طال شوقي للقاء المغرب

الايمان · 07-05-2019, 11:41 AM

اقتباس : المشاركة الأصلية كتبت بواسطة الفراهيدي

المرور سالفتهم سالفه معاكم هذا ما يحدث

للأسف في بعد البلدان العربيه هذي نقطه لازم ينتبه لها

اللي ناوي يسافر للمغرب

الطريق لشفشاون جميل جداً

والمدينه رااائعه واللون الأزرق معطيها جمال اكثر

ويكفي معاكم المرشد عبدالرحمن هل طلب سعر معين

للقيام معكم بجوله أو ما طلع من خاطركم

متاابعين معاك جمال السحر المغربي

أتوقع عمر عبدالرحمن 11 سنة والحمدلله اللي خذيناه معانا لو بدونه كان ضعنا لان المدينة مافيها أي إشارات او لافتات
قال أي مبلغ تعطوني انا موافق لكن بنهاية الرحلة الوالده عطته غير اللي احنا عطيناه إياه وااايد استانس

شفشاون جميله لكن ينقصها أشياء وايد للسياح

الايمان · 07-05-2019, 12:07 PM

صباح / مساء
المغامرات في الجديدة
والسفر الى مراكش

من بين الأسباب لاختيارنا منتجع مازاكان في الجديده ركوب الخيل والبنشيات ( الدباب )

قعدنا من الصبح وعلى طول على البلكونه

الجو بارد جدا ماينفع للسباحه

وشفنا الخيول على البحر

نزلنا للريوق وطلبنا الريوق على حمام السباحه

الايمان · 07-05-2019, 12:37 PM

بعد الريوق رحنا للبحر

الجو مازال بارد

الناس من الصبح مأجرة الخيول والجمال وتتمشى على البحر

رحنا الاسطبل نأجر خيل أجرنا النص ساعه ( 250 درهم )

صورتي وانا على الخيل

تفاجأنا بعد ربع ساعه رجعنا وقال المدة انتهت
قلنا ليش احنا اتفقنا على نص ساعه ودفعنا فلوس نص ساعه قال زحمة وفي ناس ناطره
نزلنا واستسلمنا للامر الواقع وكالعاده مانبي مشاكل

رحنا أجرنا بانشيات

الحجم الكبير يشيل راكبين بسعر ( 100 درهم ) لمدة ساعه

الحجم الأصغر يشيل راكب واحد بسعر ( 500 درهم ) لمدة ساعه

طبعا اخواني اجروا الحجم الصغير وانا خذيت الحجم الكبير واقنعت امي تركب معاي

هذه صورتنا في البانشي

وبعد نص ساعه قال لنا المرشد انتهت المدة
الظاهر عندهم مشكلة بالوقت يحسبون النص وياخذون السعر كامل
امي على طول نزلت وقالت احسن لانها ملت من البانشي سلمنا البانشيات ورحنا غرفنا ناخذ الأغراض ونسوي الشيك اوت

واخر صور للمنتجع

ضبطنا القارمن على مراكش

وقفنا في استراحه صلينا وتغدينا

كملنا طريقنا الى مراكش

حجزنا بمراكش في رياض

Riad Palais Sebban

الحجز لغرفتين لمدة ( 3 ليالي ) 450 دينار كويتي

تفاجأنا بموقع الرياض انه بعيد جدا عن الشارع ولازم تمشي مسافه طويلة عشان نوصل وهذه الملاحظة ماكانت مكتوبة في بوكينغ .

الشي الثاني الرياض ماكان نظيف على المستوى المطلوب وكان فيه أعزكم الله ( قطط وكلاب )

المفاجأة الثالثه ان الغرف السرير في دور والحمام عزكم الله في دور يعني نفس الغرفه لكن يوجد سلم للحمام
طبعا ماعجبنا الوضع ورفضنا استلام الغرف ودخلوا اخواني على النت يدورون على فندق
لكن للأسف الفندق خصم المبلغ بالكامل ولما كلمت بوكينغ قالوا هذه سياسة الفندق الله يعوضنا على (450 دينار ) اللي راحت

حجزوا اخواني هذا الفندق

الحمدلله كان مستواه خمس نجوم وكالعاده عندنا مشكلة بالسراير
لكن من التعب استسلمنا للامر الواقع

من التعب ماطلعنا نزلنا بوفيه الفندق نتعشا

انتهى يومنا

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تحذير من شركة فريد شوقي بماليزيا	ماليزيا	ماليزيا	18	30-06-2016 08:57 AM
خريطة المغرب الرقمية لمدن المغرب وطرقها morocco map	Haksa77	بوابة المغرب	17	10-05-2016 12:38 AM