السلام عليكم ورحمة الله وبركاته
انا قبل فتره حجزت غرفتين متصله في فندق يوروستار لمدة 6 ايام من 11/7/2018 الى 17/7/2018
بمبلغ 4150
وامس في اليل شيكت على بوكنق لقيت نفس الفتر بمبلغ 2300 ف حجزت و كنسلت الحجز السابق
اليوم شيكت لقيت نفس الفتره بمبلغ 7233 ريال
انا الان حجزي الموكد 2300
انا شايف ان الفرق كبير جدا
سوالي كيف اتاكد ان فعلا حجزي موكد من الفندق

اتصل فيهم وكلمهم تلقى
رقمهم المباشر ف الحجز
وصور حجزك باللغة التركية
وخليه معاك لما توصل ان شاء الله
والموضوع عادي ترى
احيانا تنزل عروض فجأة من
الفندق وحتى لو حجزك مبلغه
اكثر تكلمهم ف بوكينغ ولما تسكن
تبلغهم وترسل إيميل بفرق المبلغ
وخلال اقل من اسبوع تلقى الفرق
ف حسابك وهذه مرت عليا شخصيا
قبل فترة بسيطة وكان حجز غير مسترد
أتمنى أكون أفدتك ياغالي ورحلة سعيدة

تقدر تتصل على البوكنق نفسهم او ترسل لهم ايميل وهم يتصلون فيك

قبل فترة حصلت عرض الاربع ايام ارخص من الثلاث ايام لنفس الفندق فارسلت لهم ايميل واتصلوا فيني وضبطوا السعر

مثل ما قالوا الاخوان
اذا جاك رسالة تاكيد الحجز من بوكنج
وفيها رقم الحجز
امورك تمام باذن الله تواصل مع بوكنج
او نفس الفندق
وتاكد من الحجز

الاسعار فبوكينق كل مره شكل ��

فعلاً السعر مختلف بشكل كبير جداً .. ويستحق هذا ( الاصطياد )

كما ذكر الأحبة الأصل بأن حجزك تمام .. وإن كنت قَلِق .. أزله بالمراسلة والاتصال ..

وبالتوفيق ..