الجزء الاول:

الفـــلــبــيــن ( الي عشقتها بصراحة من جميع النواحي )




تقع الفلبين في جنوب شرق اسيا وتتكون من ٧٦٤٢ جزيرة، ويقدر عدد سكان الفلبين ٩٢ مليون نسمة وعاصمتها مانيلا، الكل يجيد اللغة الانجليزية بالاضافة الى لغة البلد تقالو.






عملة الفلبين هي البيسو
١ ريال سعودي يسوي ١٤ بيسو تقريبا على حسب الصرف.
فرق التوقيت عن السعودية ٥ ساعات
البلد بشكل عام آمن والشعب ودود بطبعه.


شركات الاتصالات الموجود شركة سمارت و قلوب
عروض وخدمة سمارت افضل حسب ماقارنت بينهم واسعارهم جميلة



خط السير الاول كان عن طريق الخطوط الجوية الفلبينية Philippine airlines
https://www.philippineairlines.com/en




وسعر التذكرة للشخص الواحد كان ١٨٣٠ ريال سعودي ( الرياض-مانيلا-الرياض) مدة الرحلة بالجو ٩ ساعات تقريبا

وتقيمي للخطوط الفلبينية هو ٦،٥ من ١٠ للاسباب التالية:



صغر حجم المقاعد ( ياساتر ياضيق المقاعد) يازين ربعنا بالمطار ماقصررو معنا عطونا مقاعد على المخرج ولا سعر المقعد بالحجز المسبق ٢٠٠ ريال.

لاتوجد شاشات بالطائرة لكن لديهم تطبيق بامكانك تحمله عن طريق تطبيقات الجوال وتتفرج على الافلام والمسلسلات الخ.
الخدمة والاكل ممتازة بصراحة.
مايميز الخطوط الفلبينية هو ايميلاتهم المتكررة عشان تسوي اب قريد لدرجة البزنس عن طريق بمبلغ لايقل عن ٢٥٠ دولار لخط السير الواحد.







الذهاب كان يوم الثلاثاء الموافق ١٧ جولاي ٢٠١٨ الاقلاع الساعة ٦،٥٠ مساء










وصلنا مطار مانيلا الساعة ١٠ ونصف صباحا تقريبا خلصنا اجراءات الجوازت واستلام الشنط بيسر واتجهنا الى محطة النقل للذهاب الى ترمنال ٤ للرحلات الداخلية


وكانت الخطة الذهاب الى جزيرة النيدو ثم كورون في جزيرة بالاوان. حجزنا على خطوط اير اسيا ( https://www.airasia.com/en/home.page ) الى بورتو برنسيسا وكان سعر التذكرة للشخص الواحد ٣٥ دولار مع ٢٠ كيلو وزن، وكان موعد الاقلاع المحدد الساعة ٢،٥٥ وتاخرت الرحلة ٤٥ دقيقة وصلنا الى مطار PPS الساعة ٥ تقريبا.




خارطة توضح اهم الجزر الواقعة في جزيرة بالاوان وامتدادها






استقلينا فان من المطار مباشرة الى النيدو وكان سعر الشخص ٥٠٠ بيسو ومدة الرحلة ٥ ساعات.



المعلومة الجديدة، صار فيه رحلات مباشرة من مطار مانيلا الى النيدو مباشرة وللاسف مادريت عنها الا قبل السفر بيوم لكن نصيحة الى يبي يروح لالنيدو مباشرة يحجز دايركت ولا يفكر يوقف في مطار PPS لان رحلة الفان متعبة جدا جدا لاسيما الطريق وعر ومتعب.


للحجز على مطار النيدو تقدر تحجز على طيران اير سويفت AIRSWIFT


https://air-swift.com/


وصلنا جزيرة النيدو الساعة ١١ ونصف باليل وكان يوم متعب وطويل وشاق بعد سفر ٩ ساعات وثم خط ٥ ساعات وانتظار في في المطارات.


هذا باختصار يوم ونصف كان مابين انتظار بالمطارات والجو والبر، انتظروني ان شاء الله باول نشاط في النيدو قريبا جدا.