لندن وشوارعها وباصاتها ومطاعمها. (ايجابيات وسلبيات) - الصفحة 2

فارس الجبيل · 12-07-2019, 10:29 PM

اقتباس : المشاركة الأصلية كتبت بواسطة عيون هيون

رجعت لكم مره ثانيه. حبيت اقولكم وين رحت في لندن الايام اللي فاتت
في البدايه اصبنا باحباط من الطقس. الجو حار واحيان مايكون فيه هواء الا في بعض الايام. والله يزين باقي الايام وينزل المطر
الخميس رحنا لكوفنت جارد هو المكان الوحيد اللي عجبنا وعجب الصغار وطلعنا منها لكامدون تاون برضو كانت ممتعه
امس رحت لسوق السبت كان ممتع ومزحوم
اليوم حديقه الغزلان ريشموند بارك بعيده قليلا وصراحه ماعجبتنا ابد كبيره جدا وتحتاج مشي كثير والعشب اصفر وحر
المنزل قريب جدا من حدائق كنغستون افضل شي الجلوس عند بحيرتها
ادري تحبون لندن وهذا رايي الشخصي وماشاهدت يمكن الجو له دور حنا طلعنا من مكان حار نبغى مكان بارد ومطر لكن لاشي من هذا
رايي اللي معي اغلبهم يعدون الايام يبون يرجعون ماعجبتهم ابد اكثره مشي ومتعب للصغار كثر التنقلات
اما انا عجبتني الحياه والحركه فيها برضو مو نفس اللي تخيلت. يعني حبيتها ولاحبيتها ومازلت انتظر اشوف الاجمل فيها

هذي لندن فقط الي اشرت لها بلأحمر

المتاحف لمن يحب التاريخ والمعرفة

( نصيحة لاتذهب لشارع اجولرود في الصيف )

الفارس · 23-07-2018, 12:31 AM

موجة الحر ضاربة هذه السنة بكل مكان واوروبا ليست مستثناة. طبعا تزيد الحرارة بالمدن الكبيرة السياحية نظرا لازدحامها. الافضل الاتجاه الى الريف والاماكن المرتفعة.

آخـــرفـــرصـــة, ابو عبدالله و توبليرون معجبون بهذا.

ابو عبدالله · 23-07-2018, 01:24 AM

اللي يجي الان وماتعجبه معه حق مررره وماينلام وبصراحه الله يعوضهم بخير منها تخطيط اشهر ويمكن سنة عشان لندن واخرتها لندن حر ويابسه ... كل اماكن التمشية تتطلب الجو الحلو والان الجو مررره سيء ودرجة الحرارة مرشحة للارتفاع لقريب من الاربعين مع دخول اغسطس ... بالنسبة لي شهرين الان مانروح برا الا خفيف مره وحول البيت ...
الموجه هذي ضاربه اكثر اوربا وجزء من امريكا حتى السويد اجزاء منها تشتكي من الجفاف ومخاف من اندلاع الحرائق الان

Abu Muataz, توبليرون و آخـــرفـــرصـــة معجبون بهذا.

عاشقه لندن · 04-09-2018, 01:42 AM

اقتباس : المشاركة الأصلية كتبت بواسطة الفارس

موجة الحر ضاربة هذه السنة بكل مكان واوروبا ليست مستثناة. طبعا تزيد الحرارة بالمدن الكبيرة السياحية نظرا لازدحامها. الافضل الاتجاه الى الريف والاماكن المرتفعة.

السلااااااااام عليكم كيف الحال السنه رحنا لندن بشوال بعد العيد بعشرة ايام وحنا متحمسين ومعانا لبس شتوي ولقينا الحر اشد من الرياض وبعض الشقق غير مكيفه الواحد تحسف انه جاء بهالوقت والحين الجو تعدل ونزلت الامطار وان شاءالله رايحه 20ستنمر اللي حاب يبي شي معلومه مستعده ولكم مني وافر الشكر

توبليرون و آخـــرفـــرصـــة معجبون بهذا.

توبليرون · 23-07-2018, 02:01 AM

الله يعينكم
ان شاءالله يبرد الجو وتستانسون

آخـــرفـــرصـــةمعجبون بهذا.

عيون هيون · 23-07-2018, 03:32 AM

والله صدمتي انا وعيالي كبيره. ولندن لاتصلح سياحه بل هي فقط تسوق ومطاعم ومن الساعه 5 او 6 المحلات مسكره مافي مكان تروح له الا الحدايق والساعه 9 تظلم الدنيا مافيها اناره

توبليرون و آخـــرفـــرصـــة معجبون بهذا.

