شقق (Cozy Flats) تقسيم ... اسطنبول

توبليرون · 27-12-2014, 04:08 PM

نكمل مع الأعضاء الحلوين

يومنا الأول

وصلنا الفندق بعد لفة بسيطة من التاكسي

ودق عليهم تلفون والا احنا عند الفندق......بره مو مبينة اللافته له

عمارة بين العمارات

وهذا حجزنا شوفوه قبل لا نحط صور الشقة

قسمت لكم الورقة بالتصوير علشان يبين

العنوان والايميلات والاحداثيات

الحجز والسعر

عطيناهم كاش 4500 ليرة تركية...عاد مو تقولون وايد

قارنو السعر مع سعر بوكينغ

وصف الشقة

كرت الفندق

الواي فاي مجاني

مدخل الفندق من الريسبشن الصغير

الريسبشن ......قصدي طرف منه

ما شاءالله انترس منا

ارفف المكتب البسيط المرتب

لوحة خلف المكتب

شاف الولد الموجود التشيك ان ودخلنا الشقة بالدور الثاني من المبنى الداخلي

يعني نمر بالريسبشن ومن داخل ندخل على مبنانا

في مصعد للادوار الموجودة في المبنى الاول خلف الريسبشن مباشرة

وهو مبنى الغرف اعتقد

وام حسين صار لها مشكلة ما اقدر اصعد درج ....صعد بوحسين

يشوف الشقة ما عجبه الوضع ناداني......صعدي يا ام حسين لازم تشوفين

وهذه الشقة .....صعدت

الغرفة الاولى

تكرمون الحمام الوحيد

المطل

ماصورت من الصالة الا هذا العيال كانوا قاعدين

فيها صوفا بد لنفرين

وهذا المطبخ

وهذه المشكلة

في الممر ووحدة بس مافي غيرها

مشكلة تكييف واحد والجووو حار

وبالممر

قلنا حق الولد ...قال خل اتصل بالمسئول

والا المسئول يانا وقال في شقة ثانية تحت بالدور الاول

قلنا حلوو نص المشكلة انحلت.....دور واحد كم درية تمام.....فتح الشقة الثانية وراحو الربع

انا انطرهم شيقولون وانزل لان اخاف يرجعون يصعدوني

قالوااا تعااالي

نزلت والا رحمة الله من الهوااا البارد نزلت علي

قلت الله هذا التكييف مو فوق......طلع في هالشقة وحدتين تكييف وحدة بغرفة نوم

والثانية بالصالة

قلت لهم انتو اشرايكم الكل وافق.......وطلع المسئول شاب حليوو وحبوب

قال موافقين علشان نكتب العقد.....قلنا اوكي

وعطانا خريطة وحط عليها اشلون نوصل لميدان تقسيم...وبعض الاماكن

نشوف الشقه الجديدة ما تختلف عن الثانية الا انها تكييفين وبالطابق الاول.....

غرفتي ...انا ودانة

اخذتها علشان هذه

الغرفة الثانية للبنات...بدون تكييف

بس يوصل لهم البراد لان ابيبان الغرف كلها فاتحينها وقت النوم

الصالة لابوحسين ويوسف

مالحقت اصورها من النثرة اللي صارت خخخخخخ

الممر وتلاحضون على اليمين باب الصاله اللي حجمها حجم الغرفتين مع بعض

وجدامنا غرفة البنات....اليسار غرفتنا....وتكرمون باب الحمام السحاب

ووراي باب الشقة....ويساري المطبخ

تكرمون الحمام

المطبخ

طاولة اكلنا هههههههههه

لا لا هذا مطعم الريوق في الفندق دايما نمر منه

نلاقيهم يتريقون .....انا ماحجزت ريوق فندق لانهم يبون يتريقون بره كل يوم في مكان

وهذه باقي طاولات المطعم وشايفين الريال احنا هني نمر لمبنانا

وفي باب ثاني ما يفتح الا بمفتاحكم......او تفتحونه من داخل يعني الفندق آمااااااااااان وهذا اللي شفناه

هذا الله يسلمكم المسئول عن الفندق......الطريف انه دانه سألته شيصير لك الممثل الفلاني

قال لها عمي......قالت يا سلام نقدر نشوفه قال لها خل اشوفه انا بالاول

واشوفها تضحك قلنا لها شالسالفة

طلع انها عرفت من اسم العايلة والفندق اعتقد للممثل مثل ما قالت

اسمه تلاقونه على كرت الفندق اسمه اران.......ماي فريند لكل واحد من العايلة بس يشوفنا

لوحات بالاسقبال

هذا باب الدخول والخروج بنطلع

الدخول للفندق بس شافونا تقريبا الساعه 8,30 وعلى ما استقرينا على الشقة

الساعة 10 وراح يوسف مع دانه جابو لهم ريوق ....وانا من شفت البرك طبيت معاهم

واكلنا وهني ما صورت......نمنا لحد الساعه 3 تقريبا وبعدين طلعنا

ندور الغدااااا جعناااااا

طوق الياسمين, Eng1Basem و أبن السلطنة معجبون بهذا.

توبليرون · 27-12-2014, 04:09 PM

عقب ما ريحنا وصلينا الظهر والعصر جمع تقديم

طلعنا ندور شارع الاستقلال

بنتي تقول تعالو مايبيله تاكسي وانا قلت لهم روحو انتو وانا بعد هالمشي

ما أقدر.......شوفو وين مشيت

شايفين السهم فندقنا......وهالطريق الصاعد لحد ما نوصل للشارع اللي تمر عليه سيارات

المسافه صغيره اوكي بس تقطع القلب والظهر....خاصة انا مع الديسك

ماني قادرة امشي.....ناخذ تاكسي يوصلنا للميدان والعيال بعد اخذوا ....كل 3 بسيارة

وتصبحون على خير .....للجزء اليديد لليوم الثاني

طوق الياسمين, قطرية كول, Eng1Basem و 1 آخرون معجبون بهذا.

