هلا ومرحبا أخوي AL Tunaiji
إن نعم برنامج عائلي بحت 😄

فكرت في هالشيء ولكن شسوي هانوفر عجبتني وايد حق الأطفال .. علشان جذي خليتها في البرنامج ..

هل يوجد منطقة ثانية غير هانوفر فيها ألعاب وملاهي وحديقة حيوانات وبرامج للأطفال وقريبة من النمسا وسويسرا ؟؟

إذا موجود راح ألغي هانوفر وأخليها لرحلة ثانية .. وأخلي رحلتي فقط في النمسا وسويسرا والجنوب الألماني ..

بخصوص الانتقال من مدينة إلى أخرى أنا كنت مخطط أنه أخليه يوم للانتقال من مكان إلى آخر بدون إضافة أي برنامج أو أي زيارة لمكان معين .. إلا إذا بعد الراحة في الفندق أخذ جولة في المنطقة للتعرف عليها ..

وبخصوص المدن زيلامسي وانترلاكن المشكلة انا ما اعرف شنو الوضع هناك وخايف وايد من كثر ما اقرى في المنتديات عن الزحمة في شهري يوليو وأغسطس وأنها لا تطاق وأنا كلش ما أحب الزحمة والفوضى ..

وترى يا أخوي أنا خبرتي في أوروبا صفر .. وما أعرف كيف أرتب المدن والقرى وأختارها .. وبعض الأصدقاء نصحوني الابتعاد عن زيلامسي والسكن في القرى الاخرى مثل ما تفضلت واخترت لي إقليم تيرول .. والبعض نصحني بالابعاد عن انترلاكن واختيار قرى اخوى بسبب الازدحام وغلاء الفنادق والمعيشة ..

وإذا عندك خبرة في أوروبا .. أنصحني في جدول فيه القرى والمدن اللي أقدر استمتع فيها مع عيالي .. وطبعاً انه وايد مهتم بالأرياف واحبها وفي نفس الوقت أبي عيالي يستانسون ويستمتعون بالرحلة من ناحية الألعاب والملاهي وغيرها .. ورشح لي فنادق سكنتها وتنصحني أسكن فيها ..


وأسمحلي على الإطالة ..
وأشكرك على النصائح والمعلومات والمساعدة 😊
وجزاك الله خير