توبليرون · 05-09-2018, 03:12 PM

اقتباس : المشاركة الأصلية كتبت بواسطة عيون هيون

والله صدمتي انا وعيالي كبيره. ولندن لاتصلح سياحه بل هي فقط تسوق ومطاعم ومن الساعه 5 او 6 المحلات مسكره مافي مكان تروح له الا الحدايق والساعه 9 تظلم الدنيا مافيها اناره

بالعكس فيها اماكن ترفيه وايد
بس اللي يدور
والمحلات بالاكسفورد اغلبها مفتوح للساعه 8 رحت صيف وشتاء نفس الشي

بس بره لندن المحلات تسكر الساعه 6 بس المطاعم الساعه 10 فاتحه

ابو عبدالهادي · 13-09-2018, 06:41 PM

الحمدلله على سلامتكم
والله يعوضكم باجازه افضل

انا كنت ازور لندن بالسنة مرتين لغاية 2014 كانت معشوقتي
زرتها شهر 9 الماضي, بصراحة صدمة قوية!! وانا الان اجهز تقرير عن الرحلة

بالنسبة لغلاء الاسعار معروف بلندن هالشي انها من اعلى مدن العالم. كان بامكانك تاخذين احتياجاتك من الهايبرماركت مثل تيسكو وسانسبوري. شدة الماي بها 9 قوارير بـ 2 او 3 باوند. اغراض الفطور والاطفال اشتريها من عندهم. الخبز التوست وغيره.

الحمدلله على سلامتكم
والله يعوضكم باجازه افضل

عاشقه لندن · 04-09-2018, 01:19 AM

اقتباس : المشاركة الأصلية كتبت بواسطة عيون هيون

السلام عليكم
انا الان في لندن لي يومين والحمدلله اخذت سكن في كنغستون امس كان حر. واليوم الجو جميل وبراد صدمتي بلندن. رحت الهايد بارك امس متحمسه تفاجئت بالاهمال فيها مافيه اي اهتمام والزرع اصفر ما اشوف فيه رش
صدمتي الثانيه بشوارعها مافيه نظافه ابد اكوام زبايل بكل خطوه تمشيها ولافيه حاويات كثيره غير وصخ الكلاب الله يكرمكم بكل مكان
صدمتي الثالثه الغلا الفاحش سمعت انها غاليه لكن جدا غاليه خاصه لما يكون عدد الاشخاص 5 وفوق علبه الماء والبيبسي ي ب6 ريال الشاورما اخذناها من مروش الحبه تقريبا 35 ريال خبز التوست وصغير ب 12 ريال لا له طعم ولا ريحه
مطعم مسكوف تغدينا ب 800 ريال فقط صحن مشاوي وصحنين مقبلات وصحن ورق عنب
يعني اشوف اللي ميزانيته محدوه ومعه عائله لندن غاليه ماتنفع له
الباصات وسيله جميله وسريعه لكنها غير مكيفه والوقوف تقريبا اقل من دقيقه ياتلحق او ماتلحق طبعا الانجليزي يعشقون تربيه الكلاب في تشوف في الشارع تنافس كل واحد معه ثنين ثلاثه او حتى خمسه الشحاذين بكل مكان وجميع الجنسيات
الايجابيات
اعجبني التمشي بشوارعها والعالم والناس. اشكال غريبه عجيبه تشغلك عن مساوئ لندن. الان عندهم تخفيضات تحصل ملابس وجزم والخ اسعار جميله برضو محل بريماك جميل وفيه اشياء تستاهل
الى الان ماتعديت هالاماكن وغدا ان شاءالله نروح الى سوق كامدن ونهر التايمز واعلمكم وش الجديد.
انا الان بحيره حجزنا لمده 20 يوم تقريبا. نص اللي معي متملمين ماعجبتهم لندن. حبيت اسالكم انا جايه على الخطوط طيران الخليج هل بالامكان تقديم الحجز بدل 20 يوم 14 يوم

مرحبا اللي تقولين عنه صحيح بالنسبه للحر والغلا والهايد بارك ماهي اللي انا جايتها قبل كم سنه مشهبه وغيرمريحه والهوملس مليانين بس ماجلست بلندن غير عشره ايام وطلعت لمدينه نورتش جدا مريحه وهاديه والاسعار معقوله وكل شي قريب على بعض لندن تبقى عشقي ولكن لم تعد على خبري

توبليرون و آخـــرفـــرصـــة معجبون بهذا.

مدام البايلوت · 04-09-2018, 10:34 AM

اختيار لندن بالصيف خاطيء جدا

زحمه و غلاء ومرات تضربهم موجة حر مثل هالصيف

في 2016 صار معانا نفس هالوضع و قررت ان الغي لندن في الصيف نهائيا

بس المشكله للي عنده اعيال بالمدارس ماراح تناسبه الا بالصيف

آخـــرفـــرصـــة و توبليرون معجبون بهذا.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
خبراء لندن ( جدول لزيارة لندن )	محمد mk	بوابة بريطانيا	2	14-06-2018 07:28 AM
أشهر أحياء القاهرة وميادينها وشوارعها	تونسية متنقلة	بوابة مصر	32	21-05-2016 01:22 PM
الافضل البقاء في لندن او لندن + مانشستر	q8ok	اوروبا	5	05-03-2016 01:54 AM
استفسار بسيط بخصوص المصروف اليومي في لندن .. الى خبراء لندن !!	omar1987	اوروبا	7	05-10-2015 09:28 PM