وعادت مصر الحبيبيه .. 7 أيام

جريح يوليو · 15-03-2018, 03:11 PM

اقتباس : المشاركة الأصلية كتبت بواسطة نجم السياحه

بسم الله الرحمن الرحيم

الأربعاء

3 / 1 / 2018م

المكان فاااااااااضي ومافي أحد .. والسبب على ما أعتقد وقتنا المتأخر .. والجو البااااااارد

كان في استقبالنا العديد من الحناطير التي تأخذ بك جوله داخل القناطر

السايس / عاوزين اللفه الصغيره ؟ المتوسطه ؟ ولا الكبيره ؟

ابوابراهيم بعصبيه / ياعمي انتوا ما عندكم إلا الكلمه هذي !! صاحب المركب في النيل !! الحنطور في القاهره !!
الحنطور عند الاهرامات !! كلكم متفقين !! لفه صغيره ولفه كبيره !! خلاص طفشنا ترى !!
انتوا عارفين ان الناس جايه تتمشى .. وتبغى تشوف كل حاجه .. وحتختار اللفه الكبيره .. اللي هي أصلا مافي غيرها .. والناس حتنجبر وتختارها !! وانتم ترفعوا الاسعار لأنها اللفه الكبيره !! حركااااااااااات !!

السايس / ياباشا أنا حافرجك على كل حاجه .. واوديكوا الشلالات .. والقصور .. والاشجار الكبيره المعمره
وحديقة الأزهار .. والفطير المشلتت .. وحتركبوا خيل .. وحتنبسطوا

نجم / الله المستعان .. طيب اوكي .. كم سعر اللفه الكبيره هذي حقتك ؟

وبعد مفاوضات اتفقنا على 300 جنيه = 66 ريال سعودي تقريباً

وطرقن .. طرقن .. طرقن .. واخذنا باتجاه الشلالات كبدايه

وايش على حفر !! واه !! اوووه !! اييييه !! ظهري !! اه يا ظهري

في الطريق مرينا على كم شتلة ورد

السايس / دي بقى حديقة الزهور .. شوف الجمال والحلاوه

ابوابراهيم / نعم ياخويا !! كم شتلة ورد اسمها حديقه !! وبعدين دي على جانب الطريق !!

السايس / عاوزين اوقفكم تتصورا

نجم / يادمك ياشيخ !! لا ياخويا .. خلاص استمتعنا بالورد والزهور !! ودينا الشلالات

وصلنا الشلالات بعد 4 دقائق

السايس / ايه رأيكم بقى ؟؟ شوف المنظر الجميل .. اسيبكوا أنا تاخدوا كم صوره

نجم بذهول كبير / هي دي الشلالات !!

ابوابراهيم بضحكه كبيييييره / ياساتر !! انتبه يا نجم .. خليك بعيد

نجم وهو يتحدث عبر السناب / وهنا تشاهدون أكبر شلال رأيتموه في حياتكم !! لا يوجد له مثيل في اسيا ولا اوروبا !!

ابوابراهيم عبر سنابه وهو يضحك / هذا الشلال العظيم اللي تكسرت ظهورنا عشان نشوفه !!

استمتعوا بصورة الشلال العظيم !!!

ايش رأيكم يا اخوااااان !! اقطع نفسي أنا !! ولا أعمل اييييييييييه !!

ياهوووووو !! يا عاااااااالم !! ارحمونا !!

شلال اييييييه !! وكلام فااااااااااااااااضي ايييييه !!

شلال عشره سم !! والأخ يقول خذوا كم صوره للذكرى !!

نجم وهو يتنهد / ها ايش في ثاني عندك ؟؟

السايس / نرجع تاني لحديقة القناطر

بعض الصور لحديقة القناطر

احب انوه لوجود ألعاب أطفال في الحديقه

السايس طول الطريق يتكلم ويقول / هنا قصر الخديوي .. قصر فاروق .. قصر الملك سعود

واحنا ما نشوف الا السور !! واجزاء من القصور !!

ودي فيلا عادل إمام .. ودي فيلا محمد هنيدي !! وغيره .. وغيره

واحنا ندربي رؤؤسنا ما ندري صدقه من كذبه !! المهم احنا نتفرج

بعدها سألنا عن الفطير المشلتت .. فقال السايس / أن اللي بتعمل الفطير مشيت بيتها !! لأن الوقت متأخر

ثم اخذنا إلى الخيول .. وحاول بإصرار كبيييييير أن نأخذ جوله بالخيول .. ولكن ما ركبناها

انتهت الجوله ولله الحمد .. التي استمرت تقريباً ساعه وحولها .. ورجعنا السايس للتاكسي حقنا اللي خليناه ينتظرنا

في رأيي المتواضع جولة القناطر كانت عاااااااديه جداً .. ولا تستحق المشواااااار

ممكن الرحله النهريه تكون افضل للاستمتاع بالنيل .. وممكن طلب وجبة غداء معها عشان تحلي الرحله

يتبع ..

