تركيا الصيفية - الصفحة 4

توبليرون · 29-12-2014, 04:39 PM

نكمل معاكم اليوم الثالث

وقبل لا نكمل يبت لكم عنوان المطعم اللي بالجزء السابق

باسطنبول الأسيوية

بعد الغدا باسطنبول الاسيوية

رجعنا وقلنا له ودنا

((استينيا بارك))

نزلنا نتمشى وعجبنا المول وايد......

بوحسين ويوسف تمشوا شوية وقالوا بنرجع الفندق

تعرفون الرياييل بخمس دقايق يلفون المول كله.....مع ان يوسف يحب التسوق

خليناهم وظلينا براحتنا بالمول انا والبنات للعصر

عرفتوو هالمحل اللي الممثلة مسوية اعلان له

دانه خلصي من المشترى.........عذرها بروح الجامعه ابي ملابس جديدة

الله يعين وابوها معطيها الأذن بالمشترى على كيفها

وانا تطيح ريولي من الوقفة

طلعنا صوب البوتيكات

ما لقيت اللي ابيه فيه .....بعدين ناخذها من ديرة الأناقة احسن

فيرساتشي....نفنوف مسوكة بالعيد نفسه

هذا المحل مو أنا ملونته ....اهو جذيه

ودنا نقعد بهالكافيهات ....بس الحر مو مخلينا

الشمس قوية حييل

رجعنا داخل شوي احسسن

شوفو لقينا منووو بوحسين ويوسف شايفينهم

ههههه الظاهر متقهوين بكافيه

بس ما شفناهم مرة ثانيه ...الظاهر اطلعوا

تمينا نتمشى ونتسوق

بعدين خلاص تعبت ....قلت يلا كافيه سراي يمدحونه ربعي بالمنتدى

قالوا يلا

وقعدت اول طاولة

وهذه صور طلباتنا وقعدتنا

طلب غنومة يوعانة

ترى انا طالبة اول وحدة ....

طلب دانه

طلبي ...محلبية بالكاكاو

واخيراا القهوة وكنافة نسيت اصورها

لفرفر

اما الكابتشينو اللي لي ما وصل الا بالأخير

ما صورته زعلت هههههه

وخر محل راحو البنات له C & A

وقعدت انا هني مع الأبهات اللي ماسكين عيالهم ويلعبونهم

بعدها طلعنا اخذنا تاكسي وللفندق طوالي للراحة شوية

محسوبتكم قعدت جدام

رحنا الفندق ريحنا وصلينا

وطلعنا مرة ثانية هالمرة متواعدين مع الوالدة واخوي بنشوفهم

قالو وين تبون قلت لهم اورتاكوي

قالوا يلا

قلنا لتاكسي تودينا قال لا لا زحمة ما اقدر

قلنا لثاني .....قال اوكي نطرنا شوي والا تاكسي ثاني

تكلم معاه راعي تاكسينا اننا بنروح اورتاكوي قال له زحمة

قال له انت الحقني وياشر له بيده صعود ونزول....طلع انه يفهمه بيدخل بالشوارع الضيقة

بين البنايات ويوصلنا ........توكلنا على الله ومشى فينا وورانا تاكسي العيال

ووصلنا بأقل من نص ساعة

وقعدنا نصور ونتمشى

قعدت بخوش مكان

شفتووو هذيل اللي واقفين

جتهم موووجة قوية سبحتهم عدل ما لحقت اصورها من الأول...فيديو

صارت الرؤية لي اوضح هههههه

محد جدامي ...العالم كلهم نحاشو....انا قاعدة وصل الماي

لتومزي بس ما تحركت

‫طھط±ظƒظٹط§ ط§ظˆط±طھط§ظƒظˆظٹ‬&lrm; - YouTube

مونامورمعجبون بهذا.

