صباح الخير

المسافر لازم يتوقع الصعوبات تواجهه بأي مطار بالعالم ويكون جاهز نفسيا لها

انا واجهتني مشكله بمطار اليابان وروسيا

باليابان خذو جوازاتنا وعزلونا انا واخوي عن بعض كل واحد بمكتب وتركونا لمدة نص ساعه ، طبعا من حسينا بتصرفاتهم الغريبه اتفقنا انا واخوي انا نكون هادين وواثقين وما نناقشهم باي شي ونرد عليهم على قد السؤال وللعلم كنا رايحين لحضور مؤتمر واوراق تسجيل المؤتمر خذوها وشافوها ، والحمدلله عدت الامور على خير واعتذرو وطلعنا.

بروسيا نفس الشي خذو الجوازات ولطعونا احنا والوالد ولا احد كلمنا وتسكرت الكاونترات واحنا قاعدين بروحنا ، الوالد توتر واحنا نهديه وعقب فتره يانا واحد رتبه عطانا جوازاتنا وقال لنا welcome to Russia ، ولا كأن صاير شي خذينا الجوازات وطلعنا واستمتعنا جدا بالسفره .

اهم شي تكون واثق من نفسك وريلاااااكس عالاخر وما تعصب وتصارخ وان شاء الله تتسهل والامور تمشي.