه كثيرة .. على قولة الوالدة مطارهم لوحده تمشية ههههه .. متخيلين ان المطار فيه سينما و جلسات تقدر تلعب بلايستيشن و اكس بوكس وايضا يوجد حديقة فراشات هذا غير تنوع المطاعم والمقاهي ذا كله داخل المطار

يعني باختصار اللي عنده ترانزيت في مطار سنغافورة لا يشيل هم ابد بيضيع الوقت بسرعة في هذا المطار








وبس بكذا انتهت من التقرير البسيط هذا .. أول تقرير اكتبه لذلك اعتذر على الأخطاء اللي فيه وان شاء الله اتعلم منكم في المرات الجاية .. اتمنى اني اظهرت ولو جزء بسيط من جمال وروعة سنغافورة

شاكر للجميع المتابعة

شكرًا لك علي التقرير
واضح الشرح
تستأهل اقل شي يومين الجزيره الي ثلاث ايّام
يستاهل اليوم اخر شي ذكريات
من سيارات ومطل والعرض والغروب
تحياتي لك

الله يعطيك العافية ....

عندما رغبنا بالتقرير الماليزي .. كان طمعاً لجمال ماتقدمه يالغالي ..

لمسات تقرير سنغافورة يوحي بحس إبداعي مميز ..

لحظات الغروب كما ظهرت بتقريرك ( راااااااااااائعة ) أظهرتها بشكل احترافي ..

وفعلاً مطار سنغافورة من المطارات الجميلة والمصنفة تصنيف عالي ...

تحياتي لك .. مع خالص تقديرنا لهذا الطرح المميز لرحلتك الجميلة ..

تقرير رائع
ماشاءالله رحتوا أماكن سياحية مهمه جدا
لكن الاكل هذه مشكلة نعاني منها عند زيارة سنغافوره
استمتعنا معاكم بالتقرير
بانتظار تقرير ماليزيا