المطار داخلي وصغيير وملموم





حجزنا الطيران الداخلي على latam لاتام

موقعهم الالكتروني

https://www.latamairlines.com/us/en

وان شاء الله رايحين الى وجهتنا الرابعه في كولومبيا



اتهقون وين وجهتنا بتكون ؟؟



الاجراءات سهله كلنا عندنا البوردنغ اونلاين بس سكان على البوردنغ والجواز وياخذون الجناط ونتوكل على الله ..

المهم اهني صار نقاش حاد معاي يبوني اسوي شي الوجهة اليايه وانا قلت لا والف لا ما راح اسوي اللي تبونه تبون تذبحوني انتوا ..
والقروب الا اتسوينها يا أبرار ما راح انخليج الا وانتي مسويتها ..

شنو ياترى يبوني اسوي ؟؟ وهل سويتها ولا لا ؟؟

طلبنا غدانا من هالمطعم قبل ما ندخل للبوابات لان داخل مافي مطاعم وطيارتنا الساعه 6 م





ممم على وين ؟؟















وبعد طيران مدته ساعه وصلنا وجهتنا ال 4



Medellin ميديجين



نزلنا من الطياره المطار زين على طول طلعنا على سير الجناط و باصنا ينطرنا برا ..







صوره ليليلة لميديجين

شبهتها في عمّان " الاردن"



لما سمعتوا اسمها شنو خطر على بالكم ؟؟ اتحفوني يا المسافرون



وصلنا فندقنا
The Click Clack Hotel Medellin

الموقع الالكتروني

https://clickclackhotel.com/medellin/home.html

ممتاز الفندق من كل النواحي اللهم خدمهتم البطيئة ..
سكنا 4 ايام ب 3 ليالي من 10-13 / 12

هذا شكله من برا
نزلنا بس نزلنا جناطنا و رحنا نتمشى على ما يتم توزيع الغرف..





موقع الفندق ممتاز كل شي يمنا مطاعم وكافيهات ومحلات المنطقه وايد حيويه





حياة ليليه شغاله ذكرتني في نيويورك وايد

فندقنا من داخل اللوبي والرسبشن











الرسبشن





خذيت مفتاحي وغرفتي بالدور ال 6





كل غرفه عليها مقاس انا حظي طلعت لي سمول





الحمام عزكم الله التويلت مفصول عن الشور





والحنفيه









تفاصيل حلوه



الثلاجه





عقب ما تعبنا وراحت كل طاقتنا قررنا نطلب من خدمة الغرف بعضنا و البعض كيفه اللي بياكل برا .. لهم حرية الاختيار ..

انا خلاص نضيت على الاخر و طلبت عشاي من الفندق ..
طلبت برغر و بطاط بس ما كانت لذيذه ..

يوصلون الطلب في هالسله الحلوه وداخلها كل شي نحتاجه اتشوق..





انتهى اليوم الخامس والقاكم ان شاء الله في اليوم السادس من الرحله