اليوم الرابع

26 / فبراير يوم التحرير من الغزو العراقي




بونجور

من نفس المول










بهاليوم رحنا نتريق ببريت لقينا الكرواسونه موموجوده ويبيلها ربع ساعه علشان يسوونها

قلنا خل نروح ستاربكس
انا وغنومة الباجي يوو ورانا
اخترت انا سندويشة جبن وكابتشينو









بعد ماتريقنا انا وغنومه قلنا نتمشى عند المحطة على ما يخلصون ربعنا من الريوق





وهني خلف المبنى اللي وسط ساحة المحطة واللي فيه جم مطعم وصيدليه





تشوف الحواجز هذه ممر للسيارات والباصات
اللي تنزل الركاب للمحطة






وهذه من الجهة الثانيه للساحة وتشوفون
الكراسي مثبته بالارض ومصفوفه بطريقة عشوائية حلوه










الشجر بحوض شكل الاصيص



















مجسم الچناط العجييب












دخلنا المول اللي في المحطة وورحنا محل بيلونس مادري اللفظ صح والا لا هههه بس معروف















شغلاتهم اتونس

















عجيبه الطاوله والكرسي حق الحديقة والسعر حلو بس الشحن اشلون ؟




‏وبس تشرينا ودينا اغراضنا الفندق

ورحنا التكاسي الى وجهتنا القادمة




الى اللوفر
























تسمعون اصوات الناس زوار اللوفر




طبعا احنا مو من محبين المتاحف فما دخلنا




بس شوفو الطابور









بس شوفو الفن تخيلوو هذا من مئات السنين الدقه في الشغل والنحت
بكل مكان وعلى كل مبنى حوالين الساحة
























































وهذا مجمع فيه مطاعم ومحلات كنا داشين فيه السفره السابقه




وايفل لازم يبين










للحين الطابور ما خلص





















وانتهينا من تصوير اللوفر


ورحنا المحلات اللي بالشارع اللي ورا هالمدخل











وتشريت من اول محل سوفينرات
لقيت اللي يبيعون فيه حرمتين وحدة من الجزائر والثانيه من المغرب يحليلهم استانسو يوم دشيت عندهم انا وابوحسين وسولفنا معاهم ويحطون اغاني طربيه وطبعا ما خلت ام حسين شي بالمحل

ومن كثر ما انسجمت مع الحريم بناتي وابوحسين راحو مادري وين وبعدين عطونا العنوان ورحنا لهم انا ودانه


قلنا حق راعي تاكسي وصلنا قال روحو مشي مو بعيد
قالت له دانه ماتقدر الوالده مسويه عملية

قال تعالو وودانا للمكان الي بنشوفه عقب ما نريح اليوم

حتى الفرنسيين نطقهم للكلمات غريب
أجل باريس تصير باغي
انطقيها مثل ما تحبين

مثلك المتاحف نادر أدخلها
سكنت في لندن بفندق لاصق بالمتحف
من الساعة 5 الفجر صافين سرا عنده
وأنا 5 أيام بالفندق ما فكرت أروح له

انشروا عن أبو غسان أنه يقول
اذا حبيت تستمتع برحلتك سو اللي تحبه

ما شاء الله أختي أم حسين .. ما زلنا مستمتعين معاك بالتقرير
"تفاصيل بسيطة لكنها جميلة و ممتعة"

نتابع معاكم بعد اللوفر وتشري السوفينرات
رحنا لهذا المجمع

كان مسكر من سنين ورجعوا افتحوه الحين












المجمع سمارتيني للماركات العالميه



































طوابق المجمع

شرينا من شانيل نظارات انا ودانه
وبعدين يت فرفر وشرت نظارة

والعامل اللي سوى لنا المعامله سألناه عن التاكس فري وقال الحين اعطيكم التاكس وعندنا خدمة توصيل الاغراض للفندق بس عبو استماره سوينا استماره بسيطه وعطيناهم كل اجياسنا اللي شرينا من محلات السوفينرات والاللي شرينا منهم وعنوان الفندق وبس فكونا من الشيل




















