12-08-2021, 02:07 PM
|
#9 |
مسافر متميز
تاريخ التسجيل : Jan 2020 رقم العضوية : 40973 الجنس : ذكر المشاركات : 150 | |
هل هذه الظاهره في مجمع كوتا بونقا فقط
ولا في منطقة بونشاك بالكامل ؟ | | بعطيك تجربتي في بونشاك وهذا الكلام كان في اغسطس 2018 ، كنت انا وصديقي حاجزين يومين في فندق Le Eminence Puncak Hotel Convention & Resort وكان سابقا بإسم ساهيد sahid . وقتها حسب اتفاقي انا وهو انه فيلا كبيرة علينا ويبيلها عدد شباب اذا نبي اجواء كشتة وطبخ ذبيحة الخ... وبعد تجربة جاكرتا الي ما ناسبتنا اتفقنا نكنسل يومين من جاكرتا ونمددها في بونشاك وناخذ يومين في فيلا لانه ولد عمه جاي واصبح عددنا ثلاث والفندق الي حاجزينه في بونشاك لشخصين و لسى ما جا وقته وهنا جاءت تجربتي للفيلا :
* اذكر تعبنا الين حصلنا شيء مناسب وكان سعرها اذا ما خاب ظني في حدود ال 400 مدري 500 ريال سعودي في اليوم ( غرفتين نوم وصالة في الدور الارضي + غرفة نوم في الدور الاول ) .
* كنا متفقين مع سائق باليومية ويطلعنا من الصباح الى المساء و الوضع شبه امان في الفيلا ويوجد حارس لكن برضه تكون حريص ما عندك سيفتي بوكس مثل الفنادق وتخاف تخلي شيء ثمين حتى لو امان وايضا في الليل عند الخروج يفضل انك تخرج مع سائق سيارة او دباب الخ.. يعني لا تمشي برجلك .
* صحيح انه ممنوع الخمور والبارات وبنات الليل الخ... في المدينة من الحكومة لكن عند الفلل تلاحظ يجونك ويعرضون بنات الليل الخ... في الفنادق امان من هذه الناحية .
* بعض الباعة يترزقون الله ويعرضون منتجاتهم وهذا قد يضايق البعض كل شوي جايك احد عند الفيلا يكلم الحارس يبي يسوق لك لمنتجاته .. لكن للامانة بعضهم يستاهل انك تشتري منه اذكر جانا واحد امين ويخاف الله اشترينا من عنده عود بخور اندونيسي جودة عالية درجة اولى اخذت انا ربع كيلو وخويي اخذ كيلو لنا شخصيا او هدايا للاهل والاصدقاء وما قصر والله اعطانا بعض النصايح وقال الكمبودي اكيد افضل وغالي ولكن اغلب الي في اندونيسيا مغشوش خذوا الاندونيسي النوعية الممتازة الي تتقارن بالماليزي او الكمبودي اسلم واامن لكم من الغش سواء تبون تشترون من عندي او من برى .
طبعا بعد ما خلصنا اليومين في الفيلا وجا وقت التشيك ان في الفندق المذكور في البداية رحنا وطبعا تجربة الفندق افضل خصوصا في موضوع الامان والخدمة وعدم الازعاج واطلالة جميلة على الجبل وتصميمه كان جميل الفندق 5 نجوم واكيد انصح بالسكن في الفنادق لشباب عدد شخصين او عائلة زوجين . الفيلا لا انصح فيها الا اذا كانوا مجموعة شباب فوق الثلاث اشخاص وايضا تستاجر عن طريق معرفة وحتى السائق الي تبيه يكون عن طريق معرفة وتجربة سابقة و يالله بعد تحس بالامان . |
| |