Sand park

توبليرون · 12-07-2018, 06:56 PM

SAND PARK

ساند بارك في مول 89
بالعقيلة

مكان جديد للاطفال ومن زمان مو كاتبة لكم عن مكان للاطفال
رجعنا مع الحفيدة علشان نكتب لكم

مكان ممتع تقدر الام تتسوق والا يقعدون الاهل بالكافيهات الموجودة بالمول
والاطفال يلعبون

انا خليت زيونة مع عماتها ودوها هناك وانا قلت لهم بروح تروفاليو عجييب تروفاليو ما ودكم تطلعون منه الا شارين الاكو
والماكو
والله ودي اشتري اكثر بس منو يشيل معاي حدي جيسين

المهم رحت للبنات يبون باخذون جولة وراحة بالمول صار دوري اروح اقعد مع الزين

وعجبني المكان قلت اصوره لكم

مكتب الدفع

الرمل ابيض ويقولون صحي
المكان كان مليان اطقال في رحلة نادي صيفي
وبعد ما راحو فضى المكان

وهذه زيونة لاهية وما تعطيني ويه علشان اصورها

المكان حليييو مو كبير وايد بس حلو للاطفال الصغار

في انانبيب للرمل الملون ياخذ الطفل ويلون على رسومات الورق

نتايج شغل اليهال

اشتبون بعد قعدات تحت الشجر

واضح الزحمة كبيرة بوقت أطفال النادي والمشكلة في كبار يمكن فيهم اكثر من 12 سنة وموجودين

شوفو الغبار من اليهال الكبار والعاملات يرشون ماي علشان تنزل الغبرة

الغرفة المظلمة

استخدام الرمل المضيء غلو

ومغاسل

خفوو اليهال بعد ما راحو ربع النادي وهدا الجوو شوي

وزيونة

الألعاب هذه موفرينها بكثرة

مجهزين هدايا لاطفال النادي

براويز

كل ما أقول لها يلا زيونة لتس غو تقعد تبجيي
وخليناها تشبع لعب

صار وقت راحتي الحين صح
رحت اخذت كيكة وقهوة

ورجعت لهم وللحين زيونة ماتبي تطلع قعدت ساعتين وتبي بعد
طلعناها غصب

شرينا لها علبة رمل غلوو بخمسة دنانير سعره غالي لانه غلة على قولتهم بس تستاهل زيون بس تسكت

ان شاءالله عجبكم المكان
وهذا انستغرامهم

ام زياد, مخاوي البر, q8ya metnaqla و 2 آخرون معجبون بهذا.

توبليرون · 12-07-2018, 07:50 PM

وهذه صور من المول وشوفو كم طابق تقريبا نص المحلات مو فاتحة

والى لقاء بتقرير جديد ان شاءالله

ام زياد, مخاوي البر, الفراهيدي و 2 آخرون معجبون بهذا.

OLGA · 13-07-2018, 01:59 AM

يعطيج العافيه ام حسين كل يوم مغطيتلنا مكان يديد
حلاتها زيونه لازم اليهال اذا عجبهم المكان انسي يطلعون الا بالغصب وو الاغراءات ( راح اشتريلج راح اوديج بس طلعي ) 😂
وو المكان شكله حلو وو امان حق اليهال تحطينهم وو تفترين 😁
وو شكرا 🌸

الايمان, توبليرون و ام زياد معجبون بهذا.

توبليرون · 13-07-2018, 02:04 AM

اقتباس : المشاركة الأصلية كتبت بواسطة OLGA

يعطيج العافيه ام حسين كل يوم مغطيتلنا مكان يديد
حلاتها زيونه لازم اليهال اذا عجبهم المكان انسي يطلعون الا بالغصب وو الاغراءات ( راح اشتريلج راح اوديج بس طلعي ) 😂
وو المكان شكله حلو وو امان حق اليهال تحطينهم وو تفترين 😁
وو شكرا 🌸

الله يعافيج اولغا
شسوي ماكو سفره قلنا نسوي لكم تغطيات من السياحه الداخليه هههههه
اليهال مايملون لعب
وزيونه ما تمل وتبي اليهال
الشكر لج لمرورج العسل

ام زياد · 13-07-2018, 02:25 PM

ماشاء الله البارك حميل وممتع للاطفال
والله تستاهل زيونه المزيونه خلها تلعب وتتمتع ونفس الشي اللي في سنها يخرجو بالحيله من اماكن اللعب
انا اسمع عن لباس البحر او لباس الثلج اما لباس الرمل ...اول مرة اسمع عنه
انت تقولي لزيونه (يلا زيونة لتس غو) وهي تفهمك..لو انا كنت مكانها كنت احسبك تشجعيني واقولك ثانكيو ههههههه
قوليلي allez on y va وانا افهمك

توبليرونمعجبون بهذا.

