عقب الأكل كملنا تسوق في المول والنصيب الأكبر لبريماك

بريماك هني وايد وايد ارتب واكبر من اللي رحنا له اول يومين


ومن كبره وترتيبه تشرينا عدل هالمره واللي ماحصلناه هناك حصلناه هني

وطبعا البنات شروا جناط مقاس الكبينة
وحدة ومقاس الوسط الثانية وحطينا اغراض بريماك فيهم











واحنا طالعين لقينا مكتب اللي يسوون التاكس فري ومساعدة موظفة خلصوا البنات


وهني انا قعدت اريح
















ومنها الى محطة القطار


مررنا الطريج الى دزني لاند












اللي معاه اغراض وايد وجنط دخلونا من البوابه الواسعه






نزلنا عند دزني وهني بعد ما صعدنا شوفو القرب للبوابات










شفتو الحواجز مسوين ممرات واحنا دخلنا والا واحد عربي اصيل بس عرف ان من الكويت قعد يمدح وايد ويقول انا هني اشتغل بس ادرس بكلية الحقوق كله من خير الكويت علي وعلى بلدي ونادى صديقه ونفس الشي استانسوو ان احنا من الكويت

قلت وينك يا اللي في بالي تيي تسمع صوت الحق


المهم دلونا الطريج الى مدخل المحلات مانبي نلعب بس بنتسوق






وترحيب خاص من ميكي ماوس






وكذلك ترحيب مماثل من ميني ماوس







دخلنا المحل هني وما قدرت اصور لاني بشوف واتسوق

والبنات اتصالات مع زيونه شنو تبين وشنو شريتو لي ويصورون لها قلت لهم ياويلها اللي تخرب مفاجآتي حق زيونه لحد يعلمها شنو شريت



المشكله مو بالسعر المشكله من يشيل الهدية

طبعا ناديت واحد من اللي يبعيون وطلبت
اللي ابيه بيت فيلم انكانتون حق زيونه وحطوه لي بجيس كبير ومن يشيلك ياعم هههه الحمدلله بعد ماحاسبت البنات شالوه لي










وطلعنا تيمعنا عند الباب وقالت دانه انا راجعه باريس تعبت يابنت شوي وبنرجع قالت لا مابي وراحت وانا كل شوي اكلمها

بس وصلت كلمتني والحمدلله

اما احنا قعدنا نتمشى بالمكان ونصور وبرررد يجوع






واستراحة محارب








حلو ورق لف المعجنات شكل الجريدة

وهذا المستخبي







وهذا وافل غنومة
















درجة الحرارة













وبس طلعنا راجعين لباريس

نصيحة ومعلومة

بتلاقون هني بنات اسيويات عندهم خريطة يدخلونها بوجهكم علشان تدلونهم مكان


طبعا هذيل نصابين ويسرقون اي شي

دخلو معانا الاصنصير مال المحطة وتسالني شيشلي شيشلي قلت لها انا ما اعرف وغنومه نفس الشي نقول لها ما نعرف ،


بس ماكو تدخل الخريطه بويهي تبي تلهيني والثانيه اشوفها تلعب بازرار المصعد

وعقب شوي حسيت بايد الثانيه تدخل بجنطتي والا ادزها حست فيني وقفت مثل الصنم واشوه الاصنصير فتح هني وطلعنا وقلت حق غنيمه شوفي اغراضج الحمدلله ماخذوا منها شي
وانا بوكي الهولدر شوي ويطلع من الجنطه بس اشوه اني حسيت فيها

هذيل دايما موجودين والنصب بهالطريقة
ديروا بالكم

المهم عقب مانزلنا انحاشوا







وصعدنا القطار وشوفو اشلون طابقين احنا قعدنا بالنص






هذا فوق





وهذا تحت










طبعا كل محطة يفتح الباب










محطة تخرع بالليل ماكو مبنى





وبجذيه انتهى هاليوم ورجعنا الفندق واذكر البنات طلبوا من ديلفيروا من مطعم هندي ورحت اكلت عندهم بدون تصوير

وبعدها نومة مريحة بعد تعب هاليوم


فيديو هاليوم


https://youtu.be/wc_FW2j2ujQ