الغردقاوي · 23-08-2015, 07:15 PM

الفندق رغم أن غرفه صغيره وشواره ضيقه ومطالع لكن تشعرين معه بألفه سريعه وكأنك في أحد حواري إسطنبول الشعبيه
فالحياة الشعبيه جميله طالما تخلوا من المشاكل المختلقه

تسلمي أم حسين على التعريف بالفندق

توبليرون و Eng1Basem معجبون بهذا.

توبليرون · 25-08-2015, 02:41 AM

اقتباس : المشاركة الأصلية كتبت بواسطة الغردقاوي

الفندق رغم أن غرفه صغيره وشواره ضيقه ومطالع لكن تشعرين معه بألفه سريعه وكأنك في أحد حواري إسطنبول الشعبيه
فالحياة الشعبيه جميله طالما تخلوا من المشاكل المختلقه

تسلمي أم حسين على التعريف بالفندق

صحيح وحتى أصحاب الفندق وايد حبوبين وحلويين
تصدق بعد ما عملنا التشيك أوت
طلعوا ورانا يودعونا
ويسلمون على بوحسين ويوسف ويقولون لهم ارجعوا لنا
يعطيك العافيه على المرور الكريم

|القحطاني| · 19-09-2015, 08:51 PM

والله الشقة صح صغيرة بس كشكل رهيبة

بس انتوا كثيرين هذي مشكلتكم مو مشكلة الشقة ههههههه

والله شيء جميل هالتركيا

الله يعطيك العافية

توبليرونمعجبون بهذا.

توبليرون · 03-10-2015, 12:53 AM

اقتباس : المشاركة الأصلية كتبت بواسطة |القحطاني|

والله الشقة صح صغيرة بس كشكل رهيبة

بس انتوا كثيرين هذي مشكلتكم مو مشكلة الشقة ههههههه

والله شيء جميل هالتركيا

الله يعطيك العافية

الله يعافيك يا القحطاني
العايلة هههه لازم تكون كبيرة
المشكله كلها بس لأنها حمام واحد وتعرف عاد الدور اللي يصير
الصبح والا وقت الطلعة
بس اهم شي ان الشقة تكون امان للنوم وأغراضنا محفوظة
وباجي اليوم بره طلعات وتمشيات
ان شاءالله تتوظف بسرعه وتطلع اجازه لتركيا قول آمين

|القحطاني|معجبون بهذا.

|القحطاني| · 03-10-2015, 01:10 AM

اقتباس : المشاركة الأصلية كتبت بواسطة توبليرون

الله يعافيك يا القحطاني
العايلة هههه لازم تكون كبيرة
المشكله كلها بس لأنها حمام واحد وتعرف عاد الدور اللي يصير
الصبح والا وقت الطلعة
بس اهم شي ان الشقة تكون امان للنوم وأغراضنا محفوظة
وباجي اليوم بره طلعات وتمشيات
ان شاءالله تتوظف بسرعه وتطلع اجازه لتركيا قول آمين

ههههههه اللهم آمين [emoji257]

Sent From Samsung Galaxy S6

توبليرونمعجبون بهذا.

توبليرون · 03-10-2015, 01:14 AM

اقتباس : المشاركة الأصلية كتبت بواسطة |القحطاني|

ههههههه اللهم آمين [emoji257]

Sent From Samsung Galaxy S6

ام راكان · 03-10-2015, 10:05 PM

ماشاء الله يا اختي ام حسين الشقة زينة ويكفي جمعتكم فيها الله لا يفرقكم مهما كان المكان ومهما كان موقعة يكفي الجمعة والوناسة مع بعض هي تغطي كل شي ربي يسعدكم ولا يغير عليكم وماقصرتي بالتقرير لليوم الاول ننتظر اليوم الي بعده موفقه

توبليرونمعجبون بهذا.

توبليرون · 04-10-2015, 01:08 AM

اقتباس : المشاركة الأصلية كتبت بواسطة ام راكان

ماشاء الله يا اختي ام حسين الشقة زينة ويكفي جمعتكم فيها الله لا يفرقكم مهما كان المكان ومهما كان موقعة يكفي الجمعة والوناسة مع بعض هي تغطي كل شي ربي يسعدكم ولا يغير عليكم وماقصرتي بالتقرير لليوم الاول ننتظر اليوم الي بعده موفقه

تسلمين يام راكان من ذوقج
الموضوع هذا خاص بالفندق ونقلته من تقريري الأصلي
على هذا الرابط

http://www.arabtrvl.com/vb/t376.html

حياج الله حبيبتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رمادا بلازا اسطنبول تقسيم	mrms1	بوابة تركيا	7	24-08-2018 03:07 AM
فندق CVK Hotels & Resorts Park Bosphorus تقسيم (اسطنبول)	عناقيد الربيع	تركيا	13	16-12-2016 09:51 PM
تقسيم المبلغ	ابن الشرقية 96	اوروبا	6	06-07-2015 02:45 PM
فنادق تقسيم	memo	تركيا	6	08-06-2015 02:54 PM
يوم من الرعب أنا وعائلتي في تقسيم (\| أحداث تقسيم 6-2014 )	ابا رواء	تركيا	18	16-02-2015 01:51 AM