اجمل ما كتبت
القناطر كما سمعت تطلع لها من 10 الصبح عشان تاخذ رحلتك كامله ومتعتها تروح بالمركب
رغم اني زرت مصر كتير و جلست فترات طويله ما عمري زرت القناطر لاني غالبا اكون لحالي ..القناطر كان معي واحد في اخر 2015 ونوينا لها لكن ما الله كتب و ما اتفقنا مع المركب طلب 1500 جنيه في ذاك الوقت تقريبا 800 ريال او 200 دولار
وسامحوني على الاطاله ودي اتكلم بخصوص الاصطبلات
في الخيول دايم اطرح النص في السعر واعلم ان السواق اللي معك ماخذ حقه منه
وانا اقول هذا الكلام عشان حاجتين
الاولى ان في كثير من الاحيان تخرب رحلتك بسبب عمولة السواق وتنحرم من شي نفسك تشوفه لانه زاد عليك الضعف دفعت 1000 اعرف له 500
الثاني .. ان اتفاقي معه مواصلات واخذ حقه كامل مع الاكراميات ليه يزود ويستغلني سواء كان سكن مفروش او اهرام او قناطر او سهرة ليش يخدعني و يزيد علي من ورى ظهري ويكلفني زيادة ولا يقول الحقيقه وانا لو رحت بدونه راح تقل علي التكلفة النص
والحق يقال والله فيه سواقين يخصمون عمولاتهم من يوميته معك
كان معي سواق في 2013 حرق دمي حرق وخرب علي كذا مكان بسبب عمولته
وانا اقول هذا الكلام مو حقد او بخل لا.. لنفرض تعاملت مع كهربائي نجار استاجرت سكن الخ واتفقت معه على مبلغ هل تقبل انه يطلب زيادة فوق حقه بعد ما يخلص شغله
الاماكن الي ما ياخذون منها السواقين المطاعم الكافيهات او اي محل مافيه فاتورة
حصل لي موقف في الهرم اول ما نزلني السواق عند اصطبل الا يوم دخلني في غرفه وفيها زينه وبترينات و علب مرصوفه وما ادري ايش ويقوم يفتح قزازة ريحتها تطرح الذباب اللي في الغرفه ..عرفت في ما بعد ان هذا عطر ويطلب مني رايي فيه
وما تخفش راح نراعيك قلت انا ما جيت ادور عطر قال طيب شم ويحاول يضغط علي وانا اردة بيدي قلت حبيبي على بالك بتحرجني وبتكسف منك اكرر لك بالعربي انا جاي ادور خيل مو عطور يا تخلصني يا امشي
وانا هنا انصح كل من يروح اصطبل انبته تمزح معه او تكون مرح خل تعاملك جدي معهم وكلام قليل او راح تتعب معهم
المهم قال لفه طويله والا قصيره قلت اخلص بكم قال 250 جنيه ايام ما كان الريال 1.6 يعني تقريبا 155 ريال قلت انت شفت السيارة هذي واشر على سيارة السواق مستوبيشي قال مالها قلت هذي يوم كامل ب 200 جنيه و تقول خيل ساعه ب 250 ..
قلت لسواق اركب قال نتفاهم معاه قلت لا ..لو يقول مجانا والله ما اركب طبعا انا عارف ان السواق متعاون معهم... بس قلت ابيها درس له ما يفكر يطمع في زبونه ..
واكرر والله لو مجانا ما اركب ويجلس يتحايل علي السواق و الكلام اخذ وعطا قلت لسواق خلاص خليك معهم انا باخذ تاكسي ... يوم رجعنا للشقه وهو مكشر طول الوقت ما استفاد شي قلت له حبيبي تبي تشتغل معي اهلا وسهلا ولا تامل مني بجنيه واحد في اي مكان وهذا ثاني موقف يخرب بسبب الطمع الاول كان مركب في النيل وتفركش بسبب السعر وحاول يعوض في الاهرام
وفيه كثير مواقف نذكرها للفايدة ان جت فرصه بحول الله
اسف للاطاله بس اقول هذا الكلام للخبرة لانك راح تقابل ناس مجنن فاخذ هذي في اعتبارك وتعلم من تجارب غيرك

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
~~ أيام بوليفية .. ~~	dam10	بوابة امريكا اللاتينية	32	30-03-2018 02:29 PM
ست أيام كم ميزانيتها	أم نايف	بوابة بريطانيا	26	08-06-2016 12:12 PM
طلب برنامج 10 أيام للسيشل	السعادة بالأسفار	رحلات الجزر والكروز	5	12-03-2016 09:34 PM
أيام مرت كالحلم	العميد الدولي	بوابة اسبانيا	16	28-01-2016 09:06 AM