02-05-2020, 01:57 PM
|
#1 |
مسافر جديد
تاريخ التسجيل : May 2019 رقم العضوية : 24033 الجنس : ذكر المشاركات : 1
| 
السلام عليكم ورحمة الله وبركاته
شهركم مبارك وكل عام وانتم بخير ،، وأسال الله ان يرفع عن الأمة البلاء والوباء ويمتعنا بالصحة والسلامة
ترددت كثير اني انزل تقرير رحلتي الأخيرة الى شرق أمريكا ولكن بحكم اني اغلب الوقت في البيت وكان لازم ارد بعض الجميل للمنتدى اللي استفدت منه كثير في كل رحلاتي السابقة فأتمنى ان التقرير ( الخفيف ) ينال بعض رضاكم.
المسافرين: انا وزوجتي وولدي بدر ( 6 سنوات )
اختياري للشرق الأمريكي كان لسببين:
أولا/ إن الأجواء الطف من الغرب بحكم انه اغلب الأوقات مطر
ثانيا/ انا سافرت لوس انجلوس في 2011 وجلست 5 شهور في معهد لغة فقلت لازم اغير واشوف ولايات ثانية ونجربه جديدة.
تاريخ الرحلة:
28 يوليو الى 14 أغسطس 2019
طبعا السفرية كانت سريعة وخفيفة ومفاجاة والهدف منها تغيير جو قبل الدوام
الطيران:
الخطوط السعودية
طيران الإتحاد ( أول واخر مره ان شاء الله )
دلتا
سير الرحلة:
جيزان - جدة - أبوظبي - نيويورك
نيويورك - أورلاندو
ميامي - نيويورك
نيويورك - أبوظبي - جدة - جيزان
طبعا لانها رحلة سريعة وتنقلاتها كثير فاكيد بتكون متعبة ولكن الحمد لله ماحسينا باي تعب.
للأسف التقرير مافيه صور كثير لاني مااحب التصوير والصور كلها خاصة فاعذروني
وبسم الله اقلعنا لنيويورك بعد انتظار 6 ساعات في مطار أبوظبي
وللأسف وجبات طيران الاتحاد سيئة جدا ( الحمد لله على النعمة )
وصلنا مطار نيويورك بعد رحلة طويلة والمطار زحممممة وللأسف هنا الصدمة
الشنط ماوصلت 
طبعا اتجهنا لمكتب العفش سجلنا بياناتنا وبيانات الفندق وقالو ان شاء توصلكم بكره
وانطلفنا بتاكسي لفندقنا في تايمز سكوير ( سوفيتل نيويورك )
صراحة الفندق حلو وموقعة حلو والموظفين متعاونين
وكان مطر واجواء روعة
#1.jpg
طبعا ريحنا دقايق ونزلنا اكلنا في مطعم شيبوتلي ( يعجبني من أيام لوس أنجلوس )
واكيد اول مشوار في نيويورك للأسف كان للتسوق احتياط في حال اذا الشنط ماوصلت 
دخل علينا الليل واحنا تعبانين جدا من الرحله والتسوق ورجعنا الفندق
#2.jpg
وثاني يوم صحينا على امل ان الشنط وصلت ولكن زي ماتوقعت
وطبعا راسلتهم ايميلات وتويتر واتصال وقالو بكره قلنا خير
الحمد لله اننا عاملين حسابنا وتسوقنا اول يوم.
المهم افطرنا ماادري وين ههههه صراحه نسيت والله
وطلعنا تمثال الحرية حجزت التذاكر اونلاين وكان يوم ممطر ومن احلى الأيام
تمثال الحرية.jpg
#3.jpg
واخذنا حوله سياحية بالباص
وبعدها رجعنا التايمز سكوير وكمان للأسف تسوقنا للاحتياط
وتعشينا في مطعم الرحلة ( ماك ) وجلسنا في براينت بارك وحلينا بوافل ورجعنا الفندق.
وثالث يوم لا جديد الشنط ماوصلت وطبعا ايميلات وتويتر ومافي فايدة
المهم وطلعنا فطرنا ماادري وين برضو ههههه وانطلقنا على سنترال بارك واخذنا جوله كاملة فيها وكان يوم حار جدا وانا بصراحه كنت متنرفز يومها من طيران الاتحاد ( مالي نفس اصور شي ) وبعدها كان لازم ناخذ صورة مع فندق بلازا ونسترجع ذكريات هوم الون والطفولة 
#4.jpg
وبعدها تغدينا في مطعم إيطالي في التايمز سكوير Olive Garden لذييييذ
وكالعادة تسوقنا ورجعنا الفندق نريح عشان بنحضر عرض The Lion King
عرض إبداااااااااع حاجه خيال صراحه ويستاهل قيمة التذكرة الشي الوحيد اللي كنت ابغى اصوره وكان ممنوع
#5.jpg
وبعدها حلينا في براينت بارك ورجعنا الفندق
وان شاء الله الجزء الجاي بيكون لاخر أيام نيورك واورلاندو |
|  |
26الاعجاب
العرض الشجري
المواضيع المتشابهه 
