انها ليست كويتاً و كفى ( الكويت 2017 )

هاوية الاسفار · 26-03-2019, 11:59 PM

السلام عليكم و رحمة الله و بركاته

صباح و مساء الخير على الجميع

كالعاده التخطيط للسفر يكون قبل مدة زمنيه لكن المرة هذي الوجهه كانت غير

و من الدول المقترحة كانت البوسنه أو أذربيجان

لكن القلب يحن للغاليه الكويت

و الخاطر يبغي مكة و المدينه فقلنا نجمع بين الاماكن كلها دام الرحلة بالسيارة

و هذا تقريري عن السعودية قبل ما نتوجه للكويت الحبيبه

https://www.arabtrvl.com/vb/t33705.html

اليوم الأحد 24 / 12 /2017

بسم الله نبدأ

الساعة 9 الصبح مسكنا الخط من القصيم باتجاه الكويت

و الساعة وحده و ربع وصلنا مركز حدود الرقعي

يفز قلبي كل ما مر طاريه
فزة يتيم شاف من تشبه أمه
تذكر أمه يوم كانت تناديه
و حس بجفاها يوم عيت تضمه

وصلنا منفذ السالمي

خذنا نص ساعة بين المنفذين

و حيانا الله في الكويت

المخيمات على طول الدرب

دخلنا المدينه

الأجواء ما تبشر بالخير

و هذا متحف السيارات التاريخية

و هذي حلبة سرب لسباق السيارات

الايمان, آخـــرفـــرصـــة, توبليرون و 6 آخرون معجبون بهذا.

آخـــرفـــرصـــة · 27-03-2019, 12:37 AM

وعليكم السلام

متابعين معاك
زين ما تاخرتوا بالحدود
الاحراءات صارت سريعة الحمد لله

28 زينة الايام هذي
كيف لو جيتيوا بالصيف
بس يمكن جايين من برد الرياض

الايمان, توبليرون, فيصل و 1 آخرون معجبون بهذا.

هاوية الاسفار · 27-03-2019, 12:47 AM

وصلنا منطقتنا السالمية

حجزنا كان في شقق المهنا و عندهم فروع كثيره و طبعا دخلنا الفرع الغلط

و دلونا على واحد ثاني و شفنا ثالث و طحنا في متاهه لين وصلنا الى مبتغانا

و اعتقد كان المهنا رقم 3
وصلنا الساعة 4 الا ربع

و هذا الاستقبال ( اللوبي )

و هالمرة حجزنا في الكويت كان لمدة 4 ليالي أكيد المدة قصيرة

لكن الرحلة كانت متعبة جدا و زوجي كان وده يلغي الكويت لكن قلت لا و لن و كلا

إلا الكويت ما أقدر أصبر عنها مع انه و الله كنا نعاني من ألم الرجلين من بعد مكة

لكن طول فترة السفر و زوجي مشغول بالدوام لأنه لازم يرجع و يباشر اجراءات الدورة

الخارجية و بتكون تقريبا طول السنه و هذا اللي خلاه شوي يعطف علينا و نقعد في الكويت

المهم دخلنا الشقة و بابها ينفتح بالمفتاح العادي

و هذي الصالة وسيعة و شرحه

الشقة عبارة عن غرفتين نوم و صالة و مطبخ و 3 حمامات

الحين ندخل غرف النوم

الغرفة صغييييرة جدا و ما فيها مكان لسرير الطفل

و هذا تكرمون الحمام و بعد صغير جدا جدا

غرفة الاولاد

و هذا حمامهم خارج الغرفة

المطبخ واااااسع

يا ريت صغروا الصالة و المطبخ و كبروا غرف النوم

ارتحنا و صلينا صلواتنا و طلعنا و كلمناهم نبغي سرير طفل

بس المشكلة ما شي مكان يقولون عادي بنحطه في الصالة

الايمان, توبليرون, فيصل و 5 آخرون معجبون بهذا.

هاوية الاسفار · 27-03-2019, 01:22 AM

و على طووووول على المطعم و اقرب شيء شارع المطاعم

عصير المنعش و كوردو

كلنا الحمدلله هي غدوه و عشوه نفس الكويت و توه الليل

و على طول على أسواق زين سنتر

و من زين سنتر لسوق ميركاتو الري

و خذنا المقسوم و هالمرة اشتريت أقمشة نسائية روووووووعه و عبيت السياره

و طلعنا على طول لمقهى السالمية غيرنا عن الشميمري

طبعا كنا شبعانين و قلنا نلعب الاولاد شوي و المكان كبير و فيه مطاعم و جلسات

و أكشاك لبيع المأكولات المنزلية و الالعاب و مشروبات و تحف

و لازم نحلي شوي باللقيمات

و نشرب عل الماشي

و خلاص الساعة 9 تقريبا قلنا نرجع الشقة و نرتاااااااااح

أدري بتقولون تو الناس لكن من الفجر و احنا ماسكين الخط و خلصت الطاقة اللي فينا

و لازم نقوم من الصبح و نتريق و نكمل مشاويرنا

و هذا مطعم قريب من شقتنا

و خلص يومنا الأول في الكويت على خير

انتظروني في اليوم الثاني

دمتم بود

الايمان, توبليرون, فيصل و 6 آخرون معجبون بهذا.

