X سُعداء بتواجدكم بيننا ونتمنى لكم قضاء وقت ممتع ، نأمل منكم زيارة صفحة شروط الإستخدام ، تفضلوا مشكورين بالتسجيل*** اضغط هنا *** لإثراء الجميع بخبراتكم السياحية
Loading...





عدد المعجبين31الاعجاب
إضافة رد
 
LinkBack أدوات الموضوع انواع عرض الموضوع
قديم 25-11-2018, 06:05 PM   #1

مراقبة العرب المسافرون

الصورة الرمزية عشقي السفر
 
تاريخ التسجيل :  Dec 2014
رقم العضوية : 148
الدولة : الشرقيه
الجنس : انثى
المشاركات : 2,045



أوسـمـة: عشقي السفر

كل الاوسمة:1 (more»)
افتراضي زيارة خفيفه وسريعه للكويت الشقيقة


السلام عليكم ورحمه الله وبركاتو



لي فتره عن كتابة التقارير السياحيه


كان العزم زيارة الكويت في اجازة منتصف الترم وتم الحجز على هذا الاساس ولكن قدر الله واستحدثت امور وارتباط بمناسبات عائليه وتكنسلت السفره لكن الحنين ينادي والنفس تشتاق لرائحه الازقه في سوق المباركيه والى نسيم البحر العليل في سوق شرق والمارينا مول


وعزمنا على زيارتها ليلتين عن الخاطر وتم تاجيل الرحله اسبوعين بسبب الاحوال الجويه لكن خلاص لحنين وصل الى درجة توكلنا على الله وحجزنا يوم الاربعاء 22 نوفمبر والمغادرة 24 نوفمبر

وكان الحجز سابقا في فندق سيتي تاور لكن السعر كان مرتفع في وقت الحجز الجديد وسبق وقريت عن فندق جديد و نظام سويت في منطقة دسمان اطلعت على السعر وكان مناسب


سرايا بريم سويت مدينة الكويت (يوجد له فرع في السالميه ايضا )


السعر جناح تنفيذي غرفتين نوم وصاله ب 851 ريال سعودي 69 دينار كويتي

بعض الصور

























الزياره قصيره لذلك الصور مختصره على بعض الاماكن وعذرا ماعندي تفاصيل الا في الفندق لاني بعدها مرضت ولا قدرت اصور



الطريق من الاحساء الى الحدود كان طويل شوي تقريبا 5 ساعات وبعدها دخلنا الفحيحيل وصرفنا العمله بالصرافات هناك
ومن ثم الى مطعم مميز بالكويت وهو مطعم ميس الغانم فرع المهبوله جدا لذيذ وهادي

بعض الصور














الحمد لله على النعمه
توجهنا الى الفندق وهو في منطقة الدسمان وتسجيل دخول سريع والراحه وهنا انتهى اليوم الاول


اليوم الثاني كان حافل
توجهنا الى عشقي الامنتهي في الكويت وهو سوق المباركيه احب البساطه اللي فيه
تم الغداء في مطعم الشمم للاسف ماقدرت اصور ولا صوره بسبب الزحام الشديد وكان يصادف اجازة المولد النبوي في الكويت



وبعدها انتقلنا الى حديقة الحيوان الكويت واللي للاسف نصلها متاخرين وللمره الثانيه يخيب ظن اطفالي فهذي الزياره الثانيه للكويت وفي كل مره تكون مغلقه

ثم توجهنا للافينيوز اللذي كان مزدحم فلم ندخل بسبب الزحام وتوجهنا الى بعض المحلات والمراكز للتسوق

ثم التوجه للسالميه والتسوق الاسواق مزدحمه وانا تعبانه ماقدرت اصور

ثم الى المطعم الشعبي فريج صويلح حاولت نغير لكن الاغلبيه فازت علي












وكان ختام هذا اليوم امطار جميله ومنعشه وبكذا انتهى اليوم


اليوم الاخير كان الفطور بكوستا كافي والتمتع بالجو على الكورنيش وبعدها العوده للوطن لان بدا الجو يمطر وورانا طريق





وبكذا انتهت رحلتنا القصيره والخفيفه للكويت الحبيبه والى زيارة قريبه لها




وباليوم

 


