أدنبرة عروس الشمال

الايمان · 20-01-2020, 11:03 AM

اقتباس : المشاركة الأصلية كتبت بواسطة namareq

يا زييييين تقريرج ايمان

شوقتيني على ادنبره ووندرمير ورديت اشوف البوم الصور

احنا كنا هناك عقبكم شهر اغسطس ودرجة الحرارة 19 بادنبره و14 بوندرمير

بالنسبه لي ادنبره احلى من جلاسكو ورحت لها مرتين وهالمره رحنا مكان جديد اسمه

Water of leith walk away

مكان وايد حلو للتمشي بالطبيعه بعيد عن صخب المدينه وزحمتها

النهر كان لونه غريب اليهال سموه نهر البيبسي عشان لونه

وهالمره طلعاتنا كلها كانت مشي من الصبح لي المغرب عاااادي

حتى يخت بريتانيا اللي وصيتينا نروحه رحناله مشي

بالنسبه لابرار اعتقد سبب شعورج الزحمه والمناظر اللي زايده من جماعتنا وتهولهم بلندن بالفتره الاخيره واللي تسبب بكثرة الاعتداءات والسرقات

بدعو البنات والشباب كشخه زياده عن اللزوم اوووووفر تسريحات ومكياج وطبقات الماركات والتصرفات الغير لائقة وخصوصا في هارودز وما حوله وخصوصا بالليل يزيدون ، بالنهار نايمين ومريحينا من هالمناظر شي يضيق الخلق

احنا بالنسبة لنا السفر له معنى ارقى من جذي بوايد

هذا اللي يمز شمال بريطانيا الجو البارد مانلاقيه الا فيها حتى أوروبا تكون حاره بهذا الوقت

Water of leith walk away
ليش ماقلتيلي عنه حسافه مارحت له

يازين المشي هناك يونس ومانحس بالتعب تصدقين وانا انزل صور التقرير اشتقت لادنبره عجبتني وايد اكثر من غلاسكو

للأسف ربعنا فاهمين معنى السفر غلط صار السفر كشخه ولبس ودواوين وهذا كله تقليد للفاشينستات للأسف وهذا سبب رئيسي للسرقات اللى صارت

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلة خفايف إلى عروس المصائف	نـــواف	بوابة السعودية	82	13-05-2024 09:16 PM
شرم الشيخ....عروس الشمال	أبـو عـمـر	بوابة مصر	16	10-10-2021 05:16 AM
رحلتي الجميلة الى عروس البحر الابيض	glidoes	بوابة مصر	71	28-09-2018 08:57 PM
لخبراء إسكتلندا.....جلاسكو او أدنبرة؟	طائر الليل الحزين	بوابة بريطانيا	4	09-04-2017 07:42 AM
من منتصف مارس لمطلع أبريل بين عروس الشمال وحدائق النخيل	الشيخ	بوابة المغرب	44	20-07-2016 07:26 AM