ماشاءالله توفقت في اختيار السكن
لاحظت انك كل ما ابتعدت عن البحيرة علت جودة السكن
وصارت الغرف اوسع .. الظاهر الي ملاصقة للبحيرة مباني اقدم من الي بعيدة شوي


ومثل ماقلت الوضع اهدى كل ما ابتعدت .. خاصة مع عدم وجود مكيفات والمباني خشبية
واوزنجول قبل الكارونه كانت صاخبة وقت الاجازات والسهر لين اخر الليل صعب انك تنام في الازعاج
هل بلغت الفندق ان وصولك بيكون متاخر ؟


اذكر في اوزنجول سكنت في فندق اسمه اوزنجول أوندر بعد فندقكم بنص كيلو تقريبا بعكس اتجاه البحيرة
خذنا شقة فيها 3 غرف وكان السعر مرتفع شوي تقريبا الف ريال قطري او اكثر شوي لليلة الواحدة
لكن كان وقت ذروة والفنادق فل ومالقيت شي يكفينا كلنا وبنظافة وجودة مثل فندق اوندر
كان فيه مسبح جيد وافطار متنوع ومواقف وسيعة
والشقة طابقين فوق غرفتين بحمام واحد وتحت غرفة وصالة وحمام
كان سعره في بوكنق اغلى بكثير لكن خذت عنوان الايميل من قوقل ماب وراسلتهم وتم تخفيض السعر


يعطيك العافية وننتظر تكملت التقرير

ركزنا على موضوع الشقق لكن الشي بالشي يذكر


لماذا فقط في اوزنجول يحدث هذا الشي
اتوقع لانننا عرب يعني الي في الاستقبال يقول له مافي حجز يصر ان يحجز وياخذ حتى لو بزعيق او بدفع اكثر وتصريف من رتب نفسه وامورة على هذا السكن في اي منطقة اخرى لاتجد هذا الشي ابدا