ابوعبدالهادي ورحلة بريطانيا ٢٠١٨
الجزء 14
اليوم ان شاء الله بنزور احد اضخم اندية كرة القدم بالعالم, (رأي الشخصي). نادي الشياطين الحمر – مانشستر يونايتد
اعتبره تحفه فنيه بديكوراته والواجهه الكبيرة. المكان كبير وجميل.
يعتبر احد الوجهات السياحية المميزة بمدينة مانشستر,
فيه اكثر من عرض لزيارة المنشأه, مثل غرف تبديل الملابس للاعبين, غرف الادارة, ارضية الملعب (بدون اللعب على العشب), الكافيه الرياضي, غرفة المعلقين وهذه بسعر وقدره. وعرض دخول السوق التجاري ببلاش. طبعا المجان مرغوب, فاخترت مكان بيع الملابس
عند دخول المتجر بتشوف انهم معلقين صور كبيرة للاعبين على جدران المتجر
المفاجأة ان اسعار الملابس الرياضية داخل المتجر اقل بكثير من الاسعار بالخليج
المتجر يحتوي على اطقم جديدة للموسم الرياضي الحالي, واطقم قديمة,
واطقم التدريب, واطقم الاحتياط,
واطقم مشاركة النادي بالدوري الاوروبي, واطقم مشاركة النادي بالدوري الانجليزي,
تقدر تطبع اسمك الخاص على الفانيلة مع أي شعار بطولة او رقم معين.
وتقدر تاخذ الفانيله بدون أي اضافات, كل شي بسعره
تقدر تاخذ طقم كامل من فانيله و شورت و شراب و جزمة اكرمكم الله.
انواع رجالي و انواع نسائي,
مقاسات كبيره, ومقاسات صغيرة
ادفع تجد
مقاس للرضيع و سعره
مقاس للولادي
لكل مكان مجموعة اطقم للاعب معين, او حارس مع الاسم و الرقم حقه مطبوع على الفانيلة و شعار البطولة اللي شارك بها
اهم شي اطلب من المحاسب فاتورة الفات (VAT) علشان تسترجع الضرائب من المطار عند مغادرة البلد
كيوت صراحة
موجود انواع من الشنط الرياضية
شاشة كبيرة داخل المتجر تحسسك انك داخل الملعب
فيه شاشة اخرى كبيرة داخل المتجر, اعلانات وتسويق
يعني دعم منه و فيه, مايحتاج دعم حكومي, ولا وزاره, ولا تجار, (خصخصة)
قسم طباعة الاسماء و الارقام والشعارات
علشان تعرفون كبر المتجر, وتتخيلون حجم المبيعات,
هذي صوره لعدد المحاسبين, وهذا اقرب كاشير شف رقمه
ياليت الاندية اللي عندنا تعمل مقارنة مع الاندية اللي بهالحجم و ترتب نفسها للمنافسة
والحين دور طباعة اسماء الشباب,
للتوثيق تعبي الطلب وتقدمة للطباعة
الحمدلله طلعنا بالسلامة
انتهى هذا الجزء من الرحلة, ولمشاهدته على اليوتيوب تفضل الرابط
انتظرو الجزء 15
294الاعجاب
26-10-2018, 03:24 AM
العرض المتطور
المواضيع المتشابهه 
