بسم الله الرحمن الرحيم
السلام عليكم ورحمه الله وبركاته

اكمل معاكم رحلتي اليديده و اللي شبكتها مع رحلة كولومبيا ..

"كويتية متنقله في أعالي جبال الأنديز، قاطعه فيها الإكـــــوادور من الشمــال للجنـــوب"

الديره ما اعرف عنها اي شي غير تقرير وحيد قريته في المنتدى ..
ولما شفت اعلان قايدنا الكويتي عن تنظيمها وبتكون على طول عقب كولومبيا
قلت انتهز الفرصه واشبكها مره وحده دام اني رايحه اللاتينية ..

وخصوصا عقب سنتين عجاف مافيهم سفر احس احتاج اعوض من سنتين العمر اللي راحوا. .

وهذي حكايات عالمــــية ثالثه تتحقق لي بزيارة الإكــــوادور

من كل بلاد الدنيا ،، من كل بقاع الارض
قصص شتى ،، تروى حتى
نعرف احوال الانسان و الكل هنا جيران

فاذا زرناهم بالصوره،،في احلى دنيا مسحورة
كي نتسلى ،، صرنا اهلا

في قصص الشعوب ،، في قصص الشعوب
طرائف لا تنتهي ،، و عالم حلو بهي
يسكن في القلوب،،في قصص الشعوب


هنــــــــا الإكـــــــــوادور





الرحلة مستواها : متــوسط ( اللياقة البدنية ) لكن لحالتي الصحية يبيلها لياقه اعلى وتعتبر علي عاليه .. وحتى اللي لياقته زينه راح يتعب كلها مرتفعااات ..

اولا : الفــــــــــيزا



الحمدلله كل دول الخليج معفيين من الفيزا ندخل من غير فيزا..

ثـانيـا : العمــــلات

عملة الاكوادور دولار امريكي





البلد حسينا بغلاتها بسبب الدولار عكس كولومبيا

ثـالثـا : الطـيــــــــران



الحجز عن طريق القايد من بوغوتا الى كيتو الاكوادور

رابــعــــــا : الفنــــادق



حجزت ليلتين في نيويورك فندق 1hotel عند السنترال بارك بسعر 262 دينار لاخر الرحله .

خـامســا : الصحـــــــة و التطعيمـــــــات



قبل السفر بفترة كافية عليكم التأكد من الوجهة اللي رايحين لها اذا تحتاج الى اي تطعيمات ..

- لازم مراجعة عيادة المسافرين في دولتكم او الصحه الوقائية .
- تلقي التطعيمات اللازمة قبل شهر من السفر على الاقل ليتمكن الجسم من تكوين المناعة .
-اصحاب الامراض المزمنة مراجعة دكتورهم عشان يعرفون لو في تطعيمات تتعارض مع ادويتهم ..

التطعيمات العـالميــــة :

- الحمى الصفراء ( ينصح عند السفر لهذه البلدان : وسط وغرب افريقيا - وسط و جنوب امريكا )
- الحمى الشوكية ( ينصح عند السفر لهذه البلدان : جنوب الصحراء الكبرى الافريقية )
- الالتهاب الكبدي (أ) ( ينصح عند السفر لهذه البلدان : امريكا الجنوبية و بعض الاجزاء من افريقيا و اسيا و شرق اوروبا )
- الالتهاب الكبدي (ب) ( ينصح عند السفر لهذه البلدان : امريكا الجنوبية و بعض الاجزاء من افريقيا و اسيا و شرق اوروبا )
- التهاب الدماغ الياباني
- التهاب الدماغ المنقولة عبر القراد
- التيفود (ينصح عند السفر لهذه البلدان : بعض جنوب شرق اسيا - امريكا الجنوبية و الوسطى - وبعض افريقيا )
- داء الكلب
- الملاريا ( ينصح عند السفر لهذه البلدان : المناطق الواسعة بأفريقيا و غرب افريقيا جنوب شرق اسيا - شرق اوروبا - الباسفيك - وسط وجنوب امريكا - الشرق الاوسط - امريكا اللاتينية )

الخط الساخن لسكان الكويت

ألو صحة 151

والحمدلله الاكوادور ما نحتاج لها تطعيم مثل ما خذيت لما رحت المكسيك ..

اللهم الحدث اللي عايشينه الحين مع هالوباء الله يزوله عنا وهم كـــورونـــا لازم نكون مطعمين مع شهادة التطعيم..

و طبعا احتياطات كورونا ومتحوراتها عارفينهم



بما ان زيارتنا الى الاكوادور يعني في غابات والجبال محتاجين ندهن جسمنا بسبري وكريم الوقاية من الحشرات و اي كائنات تنقل الامراض
هذا النوع ممتاز كان معاي ..



يفضل تشترون من صيدلياتهم او تاخذون من صيدليات امريكا بصراحه ممتازين ..

ســادســاً : الطقـــس



في وقتنا كان الجو وايد بارد شتوي لازم معاكم هدوم شتويه وكان فيه اشويه امطار خفيفه في بعض المناطق..

ســابعــاً : القـــــروب



مكون من : قايد كويتي "صاحب الشركة" - قايد اكوادوري محلي
عدد المسافرين : 2 نساء من الكويت و 4 من الامارات - 1 رجال من الكويت و 1 من الامارات و 1 من السعودية .. يعني عددنا من غير القايديين 9

ثـامنــاً : الأمـــان



تعتبر الاكوادور من الدول الامنه في امريكا الجنوبية و اكثر امان من كولومبيا ..

الرحلة مع شركة كويتية سياحية شبابية ..

تم دفع رسوم الرحلة

1,350 دينار كويتي ( شاملة : السكن في 5 مناطق - التنقلات - دخول المرافق والانشطة - 3 وجبات يوميا وسناكات - الاكراميات )

المتطلبات لدخول الاكوادور في زمن كورونا

شهادة تطعيم - التذكرة - نتيجة المسحة - التأمين - اجراءات دخول الاكوادورالصحية..