أنا مع أم حسين في الرأي،، ما لها داعي الخدامة،
تقدرون تتعاونون إنت وأمهم في رعايتهم، الله يبارك فيكم ويحفظكم جميعا.
استخيروا والله يكتب لكم اللي فيه الخير.

صديقتي سافرت جنوب افريقيا من سنتين في شهر ديسمبر وكان وياها 3 أطفال اللهم بارك
أعمارهم بين السنة ونص و الست سنوات، وما خذت الخدامة،
وبفضل الله استانسوا وايد وراحوا الجاردن روت بالسيارة، لأن إجازتهم كانت اسبوعين.

وبالنسبة للسكن، شوف على airbnb.com بتحصل شقق بأسعار مناسبة،
وممكن بعد على موقع بوكينج تحصل فنادق أسعارها زينة، خاصة لو بتاخذون غرفة وحدة،
بس على الأقل تكون ل 3 أشخاص علشان تكونون مرتاحين فيها.

وبالنسبة للاماكن اللي تزورونها، ممكن تشوف تقريري، وتاخذ منه الأماكن اللي في كيب تاون فقط.

https://www.arabtrvl.com/vb/t22297.html