ابــريــل 2019 ميامي - اورلاندو - لاس فيغاس - سان دييغو - بورتلاند - سيياتل

ali pontiac · 29-03-2020, 12:12 PM

Seattle
اليوم الثاني

الفندق الي حجزته في سيياتل Motif Seattle من بوكنق فندق ممتاز وموقعه ممتاز
لكن الغرفه كانت صغيره، كنت في سيياتل بحجز شقه من AIRBNB لأنه اسعار الفنادق كانت مرتفعه واايد، في آخر لحظه وبالصدفه شفت هذي الفندق نزل سعره وحجزته بسعر 286.5 دينار لأربع ليالي

https://www.booking.com/hotel/us/mot...tle.en-gb.html

وعلى طوول من بداية اليوم الأول كان عندنا توور الى Mount Rainier National Park ولحسن الحظ اننا حصلنا حجز في هالتاريخ لأنه شهر ابريل يكون فوق الجبل ثلووج وكل الطرق مسكره، التور حجزته من موقع Viator بسعر 108 دينار لشخصين

ومن الصباح الباكر نزلنا تحت عند الفندق والجو في سيياتل باااااارد وعجيب
وصل الباص و وانطلقنا في الرحله ومعانا تقريبا 12 شخص واخليكم مع الصور

وكل ما اترفعنا فوق الجبل الجو غير 180 درجه وكان فيه ثلج وفوق قمة الجبل كانت تتشكل عاصفه ثلجيه

مازال هناك بعض الطرق مسكره من الثلوج فوق الجبل افضل وقت لزيارة Mount Rainier من منتصف شهر مايو الى بداية شهر سبتمبر

في الرحله وقفنا في استراحات لدخول دورة المياه عزكم الله وشوي سناك خفيف وهذي المرشد وباين عليه خبره في الرحلات والكشتات

وهذي لقطة من درب الرجوع، وقفنا في سوبر ماركت خارج سيياتل وقال لنا المرشد الي يبي يشتري شي عندكم 10 دقايق الأسعار وايد ارخص من الداون تاون

[I[/IMG]

و بعد رحله شيقة واستمتعنا فيها وانصح فيها بصراحه، رجعنا للفندق وصلينا و طلعنا نكتشف الداون تاون

اشهر مكان في سيياتل سوق المزارعين او مثل ما يسمونه Pike Place

http://pikeplacemarket.org/

واول محل قهوة ستاربكس في العالم ودائما زحمه عليه فتح في عام 1971

لازم ادش و اشوف مع اني مب من محبين قهوة ستاربكس Caribou بالنسبة لي قهوتهم افضل، جربت كل انواع حبوب قهوة ستاربكس مايابو راسي وجربتهم على طريقة French press و Auto drip

اشهر دواعيس سيياتل
وعلى الجدران ملصقين علك

المكان في النهار احلى وفيه وايد ممرات تطلعكم على مطاعم ومحلات

محل اسبريسو له سمعته في المنطقة

شوفو العلك/ العلووج

و تعشينا في مطعم بحري واخذت طبق روبيان

وهذي الـ Harbour Steps وكنت بحجز شقة من Airbnb في هالمنطقة

نهاية اليوم

يتبع

بن قوت, قطرية كول, توبليرون و 1 آخرون معجبون بهذا.

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي الى امريكا ” لوس انجلوس ، سان فرانسيسكو ، لاس فيغاس ، سان دييغو ،	بن قوت	بوابة امريكا	872	18-04-2023 04:26 PM
الولايات المتحده ٢٠١٩ (نيويورك- اورلاندو - ميامي - البهامز - لاس فيغاس - لوس انجلوس)	ek201	بوابة امريكا	66	16-04-2022 03:59 PM
اورلاندو ميامي 15 يوم في يناير هل هي مناسبة	ابو راشد 2010	بوابة امريكا	3	23-09-2019 05:20 AM
ديزني لاند اورلاندو + يونيفيرسال استديو اورلاندو	abo.battal	بوابة امريكا	4	23-09-2019 05:14 AM
الذهاب الى سان دييغو ولاس فيغاس !	اريج منصور	بوابة امريكا	3	31-07-2016 09:47 AM