01-02-2018, 09:02 AM
|
#8 |
مشرف سابق
تاريخ التسجيل : Jun 2015 رقم العضوية : 4269 الدولة : السعودية الجنس : ذكر المشاركات : 854
| 
هلابك اخوي رائد
***
أتفق مع اخوي الردادي (alradadi) في كل ماقاله
بوكينج الأول عالمياً والافضل على الاطلاق من جميع النواحي
لي 7 سنوات ما اتعامل الا مع بوكينج ولا فكرت اغير حتى لو لقيت ارخص منه
على العلم اذا فيه ارخص ماراح يكون الفارق كبير ويستاهل التغيير
وبوكينج يقول لعملائه اذا لقيتو ارخص ارسلو رابط الموقع الارخص
ولكن بشرط نفس مواصفات الحجز الي حجزوتها من نوع السكن
وسياسة الالغاء والافطار المجاني ومن كل شي
اذا تطابق كل شي يعطونك بنفس السعر الارخص
واذا سبق ودفعت المبلغ يرجعون الفارق لك في اسرع وقت
مرة كنت حاجز في احد الفنادق يومين وصلت الفندق ودفعت حق اليومين
وعادي كل شي تمام... اول ماصحينا اليوم الثاني حصلت عندنا ظروف
ولازم نطلع من الفندق
نزلنا للاستقبال وقلنا نبي نطلع ورجعو المبلغ الباقي حق اليوم
رفضو بحجة اننا دفعنا وموقعين على عقد الايجار لمدة يومين
تبون تقضونها والا بكيفكم مبلغ مافيه حاولت معهم بشتى الطرق
عندنا ظروف ومن هالكلام مافيه فايدة
وقتها ما اعرف رقم بوكينج ولا بعد حملت تطبيقهم عندي
الكلام هذا قبل 6 سنوات تقريبا توني عميل جديد عندهم
ورقم خدمة العملاء موجود في حسابي على موقعهم
وجوالي وقتها قروشة سالفته طويلة
المهم قلت ابفتح اللاب تبعي ابي فيش كهرب
قالو تفضل هذي غرفة فيها الي تبي جنب الاستقبال بيني وبينهم شباك
دخلت الغرفة وشغلت اللاب وطلعت رقمهم وجنبي تلفون ثابت
كلمتهم وردو علي على طول وشرحت لهم الموضوع قالو خلك دقايق لا تسكر الخط
واسمع تلفون الاستقبال يدق رد الموظف
وانا اسمعه في النهاية الا الموظف يقول خير ان شاء الله ابشر
مثل ماتريدون وسكر المكالمة رجعلي بوكينج وقال مافيه اي مشكلة
رح لهم يعطونك المبلغ واي خدمة حنا حاظرين
اخذت المبلغ وطلعت
وثلاث مرات بعد كنسلت الحجز وكان غير مسترد وحلو المشكلة
وتبوني اغير بوكينج
من واقع تجربة بوكينج توكلو على الله وتعاملو معه كل مشاكلكم بيحلونها باذن الله
والي يدور الرخيص تراه مخيس... والفرق مايستاهل
وبوكينج بيعطيك نفس السعر الي لقيته في موقع ثاني... لكن نفس المواصفات
وبالتوفيق للجميع
|
|  |
40الاعجاب
العرض الشجري
المواضيع المتشابهه 