توبليرون · 27-03-2019, 02:35 AM

منورين البوابه الكويتيه هذه التقارير السنعه
اشوف اسم المنفذ الرقعي طلع منفذ السعوديه واحنا السالمي لان عندنا منطقة الرقعي بعد

درجة الحراره ظ¢ظ¨ وييي الله يعين ...بس هالوقت هالسنه كانت ابرد وماشاءالله للحين الجو حلوو وبراد

الفندق حسافه الغرف صغيره
حلو انكم استغليتو الوقت ورحتو الري والقهوة الشعبيه
وبانتظار القادم

الايمان, فيصل, ام عزيـــز و 2 آخرون معجبون بهذا.

فيصل · 27-03-2019, 04:45 AM

الكويت تستاهل الزياره

كيف الألم بشرينا

انا اذا شفت السكن مش ولا بد أقول جملتي ( السكن للنوم بس )

الايمان, ام عزيـــز, توبليرون و 2 آخرون معجبون بهذا.

الــر ا ا يــق · 27-03-2019, 05:48 AM

تقرير مشوووووووق ....

متابعين معـكـ ..

ام عزيـــز, توبليرون, هاوية الاسفار و 1 آخرون معجبون بهذا.

q8ya metnaqla · 27-03-2019, 10:16 AM

طلع المستخبي يا ام علي

نورتي بالبوابة بالتقرير

زين سويتوا رحتي الري وخلصتي شغلج عليج بالعافيه
الخامات في ميركاتو وايد حلوه وخصوصا حق دراريع رمضان..

السكن صح كلامج لو يصغرون الصاله احسن ويكبرون الغرف

متابعين معاكم
وبالعافيه العشا

Sent from my iPhone using Tapatalk

الايمان, ام عزيـــز, توبليرون و 3 آخرون معجبون بهذا.

آخر مواضيع q8ya metnaqla

- هُنا إمبــــراطـــوريــ اليــابــان ــــة
- استفسارات اليابان
- رحلة صيفية بحرية في ربوع الجبل الأسود (مونتينيغرو 7/2024)
- حي الله هالقطري حي الله حبه ربى في حشاي .. مانحتاج حق السري سراينا هالجاي
- هنــــــــا سنغــافورة الكفــاح الإصــرار التعليــم التطــور

توقيع : q8ya metnaqla

كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب

https://www.arabtrvl.com/vb/t49320.html

كنزٌ دفين اكتشافُ ارضٍ ضائعةٍ كنا نعرف بوجودها ولكن لم نستطع الوصول إليها(كولومبيــا)

https://www.arabtrvl.com/vb/t48941.html

مراسلتكم من الاتحاد السوفيتي سابقا (روسيــا 2019 )

https://www.arabtrvl.com/vb/t45053.html

في قصص الشعوب طرائف لاتنتهي وعالم حلو بهي يسكن في القلوب في قصص الشعوب (المكسيـــــك)

https://www.arabtrvl.com/vb/t41667.html

الى الزيتونة وعقبه بن نافع وابن خلدون بلد العلم والثقافة والتاريخ( تــونس الخضـــرا )

https://www.arabtrvl.com/vb/t39247.html

سـكــة سفــر فيهـا مشـاويـر العمــر ( امـريكــا ديسمبــر 2017 )

https://www.arabtrvl.com/vb/t31951.html

كل انسان يصبح شاعرا اذا لامس قلبه الحب : من بلاد الفلاسفه (اليونان)

https://www.arabtrvl.com/vb/t7554.html

هاوية الاسفار · 27-03-2019, 01:36 PM

اقتباس : المشاركة الأصلية كتبت بواسطة آخـــرفـــرصـــة

وعليكم السلام

متابعين معاك
زين ما تاخرتوا بالحدود
الاحراءات صارت سريعة الحمد لله

28 زينة الايام هذي
كيف لو جيتيوا بالصيف
بس يمكن جايين من برد الرياض

الحمدلله هالحدود شبه فاضيه اعتقد الأغلبية يستخدمون حدود الخفجي
هالمرة ما توفقنا بالجو متعودين على الشتا القارص في الكويت
ما افكر اسافر للكويت في الصيف يمكن بعد 5 سنين يتحول الطقس من حار إلى بارد
شكرا لمتابعتك

توبليرون, الــر ا ا يــق و آخـــرفـــرصـــة معجبون بهذا.

هاوية الاسفار · 27-03-2019, 02:15 PM

اقتباس : المشاركة الأصلية كتبت بواسطة توبليرون

منورين البوابه الكويتيه هذه التقارير السنعه
اشوف اسم المنفذ الرقعي طلع منفذ السعوديه واحنا السالمي لان عندنا منطقة الرقعي بعد

درجة الحراره ظ¢ظ¨ وييي الله يعين ...بس هالوقت هالسنه كانت ابرد وماشاءالله للحين الجو حلوو وبراد

الفندق حسافه الغرف صغيره
حلو انكم استغليتو الوقت ورحتو الري والقهوة الشعبيه
وبانتظار القادم

منوره بأهلها و محبينها
صح الحرارة كانت معتدله و في الليل الجو شوي يبرد و أنا متعوده
اييب جاكيتات و ملابس شتويه و كانت زيادة عدد فقط ما لبسناهم
الفندق مثل ما قلتلكم و ما افكر اسكن فيه مره ثانيه
لازم نستغل كل دقيقه
تسلمين عَل المتابعة

الايمان, توبليرون و آخـــرفـــرصـــة معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
الخطوط الكويتية تطلق خط الكويت طرابزون الكويت	Gunner10	تركيا	10	08-02-2018 01:01 PM
هذه ليست الامازون ! ..انها غابات نفزة و وشتاتة بولاية باجة	صيف2016	بوابة تونس	17	14-05-2016 04:06 AM
استفسار يااهل الكويت الكريم وكل من سافر الكويت	جميله	بوابة الكويت	11	31-03-2015 12:54 AM