اللهم لك الحمد حتى ترضى

ولك الحمد اذا رضيت

ولك الحمد بعد الرضا


ربي لك الحمد والشكر على الصحه والعافية

رديت معاكم أتنفس الصعداء على ما يقولون

بعد أزمة مرت على خالي ولله الحمد عدت على خير و بركه من ربي [emoji1431]

اعتذر عن الانقطاع اصعب ايّام حياتي مروا علي خلال الأيام اللي طافت والحمدلله الله لطف فينا [emoji1431][emoji1431]

وردت عافيته ربي لك الحمد[emoji1431][emoji1431]

والله يشافي كل مريض ويرفع عنه يا رب [emoji1431]

عقب يوم الاثنين

وصلنا يوم الثلاثا

10/2

رايحه المستشفى عند خالي



تذكرة مواقف السيارات لمدة أسبوع بسعر 30 دولار احسن لكم من يوم بيومه وايد أغلى تقريبا 4 ساعات 8 دولار هذي اوفر للي قاعد و رايح راد على المستشفى مثلنا ..

تحصلونها عند الفاليه في المبنى الرئيسي



تم الوصول للمستشفى



الريوق اليوم



وانا قاعده احوس بتلفوني جان أقول خل اشوف لي محل كاكاو اشتري منه حق عقب عملية خالي ولقيت هذا اقرب شي. على المستشفى

الموقع الالكتروني

https://www.mitchellschocolates.com

وأخذ السياره و انطلق حزتها غيم و برّد في هاليوم





وهذا المحل





















واطلع من المحل ولا ذيچ المطره ماشاءالله اتهبل و قويه













ووصلت المستشفى بسلام

وهذي هيلكوبتر المستشفى تنقل الأعضاء البشرية للزراعه



وانتهى يومنا على خير الحمدلله


Sent from my iPhone using Tapatalk

يوم الاربعا

10/3

الساعه 6 الصبح لازم نكون في مركز العلميات



يدخلون المريض بنفس اليوم للعملية مو مثلنا قبلها بجم يوم يجهزونه حسيت حلو ويخوف يعني احس لازم يجيكون ويهيئون بس عادي عندهم

المهم دخلنا وبدوا في التجهيز



يعطون بيجر لكل مرافق و يعطي تنبية عند كل خطوه يسونها في العمليات



عاد كويتيين و عطوهم بيجر وفي أبديت شنو يصير اخذوا حنه اشفيه ما يعطي تنبيه صارلهم ساعه اشفيه ما يعطي تنبية ثاني صارلهم نص ساعه حنه و رنه وإذا ماعطونا رحنا نسأل الرسبشن ماكو فايد مصرقعين كل شي نبيه بعيله

وهذا الكرت يكتبون في اسم الشخص اللي يكلمونه و يكتبون اسم شخصين اللي يقدرون يدشون على المريض في الافاقه..





ويعطون كود بأحرف اسم المريض و يطلع على الشاشه للابديت شنو قاعد يصير للمريض



وهذي الشاشة الزرقا



يعلمونا على طريقة الشاشه



وهذا مبنى العمليات من داخل





الريوق حليب كاكاو



اشوي تمشي عشان يضيع الوقت ومن بعيد فندق هوليدي ان و انتركونتننتال



ويوصل تنبيه في المسج





وقاعدين في جسر مبنى العمليات ننطر مسجات و اسامينا



نادوا علينا وقالوا كلمي الدكتور في التلفون كل عائله بغرفه امر عليهم ألقى ناس منهاره الله يكون في عونهم .. ويكلمني الدكتور و يطمني بنجاح العملية ولله الحمد..

وانتهى يومنا الساعه 10 تقريبا ورجعنا البيت ..



انتهى اليوم على خير ولله الحمد




Sent from my iPhone using Tapatalk

يوم الخميس

10/4

الساعه 6:30 ص الى المستشفى





قعدت مع خالي وعلى الساعه تقريبا 9 اشوف ضغط خالي كل ما له وينزل و يحس بألم ويأخذونه على السونار و يشوفون في نزيف اشوي و قال الدكتور راح ندخله عملية ثانيه [emoji27] ليش شنو في مو قلت العمليه ناجحة اي بس في اشوي نزيف ونرجع العمليات الساع 12 ..
وبعد 3 ساعات رجع وقالوا تعالوا الى SICU وحدة العناية المركزة الخاصة بالعمليات ..
لا حول ولا قوة الا بالله ليش العناية مو الجناح اشفيه خالي كان في نزيف و سوينا العمليه بس نبي نخليه في العناية احسن عشان نراقب ضغطه لان لما الحين نازل .. بس وضعه زين ..

