عائدون .. مغرمون وعاشقون ~ لزيزا وخصوصا كاميرون . رحلتي2 ( 2014sep )

Deena · 15-03-2015, 07:09 PM

طولت الغيبة أخ كازامي عسى المانع خير

kazami · 16-03-2015, 02:01 PM

اقتباس : المشاركة الأصلية كتبت بواسطة Deena

طولت الغيبة أخ كازامي عسى المانع خير

ماتفقدين غاليي يارب ولايغيب عنك عزيز.. سنة جديدة في العراء.. بين رمال الصحراء.
لكن مايهم عدنا والعود احمد. والامور طيبة.

اقتباس : المشاركة الأصلية كتبت بواسطة كتكات783

هلا أختي ( رهف )

والله نفس الاحساس .. حسيت وضع الكازامي مهب أوكِ ..

ربي يوفقك يالكازامي و يحقق لك ماتتمنى ..

جزء ( الهضبة ) جميل .. وأشوف الهضبة مع شاطئ الفرنجي .. فقط هما مايميز بينانق ..

لنكاوي وكوالا تملك مقومات أجمل وأفضل من بينانق ..

الله على هالرأي..صف معاي في ان بينانغ شاطي وهضبة.
اما عن الاحساس فخلونا ننسى ولاتذكروني مافات مات وسأمضي ولن التفت.

اقتباس : المشاركة الأصلية كتبت بواسطة رهف البدر

عندي أحساس ويارب مايكون صح لم يتم نقلك ياكازامي عشان كذا تأخرت علينا أحتسب الأجر في الحالتين وراح تفرج مابعد الصبر إلا الفرج أسئل مجرب أنا معلمه وجربت النقليات والخطوط خل روحك رياضيه
وأن شاءالرحمن تفرج

يسلم على هالكلام البلسم.. كتب الله اجرك وتفاعلك مع وضعي دليل على علو اخلاقك. ونصيحتك في مكانها وهي باذن الله ماسيتم العمل به.
وهانحن نعود وكأن شي لم يكن.

اقتباس : المشاركة الأصلية كتبت بواسطة هناء

ياهلا

ياهلا فيك

اقتباس : المشاركة الأصلية كتبت بواسطة |القحطاني|

ما شاء الله راحة نفسية لما يكون الجو ممطر وقت الوصول تحس بُشرة خير شيء جميييييييل

((ياهو يامرهف الاحساس والله مشاعرك جميلة وبالفعل المفروض هالشعور يكون لدى الجميع))
---------

بغيت أسألك في أكثر من موضوع في المنتدى أشوف الخزنة هذي

هل أنت اللي تقدر تحدد الرقم السري أو الفندق يعطيك الرقم بحيث إنه ما يعرفه الا أنت وصاحب الفندق فقط !!

((الخزنة في كل فندق تكون مفتوحه ومافيها رقم. وانت تضغط الارقام ثم تضغط اقفال وتتبرمج معكز وهالطريقة هي الاغلب في الخزنات))
---------

ما شاء الله والجو الجميييل توقيت السفر رهيب

((في ماليزيا انت بين نارين ان تذهب في موسم الامطار والجولات ممكن تتكنسل وتجد الحدائق مغلقه وقت المطر. او تذهب في غير موسم المطر وتجد الحر
والجفاف).وانا افضضل الامطار ولو ضاع نفص الجدول.)
---------

ما شاء هذا اللي يسمونه المسجد الأزرق صح!!

مالله رااائع تصميمه يا ليت لو تفصله بموضوع بسيط له لأنه تصويرك فيه رااائع

((المسجد ماينوصف روعه فوق الخيال وفيه من الهدوء والراحة مايرغمك على الجلوس.تصميمه وموقعه زادت في جماله.والصورة اجمل وصف))
---------

وهذا المسجد أروع ما شاء الله ماليزيا فيها مساجد تصامميمها تخلي الواحد يعتكف سنة كاملة ههههه

والله شيء جميييل

(بصراحة اشوف المسجد الازرق اجمل.لان اللون الازرق يعطي انطباع بالسكينة))
---------

هههههههههههههههههه ما لهم حل هالقرود

((ابدا وانتبه لاتشيل اكل))
---------

ما شاء الله عليك يالكازمي أنا من الناس اللي أنسى المواضيع اللي لها تكملة

ولما شفت رد أبو عمر و رد طارق عنايات قلت في نفسي الحمد لله إني ما قد رحت لماليزيا

خصوصا لنكاوي لأن الموضوع أليم خصوصا للي راح لها من قبل لأن الصور رهيبة اما اللي مثل وضعي

مو مشكلة فيه وقت ان عطاني الله عُمر راح أزورها بس اللي راح قبل والله راح يتألم كثير ههههههه

أكثر من صورة حبيت أعلق عليها بس ما شاء الله عليك كفيت ووفيت موضوع رااائع جدا ولا يمل من قراءته مرارا وتكرار

الله يعطيك العافية

أليم بقدرالسماء.. والمنتدى يحرق فؤادك اذا كنت تتفرج ولاتقدر تسافر.ويارب يسر لنا سفرية قريب.