التعديل الأخير تم بواسطة عشقي السفر ; 25-11-2018 الساعة 10:36 PM
عشقي السفر غير متواجد حالياً   رد مع اقتباس
قديم 25-11-2018, 06:26 PM   #2

مراقبة العرب المسافرون

الصورة الرمزية q8ya metnaqla
 
تاريخ التسجيل :  Dec 2014
رقم العضوية : 73
الدولة : وطن النهار
الجنس : انثى
المشاركات : 16,410



أوسـمـة: q8ya metnaqla

كل الاوسمة:2 (more»)
افتراضي


نورتوا الكويت و زارتنا البركة
صج انهم ليلتين بس ما شاءالله رحتوا كذا مكان وللأسف وقتكم كانت عطلة المولد النبوي وكل مكان زحمه

لو سألتيني عن حديقة الحيوان چان قلت لج لا تروحون

ماعليه المرات اليايه ان شاءالله
الفندق شنو تقيمج له ؟
شكله يديد اول مره اسمع فيه

قواج الله و ماتشوفين شر
وحياكم الله في ديرتكم


Sent from my iPhone using Tapatalk

 

توقيع : q8ya metnaqla


كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html


في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

q8ya metnaqla غير متواجد حالياً   رد مع اقتباس
قديم 25-11-2018, 07:05 PM   #3

مجلس الإدارة

الصورة الرمزية توبليرون
 
تاريخ التسجيل :  Dec 2014
رقم العضوية : 26
الدولة : حبي الكويت
الجنس : انثى
المشاركات : 25,609



أوسـمـة: توبليرون

كل الاوسمة:3 (more»)
افتراضي


ماشاءالله عليكم بالعافية
ميس الغانم المهبولة هادي واكله لذيذ
اما الفندق باين حلو وسعره حلو للغرفتين

المرض يضيق الخلق بالسفرة الله يعينج واجر وعافية يارب

الأسبوع هذا صادف كل مكان زحمة غير طبيعية السبب

الراتب
إجازة
بلاك فرايدي بكل المجمعات والأسواق

واما حديقة الحيوان كانت مفتوحة والعصر يسكرون مبجر قبل المغرب بشوية لان الحيوانات ما يطلعونهم بالليل وكان وقتكم اختي مع احفادها هناك واستمتعوا بالجو هناك
حسافة لو رايحين الصبح كنتو بتلاقونها مفتوحة
اهم شي انكم نورتونا بهالزيارة ولو ادري جان تواعدت معاج للترحيب فيج

 

عشقي السفر و أبو الريم معجبون بهذا.

توقيع : توبليرون


باريس
https://www.arabtrvl.com/vb/t49390.html

بريطانيا
https://www.arabtrvl.com/vb/t51445.html

تركيا
https://www.arabtrvl.com/vb/t52107.html

مشاركاتكم تسعدني
لا أكتب الا في العرب المسافرون
اختكم : أم حسين
نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

توبليرون غير متواجد حالياً   رد مع اقتباس
قديم 25-11-2018, 10:32 PM   #4

مراقبة العرب المسافرون

الصورة الرمزية عشقي السفر
 
تاريخ التسجيل :  Dec 2014
رقم العضوية : 148
الدولة : الشرقيه
الجنس : انثى
المشاركات : 2,045



أوسـمـة: عشقي السفر

كل الاوسمة:1 (more»)
افتراضي


اسعدني مروركم لموضوعي المتواضع


اي وصلنا وهم يقفلون وباين الزحمه تطلع المشكله كان سوق المباركيه قريب مني حبيت اتمشى فيه قبل الغروب وقلت العصر بطلع منه وبوصل قبل المغرب لكن نسينا عمرنا بالسوق وخصوصا مع التجديدات اللي حصلت والتطور الملحوظ وكنت قاريه قبل بيوم عن ان الحديقه تقفل ثمان لكن طلع الحديقه قسمين الحيوانات تقفل قبل الحديقه العامه يالله ماتدرين وين الخيره عيالي متحمسين لها لكن للجايات اكثر باذن الله



