السياحة في اسطنبول بحر
و السوق في اسطنبول محيط ههههههه

يعني اسئلتك لها اجوبة ما تخلص
لكن بحاول اقول المختصر المفيد


السؤال الاول
جزر الاميرات
كل مرة احطها بالجدول .. و بعدين ما اتشجع
و اذا ارجع البحرين اقول ليتني زرتها

السؤال الثاني
الاكسسوارات (من الاكشاك و المحلات الصغيرة) و الملابس التركية (من المحلات التركية سواء ماركات تركية او محلات صغيرة في الشوارع) .. و السبب الجودة الممتازة و السعر الرخيص
و مرة اشتريت شالات فرو لام زوجي و اخته من الجراند بازار .. و السبب بعد انها ارخص من الخليج
و بلا شك البقلاوة و الحلقوم .. مع اني ما احبهم و لكن الاهل كل مرة يطلبونهم

و لعيالي محل العاب رخيص جدا في تقسيم .. صغير المحل عرضه ما يتجاوز المترين
بس دايماً عنده اشياء حلوة .. و قريب منه محل ملابس على شخصيات باتمان و ربعه .. كل مرة لازم اخذ لهم منه