اقتباس : المشاركة الأصلية كتبت بواسطة المسافر1

السلام عليكم
هل يشترط رخصة قياده دولية لاستاجار سيارة في لنكاوي ام الرخصه السعودية تكفي
وشكرا

لا في الرحلتين لم يطلبوها ولكن اخذتها معي احتياط و100ريال ماتفرق معاي.

اقتباس : المشاركة الأصلية كتبت بواسطة صفق الهوى

تقرير رائع وجهد مشكور عليه

الرائع هو تواجدك وباذن الله القادم اجمل.

kazami · 16-03-2015, 08:17 PM

اقتباس : المشاركة الأصلية كتبت بواسطة Deena

مزيد من الجمال والإبداع واصل نحن بالانتظار

باذن الله نواصل ولو تاخرنا..

اقتباس : المشاركة الأصلية كتبت بواسطة أبو لمى

تقرير مشوق واصل ابداعك وزيارة بينانج ضرورة في اي برنامج بانتظارك..............

ربي يخليك زيارة بينانغ في كل برنامج شر لابد منه في نظري.

اقتباس : المشاركة الأصلية كتبت بواسطة كتكات783

الكازامي .... أنت مبهر وكل ما تقدمه وما قدمته وأثق بما ستقدمه بأنه غاية في الروعة
استمتعت معك كثيرا .. من بداية رحلتك وتقريرك وأنا معك .... فمثلك لا تفوت ابداعاته
أتفق معك في مسألة ( بينانق ) لم تكن سيئة ولكن لن أعود لها ...
سكنت بالهوليدي إن وندمت بإني لم آخذ ( القولدن ساندس ) ما ألومك يابو عمر
جزء لنكاوي بكل مافيه كان ممتعا باستثناء إصاباتكم ( اسأل الله لكم العافية )
بانتظار بينانق ... متأكد بأنها بعدستك ستكون مختلفة

ربي يخليك وهاهي بينانغ نزلت فشرفنا ولاتنقطع عنا.

اقتباس : المشاركة الأصلية كتبت بواسطة رهف البدر

وينك يالكازمي تأخرت في تكملة جزء بيانج

حاضر واجهز التكملة وقريبا ترى النور باذن الله.

اقتباس : المشاركة الأصلية كتبت بواسطة himzmz

حمدلله عالسلامة يا عسل وعودا حميدا
منتظرين ابداعاتك في بينانج

اقتباس : المشاركة الأصلية كتبت بواسطة قصة حب

والف سلامه واجر وعافيه للوالدة
الله يحفظها لكم شمعه البيت

ربي يسلمك ومن يعز عليك من كل شر.

اقتباس : المشاركة الأصلية كتبت بواسطة Toota2

ألف الحمدلله على سلامه الوالده أجر وعافيه ان شاء الله ..

تقرير رائع بكل تفاصيله ماشاء الله تابعته في المنتدى القديم والآن متابعين معاك وفندقك ريومز في سيلانجور كان منقذ لنا الحمدلله حجزت اول ليله فيه وانا في المطار وانا مغمضه لأني قد قرأت تجربتك فيه من قبل جزاك الله ألف خير ..
متابعين معاك للآخر ان شاء الله ..

لي الشرف اني افدتكم وربي يكتب اجرك ويسمع منك.

اقتباس : المشاركة الأصلية كتبت بواسطة فيصل

أحترم رأيك ورأي الكل
ليس ما يعجبني يعجبك
لكن صدقني اللي ما أعجبك ما أعجبني هالمره
يا شيخ ما فيه ديره سافرت لها وتضايقت منها مثل بيانيغ وان شاء الله انها أخر ديره أتضايق فيها

هلا بالزعيم بالكبتن والقائد مما يسعدني تواجدك وتوافق الرايين.