وفعلا لما دشينا عنده عقب العمليه الثانية كان شكله وايد زين الحمدلله ..

تم اخوي معاه زام الليل وانا زام النهار 12 ساعه ب 12 ساعه ..



وانتهى اليوم على خير والحمدلله


Sent from my iPhone using Tapatalk

يوم اليمعه

10/5



رحت المستشفى وابتدأ زامي





ولي الحين ضغط خالي نازل [emoji174][emoji174]
واشوي يرد يصعد ..
انا خلص زامي وكانت اموره بدت تتحسن ولله الحمد في العناية و مسك اخوي زام الليل ..

انتهى يوم اليمعه ولله الحمد على أعصابنا ..


Sent from my iPhone using Tapatalk

السبت

10/6

طبعا ما كان في نوم يعني بالكثير 3 ساعات .. دقيت على اخوي الساعه 6 الصبح عشان يتجهز و يخلص زامه وانا امسك مكانه .. ويصدمني بالخبر و يقولي خالي بغرفة العمليات ..
انا شنو العملية ال 3 ليش شنو صااار؟
يقول ماادري الفير تعب و حطوا له 4 اچياس دم و سووله MRI ماادري شي نفسها وبين معاهم في نزيف في واحد من الشرايين ..
ومن متى ماخذينه ؟
من الساعه 4 ص

والحين وينه بعده بالعمليات..

لا إله إلا الله ..

واقعد في الشقه وزوجته تقولي أبرار اشفيكم قلت مافينا شي ،،
أكيد ؟
ايي

صارت 8 ولما الحين مافي خبر ..

لي الساعه 9 قلت حق زوجته خالي سووله عمليه و دخلوه من ساعتين والحين على حروة طلعه ..

بعد 45 دقيقه طلع و خذوه للعناية كلمني اخوي وقالي تعالي شوفي شنو القصه وايد اجهزة عليه ،،

رحت المستشفى و ادخل العناية وضعنا مع الأجهزة رديت كلمت الدكاتره شنو صار قبل ما اطلع قلتوا حالته مستقره و كانت اموره طيبه ..

قالوا كان النزيف مستمر و بالسونار بين اشويه عكس لما سوينا الفحص الثاني ..
والحين شنو شلونه شلون وضعه ؟ الحين وايد احسن و بنخليه في العناية لما يستقر ..

وقعدنا في العناية معاه لي الليل انا رديت و اخوي قعد

يومها كانت مطره قوية ما شاءالله ما وقف المطر لي اليوم الثاني ..





وانتهى يومنا المتعب و الحمدلله على كل حال ..

يوم الأحد

10/7



الى المستشفى



الحمدلله بدت حالته تتحسن و النزيف و قف

وهذا ريوقي



وهذا ريوق خالي من بعد 5 ايّام من غير اكل ..



وغداي من البيك



والحمدلله انتهى يومنا على خير


Sent from my iPhone using Tapatalk

الأثنين

10/8

الى المستشفى



الريوق





وهذا غدا خالي الحمدلله عطوه اكل



وغداي من البيك عرايس و شوربة عدس



الحمدلله على الصحه و الراحه خلص يومنا على خير

اليوم الثلاثا

10/9

الحمدلله والشكر تحسنت حالة خالي للأحسن و بدا يمشي ربي لك الحمد [emoji1431]
ووصاني اشتري هدايا بسيطه للممرضات



ورحت مول
Great northern

[IMG]https://uploads.tapatalk-cdn.com/20181010/
fe24b81b5b788ca48c1214098c03f455.jpg[/IMG]

وخلصت من الهدايا و رجعت له



الإطلالة من الغرفة



على فندق الانتركونتينتال اللي قلب المستشفى



والعشا اليوم chick-fil- a الحمدلله [emoji1431]



وانتهى يومنا ولله الحمد على خير و بركه من رب العالمين [emoji1431][emoji1431]



Sent from my iPhone using Tapatalk

صباح الخير


ازمة وعدت على خير
الحمد لله على سلامة خالك
متابعة دقيقة عندهم ما شاء الله
و اعجبتني حركة المسجات والابديت حق العملية


شكلك عقدت صداقة مع مطعم البيك
صايره زبون دايم عندهم


زين اللب طمنتينا عليكم

الحمدلله على سلامة الخال والله يردكم بالسلامه

حلوة سالفة البيجر والابديت بس صج مثل ماقلتي هم ماكو فايده وماكو صبر الحنه لابد منها

المطر يهبل وايد حلو