بسم الله الرحمن الرحيم

الأربعاء

3 / 1 / 2018م

القناطر الخيرية إحدى مدن محافظة القليوبية ، وهي المنطقة التي يتفرع فيها نهر النيل لفرعية فرع رشيد وفرع دمياط ، وتستمد اسمها من قناطر بناها محمد علي باشا ، تتحكم في تدفق المياه للثلاث رياحات الرئيسية في دلتا النيل

( المنوفي ، التوفيقى ، البحيري ) وتتميز بمساحات كبيرة من الحدائق والمتنزهات ، وهي تبعد في حدود 20 كم من القاهرة



للذهاب إلى القناطر هناك طريقتين .. إما بالتاكسي .. أو بالمراكب

المراكب أو ما يسمى بالرحله النهريه تبدأ من كورنيش النيل بالقاهره من منطقه اسمها ( ماسبيرو ) نسبة إلى مبنى الاذاعة والتلفزيون

وهناك يمكن ركوب البواخر الكبيره التي تتسع لعشرات الاشخاص .. أو استئجار مركب خاص

مع بدء الرحله يستمتع الشخص بالمشاهد الطبيعيه التي تطل على النيل مباشرة .. والمرور المتعدد أسفل الكباري التي تصل بين ضفتي النيل

وبالقرب من القناطر سترى الفيلات المتجاوره لبعض المشاهير من الفنانين والاعلاميين

وهناك قصر الخديوي الذي بناه محمد علي باشا، مؤسس القناطر، والذي كان يتخذه الملك فاروق ملك مصر السابق ، كاستراحة له ، وكذلك توجد استراحة شهيرة للرئيس المصري السابق محمد أنور السادات ، حيث كان يقيم فيها أكثر وقته ، وكان استقبل فيها معظم ضيوفه من رؤساء دول العالم والملوك والأمراء

اذا اخذتوا مركب خاص .. فصاحب المركب خلال الطريق حيوديكم لمزارع النحل والعسل .. ويوقف عند إمراة تبيع فطير مشلتت

ابوابراهيم / معقوله تجي القاهره ثمانية مرات .. ولا مره زرت القناطر !!!

نجم / أي والله .. كل مره نأجلها .. ونقول بعدين .. انت رحت الرحله النهريه .. كيف ؟

ابوابراهيم / مو بطاله

نجم / كم مدتها ؟

ابوابراهيم / من ساعه ونص إلى ساعتين

نجم / نعم !! ساعتين !! لا يا حبيبي .. الجو باااااااااارد !! انت تبغى الهواء بارد يمرضنا

خلينا نروح بالتاكسي أفضل .. ومنها نتفرج على المدن والقرى اللي في الطريق

وليتنا لم نفعل !!

ايش زحممممممممه !! وحفر بالطريق كسرت ظهورنا !!

حنطور معطل الطريق !! باص عطلان وخربان !!

وياليت في مناظر تفتح النفس !! إلا بالعكس !!

بيوت شعبيه بجوار عماره ضخمه !! زبالات متكومه !! ترع ماء مقرفه !!

عشوائيه !! عدم تنظيم !! طرق صغيره داخله في بعض !!

بعد ساعه ونص مرهقه !! وصلنا القناطر الساعه الرابعه عصراً ولله الحمد







المكان فاااااااااضي ومافي أحد .. والسبب على ما أعتقد وقتنا المتأخر .. والجو البااااااارد

كان في استقبالنا العديد من الحناطير التي تأخذ بك جوله داخل القناطر

السايس / عاوزين اللفه الصغيره ؟ المتوسطه ؟ ولا الكبيره ؟

ابوابراهيم بعصبيه / ياعمي انتوا ما عندكم إلا الكلمه هذي !! صاحب المركب في النيل !! الحنطور في القاهره !!
الحنطور عند الاهرامات !! كلكم متفقين !! لفه صغيره ولفه كبيره !! خلاص طفشنا ترى !!
انتوا عارفين ان الناس جايه تتمشى .. وتبغى تشوف كل حاجه .. وحتختار اللفه الكبيره .. اللي هي أصلا مافي غيرها .. والناس حتنجبر وتختارها !! وانتم ترفعوا الاسعار لأنها اللفه الكبيره !! حركااااااااااات !!