اقتباس : المشاركة الأصلية كتبت بواسطة ابو عمر _ JDH

اخوي الكازمي الحبيب بيض الله وجهك جزء ولا اروع عجبني فندق الفلامنقو مع انه الاغلب يذم فيه وتقيماته سيئة نوعاً ما .. كيف رايت مستوى النظافة وحجم الغرفة... تقريباً افضل فندق في بينانج من ناحية الاطلالة ع البحر لقربه من البحر .... صراحة كل جزيرة لها جوها الخاص لنكاوي حلوة وتعجبني جداً يكفيك الهدوء جميل وشعبها طيب 90 % ماليزيين اصليين وسكانها قليل حدود 50 الف .. اما بينانج ايضاً تعجبني جداً ولو اعرف انه بينانج لايوجد فيها غير فندق القولدن ساندس لاذهبت اليها واستمتعت يكفيك المشي في شارع الباتو فرينجي والغيوم فوقك ومطر هتان ياسلام سلم ايضاً المسجد العائم يعجبني فيه راحة نفسية عجيبة لمن تصلي كذا فرض فيه وبينانج جزيرة ومدينة في نفس الوقت عدد سكانها كبير جداً مليون ساكن في الجزيرة ... اللي شفته من الصينيين في بينانج كل خير .. وتعاملهم رائع .. بعض من اصحاب التاكسي الصينيين هما الوسخين شويتين ومعاهم الهنود شوية

الصينينن لي معههم موقف بذكره بعد قليل..ورأيك على عيني وعلى راسي.

اقتباس : المشاركة الأصلية كتبت بواسطة رهف البدر

تسلم أخوي الكازمي عجبني الفندق الفلامنقو لو دريت أنه بهذا المستوى كان حجزت فيه مع أني من عشاق الهوليدي أن والباتو فرنجي
بيانج رائعه بس ماهي مثل جزيره الرومانسيه والهدوء لنكاوي
أذواق الناس تختلف زوجي من عشاق بيانج وماعجبته لنكاوي

من جد الناس اذواق والباتوفرينجي وفنادقه ماعليه كلام.

اقتباس : المشاركة الأصلية كتبت بواسطة troy19

lموضوع رائع جدا وممتع
لكن لدي سؤال ولو هو متاخر
بلنسبة لاستأجار سيارة في لنكاوي شو الشروط المطلوبة
وهل هناك سيارات فاخرة
مع فائق الود

اتوقع رديت عليك وجاك رد اخر.

اقتباس : المشاركة الأصلية كتبت بواسطة الحزن النبيل

الحبيب كازامي...مشتاقون اخي الحبيب... بعد طول غيبة،اليوم أكملت تسجيلي في المنتدي...في أشد الشوق لمتابعة ما فاتني من مواضيع.

هلابك مره مرتين وثلاث واسعدتني هذه العودة

kazami · 17-03-2015, 02:53 AM

بسم الله وهانحن نعود لنكمل ماتبقى من جولات في هذا اليوم.
بعد الهضبة انطلقنا الى االبحيرة وحسب كلام سواق التكسي انها قريبه ومناسبه.. كانت الاجواء ملبده بالغيوم.

طبعا بالطريق مرينا على المعبد الصيني ورفضت الوقوف عنده ولا لثانيه..

ووصلنا البحيرة وكانت ممتعه ورومنسية.واليكم الصور واحكمو..
بحيرة ارتيم.

وبصراحة تمنينا الغداء معنا ولكن فرصة ثانية..
ومباشرة على الشلال وهو اتوقع الشلال الوحيد ببينانغ او انه الاشهر.
وللاسف انهمر المطر بشده وماسرنا نشوف قدامنا ورغم كذا اصريت انزل واشوف الشلال والبسطات اللي على جنبات الطريق.

اتجهت للشلال

طبعا الوضع خطر والارض سارت زلقه وطين والكام غرقت. لكن الكازامية نشمية بالمظلة معاي وعشنا المغامرة ومااجملها من لحظات. وسريعا عدنا للتاكسي.
وقلنا امش وماهي الا دقايق الا ونحن في باتوفرينجي مدري كيف وصل.قبيل العصر مرينا من هناك وكم كنت اتمنى التوقف لكن المطر جعل المنطقة بكاملها خاوية
ولاترى فيها احد..

بعد ماتعدينا الباتورينجي الا وخف المطر لكن الغيوم مخيفة..
مرينا من عند الفلامنقو والجو يبشر بالمطر القادم وقررنا نواصل الى كومتار ونتسوق قليلا هناك. خصوصا ان شرق بينانع ماكو مطر.
ولمحت هالمطعم قريب من فلامنقو وقلنا العششا فيه اذا رجعنا.

وجنب هالمطعم بقالة صغيرة فيها جبنة مراعي سايلة حقتنا وهي الوحيدة للي لقيتها ببنانغ

وصلنا كومتار وسارت الدنيا زحمة

برج كومتار لابد لصعوده من شراء تذكرة قبل ذلك... والمنطقة المحيطة بالبرج كلها اسواق ومطاعم واغلب سكان المكان صينين..
وصلنا

وتلاحظون تحت البرج موقف الباصات. ومقابل محطة الباصات والبرج. موجود مكاتب الباصات ومنها نشتري التذاكر.

