وعليكم السلام ورحمة الله وبركاته
آمين وإياكم جميعا ياربّ.

اختيار موفّق بإذن الله،
لكن أنصحك بالاطلاع على اشتراطات السفر لجنوب افريقيا
اللي موجودة على موقع طيران الإمارات،
طبعا الاشتراطات تتغيّر كل فترة حسب قوانين كل بلد،
فلازم ترجع تشوفها قبل السفر بأسبوع على الأقل.

https://www.emirates.com/ae/arabic/h...y-destination/

أنا ما سافرت لها في شهر يناير، لكن اللي أعرفه إنّ بيكون الصيف عندهم،
وغالبا تكون الحرارة بحد أقصى 30 درجة مئوية بالنهار،
وأعتقد المساء يكون الجو لطيف ويمكن تحتاجون ملابس كمّ طويل أو جاكيت خفيف.

عن نفسي ما جربت أوبر، لأن في كل سفراتنا نأجّر سيارة،
لكن قرأت في عدة مواضيع عن أشخاص استخدموا أوبر، وكانوا مرتاحين،
خاصة إن الرحلة في كيب تاون فقط، ما بتروحون لمدن ثانية.
بس في مشوار بيكون بعيد شوية، رأس الرجاء الصالح وشاطئ البطاريق،
اللي يبعد حوالي ساعة وربع، فما أعرف كم بيكلّف الأوبر،
ممكن تسألون في الفندق لو في باصات سياحية، ممكن يكون سعرها مناسب.

الفترة كافية لزيارة أغلب المعالم السياحية في كيب تاون،
وبتحصل في المواضيع المثبتة في البوابة عدة مواضيع بتفيدك،
منها موضوع الجداول اليومية، وفي نهاية الموضوع في ملاحظات مهمة،
وأيضا موضوعين ثانيين لي بتستفيد منهم إن شاء الله.

https://www.arabtrvl.com/vb/t22297.html

الفندق لازم تشوف آراء النزلاء على موقع بوكينج
علشان تتأكد من إنه يناسبكم.

بالنسبة للمصاريف، تختلف حسب كل عائلة،
ما أقدر أحدد كم التكلفة اليومية،
لكن بشكل عام البلد مب غالية،
يعني الأكل والمشتريات أسعارها مناسبة جدا.

ولا تنسى الاستخارة قبل أي شي،
والله يوفّقكم ويحفظكم ويسعدكم.