اي مطعم ميس الغانم المهبوله هادي ورايق جدا لذيذ اكله البرياني خيااال والمشاوي والمقبلات مره عجبنا

صحيح كلامك المرض ضيع علي قليل من المتعه من شدت التعب اليوم الاول عجزت انام اتقلب الى ثاني يوم الصباح ولم انم الا ساعه ونصف تقريبا لكن الحمد لله تسهلت الامور واستمتعت قدر الامكان


الفندق نسيت اكتب تعليقي


الفندق جديد ماله مده طويلة فاتح قريت عنه في بوكينج وعجبني موقعه وتقييمه وسعره


الايجابيات :

الفندق جديد ونظيف وموقع استراتيجي خمس دقايق سياره انت بالمباركيه والبحر قريب منك وسوق شرق تطلع الشارع العام امامك

معاملة الموظفين جدا ممتازه كان وصولي متاخر الساعه سبع المغرب كانو مجهزين كل شي لتسجيل الدخول مجرد ماوقعت ودفعت الايجار ودخلت والخروج ايضا سلس

والخدمات تحت الفندق من مطاعم وبقالات كل شي حولك والتوصيل مجاني


السلبيات :

1-الفندق مافي فطور ولا مطعم لكن مثل ماذكرت كل شي تحتك اللي احس انه مهم ومو موجود هو لايوجد لبتن او كوفي في الفندق فقط يوضع علبتين ماء

يوجد مطبخ تحظيري فيه غلايه ومايكرويف وفرن كهربائي وثلاجه صغيره فيه صحنين وكاسين ومعالق ومقلاه وجدرين يعني ينفع تسوي لك فطور اذا حاب

2- السلبيه الثانيه ان عدد المواقف قليل اذا جيت متاخر توقف بعيد او تعطيهم المفتاح يوقفونها لك ويخلون المفتاح عندهم في حال احد بيطلع يحركون السياره

3- يوجد اعمال بناء قريبه من الفندق واصلاحات على الشارع العام لكن لم اواجه اي ازعاج

4- الغرف صغير قليلا والاسره اصغر مما تعودت


5- لايوجد غساله ملابس للي يهمه الامر لكن الفندق عرض علي انه متعاقد مع شركه لغسيل الملابس لكن الاستلام 8الصبح والتسليم ثاني يوم 8الصبح


بالنسبه لي السلبيات ماكانت مزعجه لكن وجب التنبيه

تم الإرسال من SM-G935F باستخدام Tapatalk

 

عشقي السفر غير متواجد حالياً   رد مع اقتباس
قديم 26-11-2018, 01:12 AM   #5

مجلس الإدارة

الصورة الرمزية توبليرون
 
تاريخ التسجيل :  Dec 2014
رقم العضوية : 26
الدولة : حبي الكويت
الجنس : انثى
المشاركات : 25,609



أوسـمـة: توبليرون

كل الاوسمة:3 (more»)
افتراضي


شكراا للتقييمك للفندق

 

توقيع : توبليرون


باريس
https://www.arabtrvl.com/vb/t49390.html

بريطانيا
https://www.arabtrvl.com/vb/t51445.html

تركيا
https://www.arabtrvl.com/vb/t52107.html

مشاركاتكم تسعدني
لا أكتب الا في العرب المسافرون
اختكم : أم حسين
نقره لعرض الصورة في صفحة مستقلةنقره لعرض الصورة في صفحة مستقلةنقره لعرض الصورة في صفحة مستقلة

توبليرون غير متواجد حالياً   رد مع اقتباس
قديم 26-11-2018, 08:29 AM   #6

مميز العرب المسافرون

 
 
تاريخ التسجيل :  Dec 2014
رقم العضوية : 334
المشاركات : 2,868



أوسـمـة: كتكات783

كل الاوسمة:2 (more»)
افتراضي


الحمد لله ع السلامة مشرفتنا ...

ماتشوفين شر يارب ... زيارة قصيرة .. لكن الأهم طاح اللي بالراس

الزحمة .. تفسد كثيييييراً من متعة الزيارة ...

فترة سفركم تصادف أجواء ممتازة تساعد على زيارة المعالم المكشوفة ..