طبعا يحيط بالبرج اربع اسواق رئيسية وهي مترابطة ببعض بجسر تقريبا.

صورتين اخر للبرج.

دخلنا اول سوق واصلا ماارتحت للمنطقة.
وبسم الله طلعنا الدرج ومشينا في الممر كم خطوة وبدينا نلمح المحلات وفجاه.
قاطعنا واحد صيني شايب الله يخسه وقال وش نوع الكام اللي معك وهو يشير على الكام اللي على صدري. قلت نعم وش تبي قال عندنا محل تفضلو
خذو نظرة ونحن نسوي لكم تنظيف للكام مجاني..
انا تعلمت في المنتدى ماانخدع بكلمة مجاني فطنشت واصر وقال فري وقالت الكازامية محنا خسرانين شي خلنا نشوف المحل واصلا الكازامية كسرت
الفلتر وتبي تعوضني. دخلنا المحل وسلمتهم الكام ووقف الشايب عند الباب .وبالمحل ولدين اعمارهم حول 18سنة وطبعا صينين. سالتهم عن اللفلتر واعطوني
سعر فلكي وعرفت انهم خايسين وحرامية. والهمني الله اتجه للي ينظف الكام واخذها منه لاني حسيت انه بدا يبعد عني. وفي لمحة بصر وثبت على الطواله
اللي بيننا ومسكت الكام من النص وسحبتها وهم مسكها من الطرف وفلتت منه. وعندها بدت الاصوات ترتفع وقال هات حق التنظيف وقلت انقلع تقول فرري
قال لا هات 100رنقت. طلعت من المحل مباشرة وبدينا مناوشات من بعيد وطبعا اخوي شوي ويضربهم وانا اقول ترى المنطقة صينين خلنا محترمين
ومااسمع الا فكفكه منهم واخوي يرد.
دخلنا السوق وانا كرهت المكان وعلى طول لماك وطلبنا وقلت والله ماعد اجلس مشينا ناكل بالفندق.
وانا نمشي بالسوق صادفنا الولد الصيني وبدا باعلى الصوت امام الخلق يسب واخوي يتلاسن معه وبالقوة سحبت اخوي وكنت والله خايف واقرب تكسي وعلى
الفندق

وهذا غدانا

تغدينا وثم القيت بنظرة من الشرفة

واتجهت الكازامية لغرفة الكوي وهي غرفة بكل دور.. تعرفون الملابس غرقت . وانا قلت بتمدد شوي بس.

ولاصحيت الا 10بالليل وانا مفجوع.
وبغيت ابكي لاني ابي اروح السوق الليلي.وعلى طول قلت للكازامية بروح السوق وانتي انتظري هنا.
واقرب تكسي على الباتوفرينجي.
للاسف مالقينا احد المطر هجج الباعة المتجولين.والدني خاوية واصلا االوقت متاخر .عدت وانا اجر اذيال الخيبة.
واتصلت وقلت للكاازامية انزلي نتعشى ورحنا لزهرة الشام.

اكلهم زين وسعرهم زين. رجعنا للفندق وطلبت منهم ان يسمحو لي بالفطور المبكر لان عندي رحلة الساعة 8صباح.
قالو تم تعال 6.30 ونسقت مع سائق يجي على 7وربع.

ووصعدت للغرفة ولقيت

كم كانت هالاشياء جميلة ورائعه رغم بساطتها. ومااخفيك نسيت ان هاليوم هو ذكرى يوم زواجنا .وبغت تسير حرب. بس تدراكنا الوضع.

بعدها خلدنا للنوم. فغدا لدينا استيقاظ مبكرة.
ونلقاكم في سرد احداث اليوم التالي. ارجو ان اكون وفقت في ايضاح وسرد وتفصيل مايفيد ومايمتع الجميع.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
فنادق كاميرون	شهد	ماليزيا	9	05-06-2015 05:21 PM
فندق ليك هاوس .. في كاميرون هايلاند بعدسة ابو ساره11*	أبوعبدالله (الاسفار )	ماليزيا	4	19-03-2015 08:12 AM
فندق century pines resort في كاميرون هايلاند بعدسة أحمد ياهوو	أبوعبدالله (الاسفار )	ماليزيا	4	19-03-2015 03:26 AM
القيادة في ماليزيا وخصوصا لنكاوي	Ahmedzahran	ماليزيا	11	10-01-2015 03:07 PM