السلام عليكم ورحمة الله وبركاته

عودا حميدا بعد جائحة كورونا الله يرفع عن البلاد والعباد
فجأة بغيت اغير جو بعد ضغط العمل وضغط سنتين مثل الناس اللي حرمتهم الجائحة بعض من شغفهم واذا بي اسمع ان ماليزيا فتحت ابوابها واذا بي احجز لشخصين وثلاث اطفال …
بالنسبة لاجراءات كورونا مايحتاج ولا شي ابد بس تحمل تطبيق MySejahtera وتسجل البيانات المطلوبة وهي عبارة عن شيئين رئيسيين
خانة استكمال الجرعات
خانة المسافر
بعد ماتكمل التعبئة راح يتحدث التطبيق ويعطيك لون اصفر يعني خلصت التطعيمات ووضعك تمام



الاطفال تحت 12 سنة مايحتاج ولا شي حتى تأمين سفر ولكن انصحك بالتأمين لان الخطوط السعودية طلبو مني تأمين وسويته في المطار عن طريق الجوال ب10 دقائق .. يحتاجون فقط اضافة كتابعين في التطبيق

هذي مقدمة لاني اكتب من جوالي

بس اذا لك نية تروح ماليزيا لا تتردد
بالنسبة لسعر الصرف
الريال السعودي تقريبا يتراوح بين 1.12 و 1.16 ماليزي في سعر الصرافات هناك
سواء سحبت كاش من صرافهم او من نقاط البيع ترى الوضع امان ومافيه عمولات كثيرة انا مثلا سحبت 700 رنجت كاش خصم البنك علي 625 ريال يعني 1.12 وتقريبا مقارب لسعر الصرف في البورصة فالوضع جدا تمام البعض يسحب سعودي او دولار ويحولها انا اقولك ممكن بس افضل اسحب من الatm مباشرة مايحتاج تصرف وتحول وسالفه

الرحلة من 3-17 مايو
الخطوط السعودية
خط السير الدمام - الرياض - كوالالمبور والعكس

كثير يسأل طيب شلون مع اطفال شلون التنقلات شلون هل هذي تصلح عويل والا عرسان
شوف ياحبيبي اذا انتوا عرسان موضوعي مايصلح لكم هههههههه جوكم غريب
طبعا وصلنا ماليزيا حمدالله بعد رحلة هادئة ودخلنا كوالالمبور
بالنسبة للتكسي من والى المطار انصح بقوة تطبيق بوكينق تبع الفنادق ترا يوفر هالخدمة وممتاز جدا وسعره مساوي للتكاسي اللي تاخذها من المطار بس افضل جودة وسيارات افضل واوسع
فيه برضو تطبيق Grap ممتاز مثل عندنا اوبر وكريم وكذلك يجيب طلبات المطاعم مثل مرسول انا للامانة ماستخدمته لانه يحتاج رقم جوال ماليزي يعني اول ماتوصل المطار تاخذ لك شريحة افضل من تفعيل التجوال الدولي … بالنسبة لي تحسفت اني فعلت دولي يعني لو اخذت خط ماليزي افضل واريح … بس لاتحاتي اذا ماتبغى خط ماليزي حمل تطبيق باندا foodpanda تقدر تطلب ويوصلون لك مثل هنقرستيشن لو احتجت تطلب 👍 والتكسي كلم اللوبي للفندق يجيب لك تكسي واذا جاز لك اتفق معاه يصير سواقكم للفترة اللي تبيها اكثر مبلغ ياخذونه 300 رنجت ويجلس معاك يوم كامل البعض يقول غالي وكذا بس لاتنسى اللي يسافر مع عايلة يبغى واحد جاهز برى ينتظر وكذلك اغراض لو شريت حاجة تخليها في السيارة يعني اشوف انه مو خسارة وفيه بعضهم ياخذ 250 رنجت وبعضهم اقل بس انا عشان سيارة كبيرة عائلية اعتبره حلو السعر
نرجع للتكسي … قبل توصل للمطار تلقاه راسلك وتزاب وصور للبوابة ولاتخاف بيجيك وبعدها رحنا الفندق طبعا انا جايها شهر عسل 2012 وفيه اماكن كثيرة ماجيتها قبل فحبيت ارجع عشان اشوفها وكان وحدة منها سلانجور والصن وي لاقون

يالله نبدأ