لديّ تحفظ على حدائق الحيوانات في دول الخليج .. لا أراها توازي مثيلاتها في دول أخرى

حتى ( دبي ) الرائدة سياحياً .. لم تولي حديقتها ذاك الاهتمام والتفرد ...

توقعت المسافة من الأحساء إلى الكويت أقرب من 5 ساعات ..

شكراً لك على طرح التجربة ... دعواتي لك بالتوفيق ..

 

كتكات783 غير متواجد حالياً   رد مع اقتباس
قديم 26-11-2018, 08:57 AM   #7

مميز تركيا

الصورة الرمزية الفراهيدي
 
تاريخ التسجيل :  Sep 2015
رقم العضوية : 6001
الدولة : ولايـة عـرعـر
الجنس : ذكر
المشاركات : 3,414



أوسـمـة: الفراهيدي

كل الاوسمة:1 (more»)
افتراضي


الحمد لله على السلامه

اشوف سعر الجناح مميز غرفتين وصالة حوالي 800

خاصه الكويت الأسعار غالية بالفنادق

شكرا لك على التقرير الخفيف

 

توقيع : الفراهيدي

نقره لعرض الصورة في صفحة مستقلة
الفراهيدي غير متواجد حالياً   رد مع اقتباس
قديم 26-11-2018, 09:36 AM   #8

خبير سفر

الصورة الرمزية المسافر2020
 
تاريخ التسجيل :  Jul 2016
رقم العضوية : 11046
الدولة : سلطنة عُمان
الجنس : ذكر
المشاركات : 2,358



افتراضي


الحمدلله على السلامة مشرفتنا وما تشوفون شر


رحلة قصيرة لكن غيرتوا جو فيها واستمتعتوا برغم ظروف المرض


الفندق واضح ممتاز وسعره مناسب جدا


شكرا على التقرير الخفيف والمفيد

 

توقيع : المسافر2020

" وما توفيقي إلا بالله عليه توكلت وإليه أنيب "

المسافر2020 متواجد حالياً   رد مع اقتباس
قديم 27-11-2018, 08:20 PM   #9

مسافر متألق

الصورة الرمزية سام 2018
 
تاريخ التسجيل :  Feb 2018
رقم العضوية : 17918
الجنس : ذكر
المشاركات : 497



افتراضي


الله يعطيك العافية بلا شك استفدت الكثير وطمعاً في المزيد
أختي المعذرة عدة استفسارات والمجال مفتوح للرد ولكن بما أنك زرتي الكويت في فترة قريبة

كم ترشحين لي ميزانية يومية من غير السكن بالدينار الكويتي تمشية وتسوق ولو شيء تقريبي ؟ بحكم خبرتك لاربعة بالغين

هل في وقت 26-30 ديسمبر مناسبات كوطنية وغيره ؟

وجزاك الله خير الجزاء

 

أبو الريممعجبون بهذا.
سام 2018 غير متواجد حالياً   رد مع اقتباس
قديم 01-01-2019, 10:18 PM   #10

مسافر جديد

 
 
تاريخ التسجيل :  Dec 2018
رقم العضوية : 22594
الدولة : الكويت
الجنس : ذكر
المشاركات : 19



افتراضي


الدار داركم و حياكم الله بكل وقت زارتنا البركة

 

أبو الريممعجبون بهذا.
badran89 غير متواجد حالياً   رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
اول زيارة للكويت الحبيبة وابي مساعدة بن قوت بوابة الكويت 16 10-11-2017 06:41 AM
اول زياره للكويت ومااستغني عنكم نون التوكيد بوابة الكويت 7 27-05-2017 07:28 PM
سفرة للكويت 3 ايام مدمن سامي بوابة الكويت 8 28-07-2016 12:37 AM
امور خفيفه مسببت لي لخبطه .. بليز احد يساعدني abuhusain تركيا 7 15-02-2015 05:55 PM
اول زياره للكويت Lovethesee بوابة الكويت 10 31-12-2014 04:39 PM

الساعة الآن 04:10 PM
Powered by vBulletin® Copyright ©2000 - 2024, Jelsoft Enterprises Ltd.
Search Engine Friendly URLs by vBSEO