السلام عليكم ورحمة الله ..
اهلاً وسهلاً يا احبه ،
بعد زيارتي خلال الاسبوعين الماضيه ل اندنوسيا قررت انزل لكم تقرير عن المناطق اللي رحتها
وبالتفصيل ؛)
لانه الصدق في مناطق قريت عنها شغلات
ويوم وحت تفاجأت انها مختلفة نوعاً ما
ف بكتب لكم رأيي ، وبالتوفيق للجميع
" فقدت الصور للاسف “



تقريري عن رحلتي ل تشيبوداس ( ارض الجنة )
بالتفصيل





" الاكشاك والبسطات "

البيع داخل المنطقه قليل ومحدود وكله عبارة عن شبسات واندومي وعصيرات واشياء خفيفة
يعني مافيه مطعم
بس اهم نقطه ان الاسعار دبل دبل بالنسبه للعرب
لذلك كاسر معهم لين توصل السعر اللي تبيه
وبينزلون ماعليكم ، بس أصرّوا عليهم
ولايغركم ابد السعر اللي يعطونكم اياه ، غالباً هو مدبّل

اذكر اني كاسرت مع واحدة تبيع ونزلت السعر مررررة ..

واغلب البائعين يتحدثون عربي بهالمنطقه
لذلك سهل تتفاوض معهم




" السوق والاكشاك الخارجيه "
يوجد سوق شعبي قبل ما تدخلون ع الحديقة
حلو ومناسب لأخذ هدايا بسيطة وتذكاريه

بس النقطه اللي دايم اركز عليها، كاسروا معهم بالسعر .. لان عادة هم يحطون سعر مختلف واعلى للسعوديين ..

* شيء اخر ، راح تلقون وبسكل منتشر ناس تبيع توت وفراوله
يوهمونكم انها طازجة
بس حقيقة جربت اشتري منهم ، والطعم الله يكرم النعمة
ابد ابد مو مثل اللي متعارف عليه
لا تشترون منهم والله الطعم ما يسوى




" المرشدات السياحيات "

بمجرد دخولك للمنتره ، يجونك حريم اندنوسيات
يسمون انفسهم بالمرشدات ، يعلمونكم وين طريق الشلال والبحيرات ويساعدونكم ويدلّونكم ع الطريق
بحكم ان المنطقة كبييييرة جداً وبتحوسون وبتضيعون لحالكم

ويتحدثوا بالعربي ..بس عموماً هم شغلتهم بس للعرب فقط ، يعني يبون بخشيش وشويه نصب ����

شي اخر ، نفس المرشدات يجيبون لكم فرشة وشاهي وبسكىويتات ، بس الاسعار ددددددبل
اذكر طلبنا صحنين بطاطس مقلي ، دفعنا قرابة 160 الف روبيه يعني تقريباً 40 ريال سعودي !!!
يعني بالعربي هم يقدمون خدمات بس ياخذون مبالغ وينصبون بالاسعار
لذلك انصحكم ما تطلبون منهم اكل ،
بس خلوهم يدلونكم ع الطريق
وبعد يبون حق الخدمة والارشاد

بس عموماً انتم بحاجة لهم غالباً لان المنطقة كبييييرة ويبيلها احد يدل ويساعدكم


" الشلال و البحيرات "

بالنسبه لي زرت واحد شلال، وهو الشلال المشهور في هالمنطقه
( ماعندي خلفيه اذا فيه غيره او لا )

بس عموماً بحاجة الى ليااااااقة والطريق متعب جداً وغير مناسب للعربيات والاطفال
بس ما يمنع الواحد يجرب ويختبر لياقته ؛)

وغالباً عند الشلال ززرحمة .. وكلهم اهل البلد
بس الشلال رااائع والمنطقه باااااردة
وحلو لأخذ صورة والاستمتاع بالبراد """

وهذه صورته ، " من النت " ولو تبحثون بالنت بتلقون صور اكثر

[IMG][/IMG]

بالنسبه للبحيرة انا زرت واحدة
( ماعندي خلفيه اذا فيه غيرها او لا بس اتوقع انه يوجد كم بحيرة )
وهذه صورتها

حقيقه جممممممميله جداً والمنطقه ترد الروح
وتستحق الزيارة والكشته .. واذا جلستم بقرب البحيرة مباشرة بيجيكم رذاذ ينعش ��✨
ومناسبه جداً للعوائل

[IMG][/IMG]




" دخول السيارات "

ع حسب كلام المرشدات غالباً الدخول للسيارات مبكراً فقط يعني اللي يجون بدري بالصباح وقبل الظهر
وبعدها يقفلون البوابه لانه يسير زحمة ..

وهذا اللي حصل معنا ، ماقدرنا ندخل السيارة مع ان وصولنا كان ع الظهر ..
واضطرينا نمشي لمسافات طويله ،
بس عموماً المشي جميل والمنطقه والمناظر تساعد ع المشي
بس انه متعب بحكم ان طلعات ونزلات ومنطقه جبليه..


" السوّاح "
٩٠٪؜ منهم هم الاندنوسيين ، ومن الفرص الجميله انكم راح تلقون سعوديين ، بحكم انها منطقة سياحية معروفه
فما عليكم شعبنا الكريم الا انكم تسلمون على بعض وتسألون عن الاحوال ، وتتمنون لبعضكم رحلة سعيدة
ولا تسوون لي فيها اللي " وش جابهم هنا ؟ "


" افضل الايام والاوقات للزيارة "
اترك هالنقطه للي عندهم خبرة يفيدونكم ..
انا زرتها ع 12 الظهر وكان الجو شوي حار وشمس بس عالعصريه وقبل المغرب الجو سار اجمل وابرد وبدأ الضباب ينزل ..
وكانت زيارتي بالويكند وايام عيد الفطر يعني بعز الزحمة ، ������
بس عموماً المنطقه كبيرة جداً وبتحصلون مكان مريح ومناسب للجلسه

" الرسوم"
يوجد رسوم بسيطة للدخول ، لكن ما اتذكر كم مع الاسف ، بس ان لم يخب ظني فهي 15 الف روبيه




بالنسبه للصور ، لولا فقداني لها نزلتها لكم .. بس ابحثوا عنها بالنت بتاقون باذن الله
واتمنى ان التقرير نال اعجابكم ✨

بالتوفيق ورحلة سعيدة للجميع
واي سؤال حاضرين باذن الله

الحمدلله على السلامه عبادي ماشاءالله تفاصيل و زيارات حلوه
وحسافه انك فقدت الصور ..


بس ماقلت لنا و ين السكن و رايك فيه ؟
والطيران على اي خطوط و رايك ؟

يعطيك العافيه يا اخوي
الصوره الوحيده اللي مفتوحه تبين ان الحديقه رائعه وعلى وصفك
شكراا لك لمشاركتنا تجربتك

بارك الله فيك اخي

جميل

رايع

مكان رائع

يب

استمتعت ب القراءة