رحلتى الى الجميلة المظلومة أمستردام 2019

heshow · 27-09-2020, 11:50 PM

اليوم السادس في الرحلة - الرابع في أمستردام
يوم الملك - حديقة كيوكينهوف

يوم 27 ابريل يصادف احتفال رسمي عند الهولنديين بعيد ميلاد الملك و اللي فعليا البلد بالكامل بتتحول للون البرتقالي واحتفالات من أول اليوم لأخره

صحيت الصبح على صوت دوشه غير معهوده في الشارع الهادي اللي فيه الفندق، فتحت البلكونة اشوف فيه ايه و إذ بميدان العتبة بزحمته ببياعينه اتنقل بقدرة قادر الى هولندا ، اللي عرفته أن اليوم ده كل اللي عنده حاجه قديمة وعايز يتخلص منها بينزل يفرش عليها في الشارع ويبيعها.

انا كنت فاكر أن الشارع ده بس اللي كده لكن اكتشفت أن امستردام كلها تحولت لسوق شعبي وكله بيبع ، والبيع هنا مش للأغراض والأثاث بس ... لا فيه كمان أكل وشرب وكل حاجه بتتباع في الشارع.

طبعا كل الناس لابسين تيشرتات لونها برتقالي غير القبعات الهولنديه البرتقالية والأعلام والقنوات المائية كلها مراكب مليانه ناس بيحتفلو ومبسوطين.

والشوارع بتلف فيها فرق موسيقية والناس ماشيين وارها وبحتفلو والميادين المهمة فيها استيج ثابت للاحتفالات.

قررنا اننا نطلع بره امستردام فترة من الصبح للعصر ونرجع نشوف الجو هيكون مناسب لينا ولا أيه.

حديقة كيوكينهوف بتفتح شهرين أو 3 شهور فى السنه ومطله على حقول التوليب الشهيرة في أمستردام طبعا فرصه لا تعوض لزيارتها ، فكرنا أن كل الناس هتكون مشغولة في الاحتفال بعيد الملك والحديقة هتكون فاضية بس غالبا كان فيه إجماع على نفس الفكرة من كل الناس.

استخدمنا الموقع الرسمي للحديقة واللي بيوفر المواصلات العامة والدخول للحديقة ب 30 يورو للفرد

رابط الموقع

والتذكرة لما بتتبعتلك على الإيميل بيكون فيها ارقام الباصات اللي ممكن تركبها من مناطق مختلفة للوصول للحديقة

الجو كان جميل جدا وكان فيه مطر متقطع ضاف جمال فوق الجمال اللي موجود

نعيش شويه مع صور الحديقة

الورد جميل جدا والتوليب سبحان من خلقه

توبليرون, q8ya metnaqla, فارس من خيال و 1 آخرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي الي اندونسيا الجميلة	بن قوت	بوابة اندونيسيا	342	28-07-2024 03:25 PM
اوروبا الشرق سنغافورة الجميلة mar 2019	AbdulazizMohammed	بوابة سنغافوره	35	13-06-2024 09:17 AM
رحلتي إلى تركيا الجميلة	بن قوت	بوابة تركيا	34	08-05-2020 10:57 PM
رحلتي الى باريس الجميلة 2017 مجموعة صور	طلال الفدعاني	بوابة فرنسا	20	19-05-2019 03:36 AM
رحلتي الجميلة الى عروس البحر الابيض	glidoes	بوابة مصر	71	28-09-2018 08:57 PM