ماشاء الله على هالرحلة يابوغسان
الشمال الغربي شواطئ نظيفة وحلوة لكن للاسف مافيه مرافق سياحية تواكب جمال الشواطئ لذلك الواحد يلغي فكرة السفر لهالاماكن .
منطقة الجوف جميلة وفيها اماكن تراثية مميزة وتستحق الزيارة ..
المره الجايه تجون الرياض + سدير + القصيم

شاكر لك جهودك وتغطياتك الحلوة

جميلة الجوف وما توقعت كل هذا فيها ... التخييم في البر في الشتاء له جو مختلف هناك . عندنا في الرياض لو تطلع 50 كيلو وتخيم في ليلة ما فيها إلا طرف هلال يبقى الليل ما فيه عتمه قوية أما التخييم في أماكن بعيده عن المدن الكبيرة بتلاحظ جمال السماء بسبب شدة الظلام ووضوح النجوم .

ما أدري هذي ملاحظة شخصية ممكن أكون صح وممكن يتهيأ لي ... وأيضاً من التهيئات اللي تحصل لي أن اليوم في القرى الصغيرة 30 ساعة أو اكثر تحس بالوقت يمر عليك ببطء عكس المدن الكبيرة الوقت يعدي بسرعة .... يازين حياة القرى وياقرف المدن .

رحلة سعيدة يابو غسان .....

(7)

حـائل

تراودنا زيارة حائل من سنين طويلة
مسكنا الخط باتجاهها قرابة 500 كلم بدون أي محطة بنزين
بس الحمد لله تعودنا نعبي فل قبل أي تنقل بين المدن

تنتشر المزارع الضخمة على الطريق
لكن واجهنا سيل من الجراد قرب حائل
وصلنا بالسلامة وكنا قد اخترنا بلقيس للوحدات السكنية
على شارع الأمير عبدالمحسن من قوقل مابز
السعر 380 ريال غرفتين وصالة

التقييم :

هلا بك اخوي آخر فرصة

منعطف جديد نحو وجهة جميلة
زرتها قبل كورونا وللأسف ما وثّقتها بالمنتدى
مدري وش جاني على غير العادة اكتفيت بالسناب

بإذن الله تقريرك بيعوّض تقصيري
ونشوفها بأجمل حُلّة بتوثيقك المميز والرائع