اهلا بالتــاكـــو و النـــاتشـــوز والتــورتيلا
طلعنا بعد استلام الجناط من غير تفتيش
ورحنا على محلات الصرافه داخل المطار نحول الدولار و بعدها نحط خط تليفون و ناخذ تاكسي
المفروض ما ناخذ تاكسي و يكون ناطرنا القايد بس لان ما اقدروا كانت في مجموعه قبلنا واصلة ماخذينهم من المطار الثاني ..
اول ما تلطعون على صالة القادمون راح تشوفون محلات الصرافة و اكشاك التكاسي ..
التكاسي المعتدة في المطار هذي اساميهم ولا تتعاملون الا معاهم
هذا الاصفر
YELLOW CAB
وهذا sitio 300
https://www.sitio-300.com/
وفي غيرهم وايد اختاروا اللي تبون و تقريبا نفس الاسعار ..
يعطونكم وصل وتطلعون برا وتشوفون كل شركة و لون تاكسيهم تعطون الورقة ويوصلونكم لي مكانكم طبعا تكونون دافعين داخل وخالصين ..
هذي الصوره المحلات البعيدة فيها صرافة و شركات تأجير السيارات العالمية
صرفنا عند هذا
اسعار الصرف
حطيت خط تلفون انترنت مفتوح مدة شهر
بسعر 200 بيزو
عندهم شركة at&t الامريكية و استخدمتها
هذي قائمة بالشركات و الاسعار
https://www.traveltomtom.net/destina...exico-sim-card 
وطلعنا الى مكان التكاسي
وشعارهم المشهور
النسر - الحيه - و الصبار
راح اقول لكم قصته في اليوم الثاني
احس اني في حلم
وانا في التاكسي بديت اتذكر بعض المسلسلات المكسيكية المدبلجة
منو فينا ما تابع ماريا مرسيدس
او رهينة الماضي (غوادالوبي)
شعور غريب عجيب احس فيه .. واحنا في التاكسي اقول الحين يمكن اشوف اشكال اليخاندرو او الفريدو
والله وقف يمنا تاكسي شكله شكل اليخاندرو الشكل المكسيكي القديم
جان اقول حق رفيجتي شوفي هذا واحد من ربع اليخاندرو ولايطلع اسمه اليخاندرو
وااااي اقول حق رفيجتي احس صج احنا في مسلسل مكسيكي ..
الولايات المتحدة المكسيكية
وتعرف باسم المكسيك (بالإسبانية: México) هي جمهورية دستورية فيدرالية في أمريكا الشمالية. يحدها من الشمال الولايات المتحدة ومن الجنوب والغرب المحيط الهادئ ومن الجنوب الشرقي كل من غواتيمالا وبليز والبحر الكاريبي ومن الشرق خليج المكسيك.
تفوق مساحتها تقريبًا المليوني كيلومتر مربع، وتعد خامس أكبر بلد في الأمريكتين من حيث المساحة الكلية والثالثة عشر من بين الدول المستقلة في العالم.
يقدر عدد سكانها بأكثر من 112 مليون نسمة مما يجعلها ال 11 من حيث السكان عالميًا والأكثر اكتظاظًا بالسكان في البلدان الناطقة بالإسبانية.
المكسيك عبارة عن اتحاد يضم 31 ولاية ومقاطعة فدرالية وحيدة هي المدينة العاصمة.
افضل اشهر لزيارة المكسيك
شهر يناير و فبراير الجو يكون حلو
ما عندهم برد ..
وصلنا فندقنا بالسلامة
وهذا الموقع الالكتروني للفندق
https://www.sevillapalace.com.mx/
اسمه سفيلا بالاس
اللوبي و الاستقبال
مكان الريوق
الى الغرفة
الفندق 4 نجوم
مستواه جيدجدا
في فنادق عالمية 5 نجوم
الحمام عزكم الله
هدية الشركة
قبعه - قلادة - شال حياكة يدوية ..
ملخص الرحلة
عملتهم
1069الاعجاب
27-06-2019, 05:23 PM
العرض الشجري
المواضيع المتشابهه 
