بسم الله الرحمن الرحيم

‏

‏اليوم الثالث والثلاثون 16 يوليو

اصبحنا واصبح الملك لله لا اله الا الله محمد رسول الله

‏الاماكن المراد زيارتها :

‏ السباحة

‏ المغادرة للمطار

‏

صحينا الساعة 7 جهزنا نفسنا ونزلنا افطرنا وبعدها قلت للبزورة خلاص اليوم نرجع السعودية فرحوا بس عندهم طلب اخير يبغوا يسبحوا قلت عادي مافي مشكلة بس السباحة ساعتين قالوا طيب قعدت معهم وابو حسن راح يجيب كم غرض



‏

طلعتا الشقة الساعة 11 حطيت الملابس بالنشافة ولبست البزورة واخذوا لهم غفوة جاء ابوهم 12 واحنا جاهزين صلينا واكلنا من الخفايف تصبيرة المتبقية من الليل وقفلنا الشنط وعملنا تشيك اوت وطلبنا اوبر وعلى المطار

‏

وصلنا المطار وغلفنا الشنط واتجهنا لكاونتر الخطوط كانت الساعة 3 ولسه مافتحوا والبزورة جوعانين قررنا نروح ناكل ونرجع طلبنا من ماك واكلنا وجينا وقدامنا طابور ايش طوله المهم جاء دورنا عندنا 5 شنط كلها حجم وسط في شنطة واحدة وزنها 31 قالوا ماتدخل لازم تعيد تفتحها وتفضي بصندوق او تشتري شنطة جديدة وتفرغ فيها رحت كلمت موظف الخطوط انه انا جاي من السعودية بشنطتين وزن 31 وشنطة وزن 26 قال ممكن يسمحوا بمطاركم هنا سياسة المطار ماتسمح مو سياسة الخطوط الناقله المهم دفعت 200 رنجت او 260 ناسي والله ساعتها مشوا الشنطة

‏

وصلنا عند البوابة وقاعدين ننتظر ولااحد جاء المفروض الاقلاع الساعة 7 واتاخرنا قرابه ساعة او ساعة ونص ناسية والله قررت ساعتها اعطي عيالي مسكن لان كلهم يقولوا فيهم نوم وتعبانين قلت عشان يناموا بالمرة بعدها اقلعنا واول مره احس بالطيران وجاني توتر وصداع مره تعبت اسوا رحلة رحلة العودة فعلا تعبت وطول الرحلة مصدعه ووصلنا جدة ولله الحمد الساعة 1 مساء ركبنا تاكسي وعلى البيت حطينا الاغراض وطيران عند اهلي اخذت بنتي ورجعنا بيتنا ولله الحمد انتهت رحلتنا الطويله نسبيا

‏

‏تقيمي للخطوط السعودية
20/19
في تقدم وجميله يكفي ان الطيارات فيها مصلي او يهتموا بدقه المواعيد فقط او اقل شي يبلغونا

‏

‏مصاريف اليوم الثلاثون
‏
جراب من والى الفندق = 20 رنجت
اوبر للمطار = 200 رنجت
تغليف الشنط = 120 رنجت
غداء ماك = 80 رنجت
تاكسي من جدة لمكة = 200 ريال
المجموع = 420 رنجت + 200 ريال


‏

‏في حفظ الرحمن

ابو حسن و ام حسن