‏‏‏اٍُلسّلاٍْمّےُ؏ـلٍّيكْمٍےُوًٍرّבـمْـٍُۃُ اللّـه وًبٍرّكًاٍتُـٍّـه

كيف حالكم يا رب تكونون بالف خير

انا طبعا كنت متابعه دائمه للمنتدى كضيف وكنت مستمتعه بتقارير الزملاء الله يعطيكم العافية

لكن حبيت انزل اول موضوع لان فعلا بحاجه لخبراء لندن ، انا إِنْ شٰاءَاللهْ قريبا بسافر لندن انا والوالده الله يشافيها

في مستشفى رويال مارسدن للسرطان الله يكافيكم الشر

وبما اني اول مره انزل هالديره حابه اعرف الشقق اللي اسعارها مناسبه وقريبه من هالمستشفى

كذلك بالنسبة للسياره افضل تاكسي ولا باص ولا ميترو ولا ااجر سياره تحمولني شوي ابي اعرف تفاصيل اكثر

واذا تعرفون مكاتب لتاجير الشقق وياليت يكون ساكنين فيها عرب من الاساس ونظيفه ولا تضحكون علي بحكم دول اوروبا

خصوصا دول الاجانب عزكم الله حماماتهم ما فيها شطافات اشلون ما يتواجد اي شقق فيها

شاكرتلكم واتمنى ردكم على استفساراتي بدوخكم شوي لكن انا ادري كلكم خبر وبركه واللي بيعرف ماراح يقصر بالرد

يعطيك العافيه اخوي سام ويكفي دعاءك ربي يباركلك

الله يشافي الوالدة
ويفرحكم برجعتها بالسلامة
ويكتب لك الاجر



اذا وضع الوالدة الصحي يسمح لها بالمشي وتتحمل المواصلات العامة ممتاز
اذا صعب عليها اشوف ان تستأجرون سيارة مع سواق او تكاسي وهذا بيكون مكلف جداً الله يعينكم



الشقق لمدة طويلة للاسف مااعرف والسماسرة غير مضمونين بالمرة

وبعض الفنادق فيها شطاف لكن قليلة وغير كذا نسبة تدفق الماء مو تمام


الله يبلغكم بشفاء الوالدة عاجلاً غير اجل

الافضل اخذي تذكره اسبوعية للمترو والباص اضمن واسهل

الشقق ما اعرف بس اغلب شققهم بدون شطاف

الله يشافي الوالده ويردها لبيتها سالمة غانمه

أجر وعافية ..الله يشافي الوالدة وتسافرون وترجعون بالسلامة

وعليكم السلام

الله يشافي الوالده و يلبسها ثوب الصحه والعافيه .

افضل منطقتين للسكن وقرب المستشفى منطقة تشيلسي وساوث كنسغتون ..

ان شاءالله اليوم اعطيج رقم شقه مأجرينها من قبل وقريبه على المستفشى ..

بس انصحج في الاول تقعدون مدة 10 ايام في فندق على بعد ما تشوفون على راحتكم .. يمكن اللي اعطيكم اياها ما تعجبكم فالاضمن اول اسبوع في فندق..

الله يحييك بيننا
وان شاء الله تفرحون بعودة الوالدة سالمة من كل شر

استئجار سيارة مكلف بسبب غلاء أجرة المواقف
التكاسي أسعارها غالية واستخدامها يكون للضرورة
أما سيارة بسائق هذي الاكثر كلفة لذا ابعدوا عنها
وأفضل خيار شراء كرت اويستر وشحنه حسب الحاجة
واستخدام الباصات والاندرقراوند
للضرورة ممكن استخدام تطبيق اوبر + GETT للتكاسي

ممكن تشتروا شطاف السفر من ساكو عندهم أكثر من نوع
لأنه غالباً غير متوفر بالشقق

الافضل تستأجروا فندق لمدة أسبوع حول المستشفى
وتشوفوا الشقق بأنفسكم لأنه كثير منها غير مطابق للصور
أرشح تحجزوا هذي الشقق لمدة أسبوع حول 7 دقايق مشي للمستشفى

Chelsea Cloisters

https://www.booking.com/hotel/gb/new...s=1&#hotelTmpl

الله يوفقكم في رحلتكم
وطمنينا على الوالدة بل سلمي لنا عليها
وقولي لها الكل بالمنتدى يدعي لك بالشفاء في ظهر الغيب

ماتشوف شر الوالدة والله يمن عليها بالصحه والعافيه

لي رجعة للموضوع باذن الله