توبليرون · 29-12-2014, 04:45 PM

حي الله من زار تقريري

وصلنا الجزء السادس

لليوم الرابع بتركيا.....يوم رحلة بورصة

الحجز لهذه الرحلة كان من اعلان لشركة سياحية معلنة معانا هني

هلا تور

اشكرهم حييل واشكر الاخ عبدالرحمن اللي توصى فينا عدل

وبالاستفسار منهم لقيت انهم اشخاص محترمين وكملت الحجوزات بالواتس اب

بدون لا دفع مقدم ولا ايملات وتصوير

بس الثقة كانت موجودة

وتبون الصراحة انا ارتحت شخصيا

طلبت الرحلة لست اشخاص

سيارة خاصة لنا...العبارة....مصنع الحلقوم....الشجرة العملاقة

التلفريك وجبل الاولداغ...سوق الحرير.....وقفنا عند بياعين العسل.....الذهاب لمطعم الشلال

المهم طلبت منه اولا معرفة السعر

تعرفون عيد وصيف والسياح كثيير...قال لي 470 دولار.....بس علشاني سعر خاص

ما راح أقول....

وافقنا على السعر طبعاا بالرجوع لأبوحسين قال اوكي

وبعدها طلبت من الأخ عبدالرحمن اللي انا كنت اتواصل معاه عل ان السايق

لازم يكون شخص يتكلم العربية

ومحترم ....والأهم هو ان يكون حبوب وطيب وشخصية تعجب ابوحسين

لأن بوحسين أهم شي عنده ان يرتاح له

قال لي السيد عبدالرحمن ولا تحاتين قبل الوصول بكم يوم اتصلي علي لـتأكيد الحجز

المهم هذا كان قبل السفرة بشهرين

نرجع ليوم الرحلة

الموعد الساعة 8 الصباح السايق تحت بعد ان عطيتهم عنوان الفندق

قعدنا وتجهزنا بدون فطور .....بس بوحسين راح يتريق

على ما نجهز احنا

نزلنا تحت والا السايق موجود ....

تقريبا 8.30 احنا بالسيارة

لقيت اشخاص قاعدين باللوبي

......سالني واحد منهم ..أم حسين (( مشهورة ياناس))....قلت نعم

قال وانا حسين السايق ...قلت يلا ...ركبنا السيارة وتوكلنا على الله

قلت له نبي ريوق....قال ان شاءالله

شوفو صور من الطريق

الغيم جمييل بس ..الجو حار احنا عندنا تكييف بالسيارة خلاص نستمتع بالتصوير

اول لفة عند الفندق والا جماعة المسلسلات يصورون .....دانة تقول حسافة ما شفت منو الممثلين هههه

هني قال لنا حسين الدريول...جهزوا كاميراتكم لأن بتشوفون

أحلى مناظرللجسر

وهذه منها

منطقة اورتاكوي من فوق الجسر

صورتها واايد عجبني لونها

وصلنا الميناء

عبارتنا تنطرنا

طوابير السيارات خفيف

بوابة الميناء بعد ما دخلنا

صعدنا العبارة ونزلنا من السيارة لفوق

وهذه صور من العبارة

الجلسات والكافتريا في العبارة

الزاوية اللي قعدنا فيها

الناس طلعت بره تصور..

ووصل السميط من دكان العبارة

نتريق منه

مع عصيري

الكعكه المشهورة عندهم

والحلووو

سندويشة يوسف

وبعدها قمت اصور لكم

دكان العبارة

الطيور

لبن دانه

وقربنا بالوصل للميناء

نزلنا للسيارة....والعالم كلهم نزلوا

وطلعنا من السفينة

أكيد عرض دلافين

وبداية بورصة

أول مشوار لمصنع الحلقوم....احنا ما صعدنا عند المصنع لأ قعدنا نتشرى

ونتذوق من منتجاتهم المتنوعه

وهذه صور للمحل

منتجات المصنع

......غير الحلقوم عندهم زيت وزيتون ومربيات ......وصابون وبعد اشياء وايد

سايقنا حسين ....