توبليرون · 14-07-2018, 12:06 AM

اقتباس : المشاركة الأصلية كتبت بواسطة ام زياد

ماشاء الله البارك حميل وممتع للاطفال
والله تستاهل زيونه المزيونه خلها تلعب وتتمتع ونفس الشي اللي في سنها يخرجو بالحيله من اماكن اللعب
انا اسمع عن لباس البحر او لباس الثلج اما لباس الرمل ...اول مرة اسمع عنه
انت تقولي لزيونه (يلا زيونة لتس غو) وهي تفهمك..لو انا كنت مكانها كنت احسبك تشجعيني واقولك ثانكيو ههههههه
قوليلي allez on y va وانا افهمك

الجمال مرورك يا عسل
اي مكان جميل وممتع لهم ما يطلعون منه
اما لباس الرمل يمكن نفس المريول اللي يلبسونه الاطفال عند التلوين
بس ما شفت احد لابسه هههه الدنيا حر والاطفال يبون الحريه باللعب
اما الجمله الفرنسيه ههه بس قريتها طبعا بالانجليزي بس مافهمت شتو بتعني
يعني يلا نذهب للمنزل هههه
دايما مرورك جميل وممتع

ام زيادمعجبون بهذا.

ام زياد · 14-07-2018, 02:50 AM

اقتباس : المشاركة الأصلية كتبت بواسطة توبليرون

الجمال مرورك يا عسل
اي مكان جميل وممتع لهم ما يطلعون منه
اما لباس الرمل يمكن نفس المريول اللي يلبسونه الاطفال عند التلوين
بس ما شفت احد لابسه هههه الدنيا حر والاطفال يبون الحريه باللعب
اما الجمله الفرنسيه ههه بس قريتها طبعا بالانجليزي بس مافهمت شتو بتعني
يعني يلا نذهب للمنزل هههه
دايما مرورك جميل وممتع

يعني هيا نذهب..هيا نروحوا هههههههههه
انت اللي عسل ياعسل

توبليرونمعجبون بهذا.

q8ya metnaqla · 14-07-2018, 01:22 PM

والله حلو المكان حق اليهال و اكيد انسي يطلعون منه الله يحفظها زيونه تستاهل دامها البجر
طولوا المحلات لما الحين ما افتحوا
وتسلم الايادي ام حسين على هالتغطية الحلوه

توبليرونمعجبون بهذا.

آخر مواضيع q8ya metnaqla

- هُنا إمبــــراطـــوريــ اليــابــان ــــة
- استفسارات اليابان
- رحلة صيفية بحرية في ربوع الجبل الأسود (مونتينيغرو 7/2024)
- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

توبليرون · 14-07-2018, 03:16 PM

اقتباس : المشاركة الأصلية كتبت بواسطة q8ya metnaqla

والله حلو المكان حق اليهال و اكيد انسي يطلعون منه الله يحفظها زيونه تستاهل دامها البجر
طولوا المحلات لما الحين ما افتحوا
وتسلم الايادي ام حسين على هالتغطية الحلوه

ااي والله خوش مكان
ما تطلع زيونه ماشاءالله تحب اللعب واليهال
اي وايد محلات ما افتحوا بس في مطاعم كشخه فيه
يسلمج ربي على المرور الحلوو

مخاوي البر · 16-07-2018, 08:14 AM

دائما مبدعة ي ام حسين... مواضيعك غير شكل
***
حلو اماكن للصغار نظيفة ومرتبة يلعبون فيها
***

ي زين الزين... ماشاء الله لا قوة الا بالله
الله يخليها لكم ويخليكم لها
***
جدا استمتعت بالتقرير

توبليرونمعجبون بهذا.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فندق Park Grand London Hyde Park	MOHANAD	بوابة بريطانيا	15	05-12-2017 04:44 PM
تذاكر Europa-Park	وهم	بوابة المانيا	6	18-10-2015 12:06 PM
بوكس بارك Box Park	سوسو الصغيرة	بوابة الامارات	6	06-09-2015 09:25 PM