اول يوم وصلت
نستكشف المنطقة حوالين الفندق













وهذا الترام كان وسيلة النقل لنا من اول السوق الى اخرة
ورخيص جدا لا يتجاوز 2 باوند للشخص

ميزته ان احدى محطات توقفه وانطلاقتة من جانب الفندق
وهذا سهل علينا كثيرا



وهذه الملاهي المغلقة المائية كنت بحجز تذاكر عن طريق النت
لكن لما شفت الصور الغيت الفكرة
اطفال ولبس النساء مع اطفالهم لا يناسبني
اضف الى ذلك كثره الاختلاط بالماء والجراثيم



بعد العصر اخذت ام مشاري ونزلنا للبحر والجو كان بارد
تقريبا الى المغرب والحمد لله
استمتعت بالاجواء
وعلى المغربية اخبرتني موظفة لاستقبال بسعر الدخول
للملاهي وهناك خصم 20% للنزلاء
طبعا السعر هذا تستطيع ان تحصل علية اذا حجزت مبكر
اعتقد ان السعر فوق 40 باوند
ترددت بالاول ولما سالت ام مشاري تقول عادي وعرفت انها تبي تلعب بس مستحية
حجزت لها وهي ما تدري وفاجاتها بالتذاكر ولما شافتها تحمست وتبي تلعب

التذكره صالحة لمدة يوم كامل تستطيع ان تخرج من الملاهي وتعود
واذا رغبت بالعودة لا بد ان تخبرهم علشان
يختمون على يدك ختم مائي تحتاجه بعودة الدخول

انطلقنا بالصباح بعد الافطار وكنت اول شخص يدخل للملاهي
وام مشاري تقول انت اللحين ما تحب الملاهي واول من دخل
واقول ما احب الزحمة ( اقرب مخرج )

الملاهي لم تستهويني ولكن لم تشوف فرحة اللي معك
تقول المشوار لهم اضغط على نفسك
اعتقد ان الملاهي مناسبة من 15 سنة واقل
علما ان العوائل بكثرة بها
لعبة واحدة فقط هي اللي ممكن تستحق التجربة
ولكن الزحمة عليها كثيرة
تقريبا اخذت ساعه بالطابور الى ان وصلني الدور

هذه اللعبة التي تستحق التجربة















هذه البوابة العامة للدخول



الانطلاقة ولا فية مخلوق بالملاهي قبلي





طبعا نسيت اخبركم الملاهي بها العاب الكترونية وهذه لا تشمل
سعر الدخول
لها سعر ايضا تستطيع الحصول على العروض عن طريق النت

الحمد لله ان ما معي اطفال ولا كان ميزانية ثانية

















هنا شفت لعبة ام مشاري المفضلة
المصادمات
وما فيه احد واقول لها بسرعه اركبي لا يجي احد
سبحان الله احنا ركبنا من هنا والعالم ما ادري من وين طلعت
بس يعتبر ماهو بذاك الزحمة لما نزلنا صارت زحمة





اكملنا المشوار وكل لعبة تشوفها ام مشاري سهلة تقول خلنا
نركب اقولها روحي انا انتظرك
انا بداخل نفسي اقول لعبة اطفال وش يركبني
والحرمة تقول اذا ما ركبت معي ما ني داخلة للعبة
بالاخير سمعا وطاعه

















العاب القطارات او مسمى قطار الموت
اعتقد انه خمس العاب بها
ام مشاري مافية امل تركبها تخاف منها
وابومشاري يقول عادي عادي ماهي بذاك الخطورة اللي تخوف

وهنا بهذه اللعبة لما شفت صورتنا اللي التقطت
وردة فعل ام مشاري ضحكت عليها
واصريت اني اخذ الصورة وام مشاري تقول لا ماهي حلوة
قلت ايه هين
اخذت الصورة على شكل ميدالية
طبعا منعوني من ادخال كاميرا الفيديو بسبب التصوير
وقت نزول القارب لانهم يحتاجون ردة فعلك














يتبع...