دردشة عن الصين

ام عزيـــز · 20-02-2019, 06:04 PM

.

مرحباً احبتي

من اجمل الخدمات اللي تقدمها لنفسك في السفر المساج
و تخيل لما يكون المساج في الصين .. اي مساج

اسلوبهم في استقبال العميل مميزه
يجيبون لك شاي او شاي اعشاب
يجيبون لك انواع المناشف
يشغلون لك موسيقى هاديه
يحطون عندك فواحه بعطورات هاديه
الاضاءه خافته
يعني انواع الريلاكس الجميله

خدمات المساج عندهم تختلف
منها للعلاج - و للاسترخاء ... انواع لا حصر لها
مساج بزيوت معينه لا توجد الا عندهم
و مساج حسب الوقت , يعني ممكن يكون 30 دقيقة او 120 دقيقة

و من الشغلات الغريبة عندهم للمساج : عندهم قاعات مساج جماعي
( طبعاً هذا يناسب عاداتهم و تقاليدهم )
تروح الاسره كلها - او صديقات و يسوون مساج في نفس القاعة

و لكن الاغرب و الاجمل عندهم للمساج , هو مساج المكفوفين
يعني نفس الشابه/الشاب اللي يسوي لك المساج كفيف/اعمى

شيء رائع جداُ
بصراحه شعب مبدع , كل مره ازداد اعجاباً فيهم
استثمروا هذي الاعاقة بتقديم خدمة مميزة
اوجدو فرص عمل شريفة و مهمة لـ اللي عندهم اعاقة معينة
ولا يخفى على احد مدى قوة حاسة اللمس عند الكفيف
يعني بيكون هو الابخص باداء المساج بطريقة احترافية
و العميل اكيد بيحس براحه اكثر و ما بيشعر باحراج مع الشخص الكفيف

نجي لآخر فقره في المساج - و هي الفاتوره
ثمن المساج مع شخص كفيف هو نفسه مع شخص عادي
يعني حتى ثبات السعر يشجعك تطلب الكفيف

هذا جزء من ثقافة و حياة الصينيين
ان شاء الله فقرة المساج اضافت لكم الجديد و راقت لكم

و ما زال لدينا المزيد

توبليرون, طوق الياسمين و آخـــرفـــرصـــة معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة اديس ابابا	أبوهمس	بوابة اثيوبيا	58	31-01-2019 12:24 AM
الصين تعدل نظام تأشيرة السعوديين لدخول الصين	alradadi	بوابة الصين وهونج كونج	4	04-12-2018 09:42 PM
دردشة عشاق ,, الوردة الجديدة ( اديس ابابا )	أبوهمس	بوابة اثيوبيا	26	12-09-2015 08:55 PM
العين دار الزين	ام زياد	بوابة الامارات	8	12-02-2015 08:33 PM