02-02-2018, 07:52 AM
|
#1 |
مسافر متميز
تاريخ التسجيل : Dec 2014 رقم العضوية : 109 الدولة : السعودية - الاحساء الجنس : ذكر المشاركات : 277
| 
 |
عليكم السلام
الغاء الحجز المتأخر يخرب الرحلة وينرفز الواحد حتى لو حصل على تعويض مجزي
بصراحة اهنيهم على الاعتراف بالخطأ ومحاولة اصلاح هذا الخطأ واحترامهم للعميل الذي اساس نجاح اي عمل واي شركة
بالنسبة لي اشوف ان بوكنق هو الافضل ولا يوجد له اي منافس حتى الان نعم صحيح راح تجد اسعار مواقع كثير ارخص منه لكن اذا كنت مسافر مع عائله في موسم سفر الى جهه سياحية رائجه انصحك بالحجز مع بوكنق فقط حتى لو السعر اغلى
شكراً يابو مريم استفدنا من تجربتك كثيراً
| |
ينرفز وبس
اللي معي فالسياره كلو هوى وهم مالهم خص بالموضوع يوم شافوني متنرفز كذا
اول مره يشوفون في ذا الحاله ههههههه
|
هلابك اخوي رائد
***
أتفق مع اخوي الردادي (alradadi) في كل ماقاله
بوكينج الأول عالمياً والافضل على الاطلاق من جميع النواحي
لي 7 سنوات ما اتعامل الا مع بوكينج ولا فكرت اغير حتى لو لقيت ارخص منه
على العلم اذا فيه ارخص ماراح يكون الفارق كبير ويستاهل التغيير
وبوكينج يقول لعملائه اذا لقيتو ارخص ارسلو رابط الموقع الارخص
ولكن بشرط نفس مواصفات الحجز الي حجزوتها من نوع السكن
وسياسة الالغاء والافطار المجاني ومن كل شي
اذا تطابق كل شي يعطونك بنفس السعر الارخص
واذا سبق ودفعت المبلغ يرجعون الفارق لك في اسرع وقت
مرة كنت حاجز في احد الفنادق يومين وصلت الفندق ودفعت حق اليومين
وعادي كل شي تمام... اول ماصحينا اليوم الثاني حصلت عندنا ظروف
ولازم نطلع من الفندق
نزلنا للاستقبال وقلنا نبي نطلع ورجعو المبلغ الباقي حق اليوم
رفضو بحجة اننا دفعنا وموقعين على عقد الايجار لمدة يومين
تبون تقضونها والا بكيفكم مبلغ مافيه حاولت معهم بشتى الطرق
عندنا ظروف ومن هالكلام مافيه فايدة
وقتها ما اعرف رقم بوكينج ولا بعد حملت تطبيقهم عندي
الكلام هذا قبل 6 سنوات تقريبا توني عميل جديد عندهم
ورقم خدمة العملاء موجود في حسابي على موقعهم
وجوالي وقتها قروشة سالفته طويلة
المهم قلت ابفتح اللاب تبعي ابي فيش كهرب
قالو تفضل هذي غرفة فيها الي تبي جنب الاستقبال بيني وبينهم شباك
دخلت الغرفة وشغلت اللاب وطلعت رقمهم وجنبي تلفون ثابت
كلمتهم وردو علي على طول وشرحت لهم الموضوع قالو خلك دقايق لا تسكر الخط
واسمع تلفون الاستقبال يدق رد الموظف
وانا اسمعه في النهاية الا الموظف يقول خير ان شاء الله ابشر
مثل ماتريدون وسكر المكالمة رجعلي بوكينج وقال مافيه اي مشكلة
رح لهم يعطونك المبلغ واي خدمة حنا حاظرين
اخذت المبلغ وطلعت
وثلاث مرات بعد كنسلت الحجز وكان غير مسترد وحلو المشكلة
وتبوني اغير بوكينج
من واقع تجربة بوكينج توكلو على الله وتعاملو معه كل مشاكلكم بيحلونها باذن الله
والي يدور الرخيص تراه مخيس... والفرق مايستاهل
وبوكينج بيعطيك نفس السعر الي لقيته في موقع ثاني... لكن نفس المواصفات
وبالتوفيق للجميع
| |
كفو والله كفو
اشكر الجميع على المشاركه والرد
فكرة انك تقول لبوكينج انه في موقع عارض سعر ارخص جديده علي وعجبتني كثير
هذا بعض من الفوايد اللي نستفيدها من هذا المنتدى الكبير
اشكركم جميعا
وسالفة الفرق في السعر بين بوكينج والمواقع الثانيه ماتسوى ... هذا صحيح
بس في بعض الاحيان بوكينج يقولك نفذت وعند المواقع الثانيه متوفره
وهذا اللي صار لي في هذه القصه
| توقيع : رائد بومريم | | اجعل طاعة الله تجارة
تأتيك الارباح بلا بضاعة
| |
|  |
40الاعجاب
العرض المتطور
المواضيع المتشابهه 
