اليوم الخامس


صحينا اليوم الصباح وصلحنا قهوتنا و فطورنا وطلعنا نفطر ع البلكونه



والاجواء اليوم كانت جدا جميلة

بعد ما خلصنا مشينا حوالينا النهر نستكشف المكان





وبعدها ركبنا السيارة و رحنا لتليفريك مكشوف يبعد تقريبا خمسه كيلو او عشره ماني متاكده بس قريب للسكن و قصينا تذكرتين صعود و نزول بخمسين ريال لشخصين




وفيه بالمكان زحليقة صيفيه صغيره بس ما ركبناها تصلح للي معهم اطفال



لما وصلنا فوق كان فيه اكشاك عصيرات وايسكريم وبطاطس ومقهى ومطعم صغير و مطل حلو ..




ثم نزلنا ورجعنا للسكن صلينا الظهر مع العصر

ثم مشينا نستكشف باقي الاماكن لحد سوبرماركت ليدل اخذنا مويه ورجعنا



والمغرب صلحنا لنا عشاء وتعشينا



تقييمي للديره:

Wisla صغيره و كثير فيها اكواخ تاجير وغرف ومن الاعلانات المنتشرة بشوارعها فهمت انها ديرة تزلج و ثلوج بالقمم بالشتاء

حلوه للي بيجي فيها يومين او ثلاثه استرخاء وتامل بالطبيعه والان بالصيف بالنهار حلو جوها وبالليل بارده.. حبيتها مرره صراحة واتمنى اكرر الزيارة مستقبلاً.. بس اللي يحب التجمعات و الحركة والانشطة ما تصلح له لان مافيها سنتر حتى

ومنها ان شاء الله انتهينا وبنطلع بكرا لليبتوفيسكي ميكولاش بسلوفاكيا