حتى حلاو مصاص يبيعوون

ضيفونا بقهوة وشاي وماي

انا ما قعدت قاعدة اشوف واطلب

وابوحسين يقول يلا سكروا الكرتون......خايف للشحن

وانا اطلب زيادة .....ويضحكون البنات اللي يشتغلون في المحل

عند المحاسب طاولة مليانة اوراق نقدية مختلفة من دول العالم

ربع دينار كويتي قديم

يوسف حط ربع دينار كويتي جديد

طلعنا وهذه صور من الطريق

مصنع خشب يمكن

ايكيا

أعتقد مول

توبليرون · 29-12-2014, 04:46 PM

ووصلنا الشجرة العملاقة

صورتها من تحت

زحمة كويتين وخليجين واتراك

تاريخ الشجرة

ريوق الشجرة

بالغصب لقينا طاولة .....وكان عليها الصواني والاكل مليانه

ياحليلة السايق....ينادي ويشتغل مع العمال وراح جاب شراشف جديدة ويفرشها عل الطاولة

وراح طلب لنا للريوق

خوش جبن معجف

بيض بالسجق

بعد ما طلعنا

دخلنا بعدين في المدينة

بطريجنا للتلفريك

تزيين سيارات للعرس.....عقبال عرس اللي في بالي

رحنا التلفريك....وزحمة والناس واقفة وتتراعص مع بعض

وقفنا على جنب على ما راح حسين السايق وقص لنا التذاكر...وجابهم لنا

طلع الزحمة ان اللي على الباب ما يدخلون الناس لحد ما يخفون الناس فوق

وودخلنا عقب ما فتحوا الباب.....والا ما يخلون الناس تصعد فوق

بس يمررون بعض الناس وبعضهم يصعدونهم بالاصنصير

قلت لبوحسين سوي لي طريج وصلني الاصنصير....وصلني قال بوحسين للناطور

تعبانه صعدها ....صعدوني ورحت قعدت عند الكافية لحد ماجوو ربعي

ووقفنا بطابور مرة ثانية....للدخول

وهذه التذكرة

ومن الخلف للي حاب يقرا الشروط

وهني اول ما صعدت فوق وبعدين صعودنا للتلفريك

وشوف اشلون المباني تصغر ونبعد عنها

المسافة بالتلفريك كبيرة

تقريبا من 15 الى 20 دقيقة

من عربتنا

البيوت نصغر وتصغر

عمود التلفريك

والمشوار بعده طويييل

تحتنا بعد ما عدينا المرحلة الثانية

المرحلة الثانية لم يكون فيها نزول ولا صعود بس مرور

يمكن مستقبلا يكون هناك شي الله العالم

المحطة الثانية اللي مالها وقوف

بعد ما عديناها

ووصلنا لأخر مرحلة

توبليرون · 29-12-2014, 04:48 PM

ووصلنا لأخر مرحلة

عالم ثاني سيارات وبعض السيارات مرت علينا بلوحات من اربيل العراق

أكشاك وكافيهات وانشطة مختلفة

البقي لازم اكثر من واحد يأجر ما ياجرون لشخص واحد ؟؟

يوسف راح قالو له لازم اكثر من شخص واحد

يمكن يبوون مجموعات

من كافيه الجبل

طلباتنا

خلال جلسونا بالكافيه هذا .....العيال راحووا يتمشوون

يقولون في انشطة وايد

وانا الصراحة ظهري كان يعورني ....فضلت القعدة واشوف اللي رايح واللي ياي

ولما صار اذدان العصر راح بوحسين صلى بمسجد يقول قريب

بس اعتقد (( قريب بدو))...وبعد صدفة شافوني بنات صديقة التدريس

وسلموا علي ورحت سلمت على امهم وسولفنا شوي

كانت تركيا طبعا مزحومة من الكويتين والخليجين

لا تنسوون الشاي بالحليب لابو حسين

شاي بس مو لنا

بريييدييي

من التلفريك بالعودة

التنبيهات ...ممنوع الوقوف...وكل شوي يوقف يوسف يخرع خواته

لحد ما وقف التلفريك....ظل من 2 الى 4 دقايق ومشى مرة ثانية

وطلعنا

وقفنا عند مناحل العسل وبياعينه

نزلوا اللي بيشوفون ويشترون....واحنا قعدنا بالسيارة

سامحوني عطيت يوسف الكاميرا علشان يصور

من الكسل زين حصلت لكم هالصورة

الجبل اسود والسحاب ابيض

رووعة

قربنا من مطعم الشلال

صور من مكانا بالمطعم

سمج حي داخل الماي

وطلبنا الغدا والعشى مرة وحدة

وهني صور لما يكون على يسار المطعم

والشايات وصلت اخيراا

بعد ما خلصنا قعدت هني والعيال راحوو عند الشلال

وقعدت اصور المطعم من بره

صور الشلال الخفيف

وهذا غنيمة مصورة لكم الشلال من بعيد

ووصلنا للميناء....واذا مار عليكم في نزلة من جسر للميناء

كانت الزحمة من هني....من كثر الزحمة تلاقون اولاد يبيعون فاصوليا....وماء...وفواكه ..