السايس / ياباشا أنا حافرجك على كل حاجه .. واوديكوا الشلالات .. والقصور .. والاشجار الكبيره المعمره
وحديقة الأزهار .. والفطير المشلتت .. وحتركبوا خيل .. وحتنبسطوا

نجم / الله المستعان .. طيب اوكي .. كم سعر اللفه الكبيره هذي حقتك ؟

وبعد مفاوضات اتفقنا على 300 جنيه = 66 ريال سعودي تقريباً

وطرقن .. طرقن .. طرقن .. واخذنا باتجاه الشلالات كبدايه

وايش على حفر !! واه !! اوووه !! اييييه !! ظهري !! اه يا ظهري

في الطريق مرينا على كم شتلة ورد

السايس / دي بقى حديقة الزهور .. شوف الجمال والحلاوه

ابوابراهيم / نعم ياخويا !! كم شتلة ورد اسمها حديقه !! وبعدين دي على جانب الطريق !!

السايس / عاوزين اوقفكم تتصورا

نجم / يادمك ياشيخ !! لا ياخويا .. خلاص استمتعنا بالورد والزهور !! ودينا الشلالات

وصلنا الشلالات بعد 4 دقائق

السايس / ايه رأيكم بقى ؟؟ شوف المنظر الجميل .. اسيبكوا أنا تاخدوا كم صوره

نجم بذهول كبير / هي دي الشلالات !!

ابوابراهيم بضحكه كبيييييره / ياساتر !! انتبه يا نجم .. خليك بعيد

نجم وهو يتحدث عبر السناب / وهنا تشاهدون أكبر شلال رأيتموه في حياتكم !! لا يوجد له مثيل في اسيا ولا اوروبا !!

ابوابراهيم عبر سنابه وهو يضحك / هذا الشلال العظيم اللي تكسرت ظهورنا عشان نشوفه !!

استمتعوا بصورة الشلال العظيم !!!





ايش رأيكم يا اخوااااان !! اقطع نفسي أنا !! ولا أعمل اييييييييييه !!



ياهوووووو !! يا عاااااااالم !! ارحمونا !!

شلال اييييييه !! وكلام فااااااااااااااااضي ايييييه !!

شلال عشره سم !! والأخ يقول خذوا كم صوره للذكرى !!

نجم وهو يتنهد / ها ايش في ثاني عندك ؟؟

السايس / نرجع تاني لحديقة القناطر

بعض الصور لحديقة القناطر









احب انوه لوجود ألعاب أطفال في الحديقه

السايس طول الطريق يتكلم ويقول / هنا قصر الخديوي .. قصر فاروق .. قصر الملك سعود

واحنا ما نشوف الا السور !! واجزاء من القصور !!

ودي فيلا عادل إمام .. ودي فيلا محمد هنيدي !! وغيره .. وغيره

واحنا ندربي رؤؤسنا ما ندري صدقه من كذبه !! المهم احنا نتفرج





بعدها سألنا عن الفطير المشلتت .. فقال السايس / أن اللي بتعمل الفطير مشيت بيتها !! لأن الوقت متأخر

ثم اخذنا إلى الخيول .. وحاول بإصرار كبيييييير أن نأخذ جوله بالخيول .. ولكن ما ركبناها

انتهت الجوله ولله الحمد .. التي استمرت تقريباً ساعه وحولها .. ورجعنا السايس للتاكسي حقنا اللي خليناه ينتظرنا

في رأيي المتواضع جولة القناطر كانت عاااااااديه جداً .. ولا تستحق المشواااااار

ممكن الرحله النهريه تكون افضل للاستمتاع بالنيل .. وممكن طلب وجبة غداء معها عشان تحلي الرحله

يتبع ..