السلام عليكم ورحمة الله وبركاته

احبابي واخواني اهل الكويت ان شاء الله اسبوع بزور دولتكم الحبيبه

ولمدة 4 ايام تقريبا .

احنا 5 اشخاص انا وزوجتي و3 عيالي

افضل مكان للسكن ويكون قريب من المولات وياليت يكون مول كبير واجد يغني عن غيره

عشان نخلي الايام الباقيه اماكن ثانيه نشوفها عندكم وتختارونها لي ولا تنسون المطاعم

الطيبه عندكم


طبعا زيارتي لها 22 سبتمبر بعد اسبوع تقرييا

شاكر ومقدر جهودكم مقدما

تنورون الكويت والبيت بيتكم
السكن انا اختار لك السالمية

اكبر مول الافنيوز بس مافيه فندق او بالاصح للحين ما انتهى بنائهم


الافنيوز مول كل شي فيه للعايله ومطاعم كثيرة


مطاعم الكويت وايد اجنبيه وعربيه وكويتيه

اذا تبي كويتيه
طبعا مطعم فريج صويلح
مطعم درب الزلق هذيل الاثنين بالمباركيه

وفي فريج صويلح بالسالميه


بالافنيوز مطعم زوارة
وكافيه بزه
وحليب وهيل
ماما نورة اعتقد

مطاعم ثانيه تلاقي هني بالبوابه وايد مطاعم احنا سوينا عنها تقارير تابعها
وحياكم الله

حياك الله بين اهلك وناسك

مثل ما قالت ام حسين ، الافنيوز يغنيك عن كل المولات وفيه كل انواع المطاعم

حياكم الله في ديرتكم

اماكن يجب زيارتها :

- متحف بيت العثمان
- مركز عبدالله السالم الثقافي
- المباركية
- الابراج ( تشوفون الكويت من فوق ) وفيها مطعم إذا ناوين تأكلون في البرج
- حديقة الشهيد المرحلتين
- دار الأوبرا وفيها مطاعم ممتازه والنافورة الحلو
ارشح مطعم كوكو رووم لكل الأوقات بس زحمه عليه المطعم ودور
- تأجير طراد عند مطعم مركز سلطان على البحر ويتمشى فيكم
- المقاهي الشعبيه مثل مقهى الشميمري في شرق و مقهى السالمية على البحر قريب مارينا

- مجمع ميادين للرماية في منطقه صبحان بنفس منطقه مروج

- مجمع الكوت وايد حلو لو تروحون الصبح وفي قعده عالنافوره

المطاعم :

- كوكو روم

- هبره ( موجود في المباركية والافنيوز )

- لنش روم ريووق لذيذ وكل الأوقات بس الريوق الذ lunch room

- سلايدر ستيشن

- ترباني إيطالي ( في مروج عباره عن مطاعم والعاب)

حاليا هذول اللي في بالي

السكن الأفضل في السالمية

او ريزدنس ماريوت شرق يمكم سوق شرق ومقهى الشميميري

وحياكم الله



Sent from my iPhone using Tapatalk

وقت حضوركم راح يصادفكم هذا السيرك


حلو تحضرون له في اليوم اللي تكونون فيه بمركز الشيخ جابر الثقافي ( دار الاوبرا )
اليوم اللي بتروحون فيه دار الاوبرا روحوا مبجر مثلا اذا العرض يبدي 8 روحوا قبلها بجم ساعه تمشون عند النافوره واكلوا في احد المطاعم وبعدين دخلوا العرض

موقع الحجز


https://www.jacc-kw.com/whats-on/

اقتباس :  المشاركة الأصلية كتبت بواسطة q8ya metnaqla اول الفعاليات الموسم الثقافي في دار الأوبرا لموسم 2019/2020 Sent from my iPhone using Tapatalk

مرحبا أخوي وحياك الله في دولة الكويت بالنسبة للمطاعم حدث ولاحرج وخاصة المطاعم الكويتية فيها لذاذه مش طبيعية وبذكر لك المطاعم اللي انا جربتها

فريج صويلح - الستينات - السبعينات - بيت ديكسون- بزه - الفوز كيتشين - كاشونه البيت - نماستي ( هندي) المطاعم التي ذكرتها كويتية ماعدا مطعم نماستي