كله باكياس صغيرة.....شرينا بس ماي

مطاعم ومحلات في الميناء

شوفو الزحمة....جدامنا

وورانا

وقفونا وقبلنا بعد في سيارات ركبوهم العبارات وراحووو

واحنا وقفونا ننتظر دورنا قالو يمكن من 30 دقيقة الى 45 دقيقة

نزلوا العيال مو كلهم والسايق مع بوحسين بعد نزلو....في مطاعم منها ماكدونالد وبرجر

وسوبرماركت.....ما قدرت اصورهم لان السيارات غطوا على كل شي

هني بعد ما دخلنا العبارة ....وسسيارتنا اول وحدة

صعدنا فوق وقعدنا برة الجووو صار يهبل بريدات

سيارتنا اول وحدة يسار عندها يوسف واقف

هني قلنا ننزل ونركب السيارة لان وصلنا اسطنبول

وهذه اخر صورة

وبعدها سيدا للفندق

والفراش بعد اداء الصلوات

ونلتقي معاكم مع اليوم الخامس في اسطنبول

ووين رحنا

فتاة الدمى · 29-12-2014, 05:56 PM

يسلمو الأيادي يارب على هالتقرير الحلو والاماكن الجميلة
والله يخليلك دانة يارب

توبليرون · 31-12-2014, 12:59 AM

اقتباس : المشاركة الأصلية كتبت بواسطة فتاة الدمى

يسلمو الأيادي يارب على هالتقرير الحلو والاماكن الجميلة
والله يخليلك دانة يارب

يسلمج ربي من ذوقج يا الغلا
اللهم آمين ويحفظ لكم احبابكم يارب

فتاة الدمى · 29-12-2014, 05:56 PM

يسلمو الأيادي يارب على هالتقرير الحلو والاماكن الجميلة
والله يخليلك دانة يارب

|القحطاني| · 29-12-2014, 07:29 PM

الله يهديك

أنا من الناس اللي يحبون البرد + الضباب

والحمد لله إني من أبها هالأجو تكرر عندنا كثير

ما شاء الله التقرير روووعة لكن عجبني هالجو لما قلتي انه الوصول 6 الصباح

وبعدين قولي لبوحسين بلا حركات إذا ما هو يصور يخليك عند الدريشة هههههههههههه

الموضوع جدا رائع في إنتظار التكملة

توبليرون · 31-12-2014, 01:03 AM

اقتباس : المشاركة الأصلية كتبت بواسطة |القحطاني|

الله يهديك

أنا من الناس اللي يحبون البرد + الضباب

والحمد لله إني من أبها هالأجو تكرر عندنا كثير

ما شاء الله التقرير روووعة لكن عجبني هالجو لما قلتي انه الوصول 6 الصباح

وبعدين قولي لبوحسين بلا حركات إذا ما هو يصور يخليك عند الدريشة هههههههههههه

الموضوع جدا رائع في إنتظار التكملة

حلوووة اجواء الضباب ووناسة بس ما احب الرطوبة ابدااا
اعجابك بالتقرير يدل على ذوقك اخي الكريم
وبوحسين من الحين عطيناه منع الجلوس عند الدريشه وحجزنا الدرايش خخخخ
يعطيك العافيه تابع معاي التقرير

ماجد الفهد · 30-12-2014, 08:13 AM

من التقارير الرائعة سيدتي المميزة

حمدا لله أن عاد هذا التقرير بالسلامة

خفت أن نخسره مع الإنتقال للمنتدى الجديد

لكن ربي رحمنا ورزقنا تقرير باهيا سيكون واحدا من أهم تقارير هذه البوابة

شكرا جزيلا لجهودكم سيدتي

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
آخر أيام الصيفية فى جنوب القارة الأفريقية.......(جنوب أفريقيا مارس 2015)	Bika	تقارير لا تنسى	96	04-07-2021 09:31 AM
الدليل الشامل لبطاقة زيلامسي وكابرون الصيفية المجانية	هدوء العالم	بوابة النمسا	72	23-08-2019 04:06 PM
جو تركيا شهر 7هـ	رزان	تركيا	3	18-03-2015 08:24 AM