اغلب الماركات العالمية موجوده
تمشينا شوي والبنات كل راح يتمشى على كيفه
انا قلت ابي ماي وصعدت للكافيه فوق واخذت بس ماي















بنتي شارية من سيلين وهذه ضيافتهم لها













وهذه ديكورات المحلات الموجوده

























ركن للقراءة حق اللي بينتظر احد


















بنتي شرت من ديور جنطه وهذه ضيافتهم وطلبت تحط الاسم
عليها وقالو تخلص بيومين وتوصل للفندق وطبعا التاكس فري نسويه عندهم بنفس المجمع
وكانت معانا جوازاتنا حق التاكس فري














وعلى ما يغلفون وياخذون المعلومات من فرفر انا وغنومه اعجبونا الخواتم شريت لي خاتم والا غنومه تقول يمه اشتري لي خاتم هدية عيد ميلادي لانه قريب


شريت لها وهذه ضيافتهم لنا على ما يغلفون ويسوون الفاتورة








وهذيل خواتمنا









وطبعا كل شي نعطيهم الكونسيرج للمجمع علشان يرسلونه الفندق مع اغراضنا
المجمع وايد حلو وهادي والبضاعه متوفره




يتبع .....

نكمل ...


بعد ما خلصنا تسوق صار وقت الغدا

قلت لهم انا بروح مطعم ايراني مادحينه لي واخذنا تكسيين ورحنا ... واحنا بالسياره دقت عليهم دانه وحجزت لنا قالو متوفر الحين حياكم ...
وصور من الطريج ..


هذا اول ما طلعنا والسما كلها طيارات نفاذه جذيه











حلوه السيرفس ما يوقف








ذكرني بقصري اللي بغلاسكو ههههه











علامة باركينغ ما يسكر 24 /24





الاشجار تموت واقفه





بعد متاحف





وصلنا هالمنطقة الحديثة وعمارات عاليه

واسواق حلوة















ووصلنا المطعم ...






ودخلنا بسرعه بدون انتظار






الطابع الفارسي





المطعم مثل منتو شايفين صغير والطاولات لاصقين ببعض
اشوه احنا كانت طاولتنا كورنر

شوفو المكتوب



هل يعني اهي رساله باسمي ؟؟ ههههه ما اعرف فرنسي للاسف بس شفت اسمي

طيب نشوف المنيو ...







































جارتي




















وصل اللبن


والبيبسي






المقبلات فيها بيديان وورق عنب لذيذ حييل











وصل طلبنا انا ودانه 2 كبسة على كرز
لذيذه تحسون طعم حامض حلوو بس خفيف












و3 نفس الطبق چلو كباب


المشروبات 2 لبن و3 كولا
وبالعافيه علينا لذيذ وناطع


الكل عجبه الحمدلله
والسعر 140€


بعد المطعم انا ودانه وبوحسين قررنا نروح الفندق

دقينا على تاكسي نفس اوبر ونطرناه

شفنا بقاله ايرانيه جاره للمطعم ودخلنا لها

ما خلوني اسوي شي حنوو علي حنة لبسي الماسك ولبسي الماسك

ولازم يشوفون التطبيق للتطعيمات

راويناهم وشريت منهم مربى ورد وفستق وحلويات ايرانيه وطلعنا يه التكسي

وغنومه وفرفر راحوو الشانزليله
نكمل الجزء الياي

يتبع ...

باين على المطعم الايراني كشخة
بالعافية عليكم
المكتوب اسم المطعم مو اسمك

بس أعجبني الكتاب اللي باسم التقرير
صرنا حركات
والتسوق ما فيه أحلى منه في باريس
الواحد ما وده يوقف بس الفلوس توقفه