ما شاء الله جدول مرتب وممتاز

اقترح اليوم الأول الذهاب إلى بحيرة ازنيك في الطريق إلى بورصة
https://g.page/iskeleyasam?share

الفطور فيها ثم الذهاب للفندق ادخل الفندق رتب امورك ثم اذا فيك طاقة تروح مشوار روح لميسي كوي أو القرية العثمانية واتوقع القرية العثمانية أجمل وفي الطريق إلى شلال سعيدابات تدخل احد المزارع تقطف من الفواكة وتستمتع ثم ترجع لبورصة. وأيضا عندك مكان جميل فيه ركوب خيول وجلسات حلوة https://g.page/tabiatbinicilik?share


اليوم الثاني حديقة الحيوان جميلة والحديقة الي جنبها حليوه يعني مافيها شي مميز بزيادة بس مطعم الاسكندر الي فيها عجيب وسباق السيارات والخيول زرته ايضا كان عادي ممكن بعد حديقة الحيوان تروح العاب ستاربارك وبوديوم بارك جنبه على طول ساحات مطاعم وممشى حلو.

اليوم الثالث اقترح تروح اكستريم بارك قبل الجبل استمتع قبل الزحمة ويمدحون الفطور في المطعم الي هناك او تروح لمطعم سير وصفا اطلالته حلوة على المدينة من اعلى الجبل https://g.page/seyrusefabursa?share ثم اكستريم بارك ثم لمحطة التلفريك وتصعد لجبل الاولوداغ.

اليوم الرابع اشوف ان منطقة معشوقية تغنيك عنها وأجمل منها
تزور فيها مطعم سوبلي او نتركوي اطلالات جميلة على شلال وبعض الفعاليات
https://goo.gl/maps/pMhiEiP1KDD9qVYM7
وتقدر تطلع لها من بورصة و تضيف معاها بحيرة صبنجه ثم ترجع لفندقك في اسطنبول

ولو بتبات فيها ليلة أفضل عشان وانت راجع لاسطنبول تروح فيابورت مارينا الصراحة المكان جميل جداً

اما اسطنبول يفيدونك باقي الاعضاء انا مالي فيها

وبخصوص ارجاع السيارة صار لي نفس موضوعك وكنت متردد ارجع الاهل الفندق ثم اروح بنفسي للمطار ارجع السيارة وارجع لهم بتكسي، أو نروح كلنا للمطار ثم نروح كلنا في التكسي أو مع السايق الخاص إلى الفندق.

والصراحة في الحالتين الموضوع متعب ومقلق، ويوم وصلت عند المطار تأخر علي السايق وشفت الشوارع فاضية ودخلت لاسطنبول بالسيارة وشفت ان الموضوع ابسط مما توقعت وندمت اني مامددت حجز السيارة وسقت بنفسي في اسطنبول.

ثم كلمت الشركة اني بافوض السايق ان يرجع السيارة للمطار وقالوا مب مشكلة وخليته يرجعها وانا جلست في الفندق.

اعتقد الازدحام اكثره على الجسور و صوب تقسيم والسلطان احمد، خاصة أوقات الخروج من الدوامات من الساعة 5 إلى 7. ثم باقي الأماكن والاوقات الامور طيبة لو حصل ورحت مرة ثانية باسوق بنفسي داخل اسطنبول.

واعتقد اذا تبي الشركة تستلم منك السيارة من الفندق لازم تتصل عليهم بعد الحجز مباشرة وتتفق معاهم أو اذا وصلت للمكتب في المطار تسألهم وتوقع ان يقولون لك لا لازم ترجعها بنفسك, واذا وافقوا اعتقد بيكون في رسوم يمكن 200 ليرة او حولها.

اخر شي طولت عليك عليك بتحميل تطبيق عشقي بورصة فيه جداول حلوة لبورصة واسطنبول وعروض خصم على بعض المطاعم المميزة وارشادات تفيد مثل مواقيت الصلاة واقرب خدمات لك مستشفى وصيدلية وكل حاجة.

ووتر كاردن مول جميل جدا بس مشكلته البعد
بالباص من كاديكوي الى المول 50 دقيقة أو ممكن اضافته مع تل العرائس عن طريق التكسي .

رحلة سعيدة اتمناها لك
حاول تجمع أكبر قدر ممكن من المعلومات لغاية موعد السفر