السلام عليكم جميعا واعتذر منكم عالتاخير لظروف خارجة عن الارادة واشكر كل من سال وارسل عالخاص مشكورين وان شاء الله بقية التقرير تكون نافعة بأذن الله

نبدا بسم الله

جزيرة بيننق 4 ليالي ( خمس ايام)
فندق Lexis Suites Penang

بعد ماوصلنا مطار بيننق .. السواق اللي حاجزينه من بوكينق كان في الموعد واخذناه ورحنا للفندق … بصراحة الفندق من اول ماتدخله يزعلك شوي من حيث الجودة تحس انه فندق عادي .. تسجيل الدخول طوّل كثير ومعانا ضيوف كثير ينتظرون .. وبعد ساعة ونص انتظار جانا الفرج ورحنا الغرفة وبصراحة كانت تجنن

اليوم الاول: وصلنا الفندق الساعه 3 العصر … موقع الفندق جنوب بيننق وبعيد عن الاماكن السياحية لكن بالنسبة لي كانت مقصودة عشان التمشية والمشوار ماياخذ نص ساعه بس تتفرج عالبلد وكذلك الفندق يجنن ويستاهل خصوصا العائلة … بعد ماوصلنا رتبنا اغراضنا واسترخينا بعد تعب الرحلة وكان في الغرفة مسبح خاص مطل على المحيط والجبل وفيه كمية سعادة مو طبيعية وحبوا الاطفال يسبحون 😂😂😂 صراحة انا طبيت اول واحد مو الاطفال 😂😂😂😂😂 وفعلا هذا لحاله يستاهل يوم ماتطلع بس تسترخي وتشوف الاطلالات مع شوية سناكس وكفي وبعد كذا اذن المغرب وقلنا اول يوم نروح مجمع كوينسابي نتمشى ونتعشى فيه وهذا كان اليوم الاول في بيننق

السلام عليكم جميعا
نستكمل التقرير واليوم الثاني في جزيرة العشق بيننق
للمعلومية هذا الفندق يعيبه مطعم خدمة الغرف .. فيهم كسل وتأخير ويجيب لك الطلب ناقص والسبب ان توقيت رحلتنا بعد فتح البلد للسياح وكان عدد الموظفين قليل وكان فيه حجز مسبق للفطور يعني لازم قبلها بليلة تدخل رابط له كود في الغرفة وتحجز للفطور اليوم الثاني … صحينا الصبح واستعدينا لليوم بطاقة ايجابية وكوب قهوة ونزلنا للفطور في لوبي الفندق يعبر حلو بصراحة .. وبعدها اخذنا السواق وانطلقنا للجولة السياحية .. المنطقة اسمها جورج تاون
اول مكان ذهبنا البيت المقلوب Upside Down House .. مكان ممتع صراحة خصوصا للاطفال والتقطنا صور كثيرة … اسعار التذاكر تقريبا 30 رنجت للبالغين و 20 رنجت للاطفال ومجانا الى 2 سنوات







بعد البيت المقلوب ذهبنا الى بيت العجائب وهو عبارة عن غرف تزورها فيها خدع بصرية وتلتقط فيها صور وللاسرة ممتعه جدا لاتفوتونها واسعارها مثل البيت المقلوب وفيها كوفي الثلج عبارة عن مكان بارد يقدمون فيه اشكال والوان من الايسكريم والفواكه وسعره رخيص جدا تقريبا الواحد 25 رينجت ويكفي 3 احنا طلبنا لكل شخص كوب وتوهقنا 😂😂













بعد كذا ذهبنا الى بيت الاشباح في نفس المنطقة واضع لكم بعض الصور .. انا العيال عندي ماخافوا واتوقع ماهو مخيف مرة فعادي تاخذون اطفالكم مافيها رعب









بعد كذا ذهبنا لمتجر العسل ويتميز العسل الماليزي بسيولة عاليه وطعم حامض وفيه انواع كثيرة يخلطونها مع زنجبيل وفواكه ونكهات كثيرة واسعارها من 45 رينجت للعبوات الصغيرة الى 120 رنجت للعبوات الكبيرة بس اهم شي للشحن انه يلزق راس العلبة ويحطها بكرتون عشان لاتنفتح بضغط الطيارة





بعد العسل رحنا هضبة بيننق وحظينا بتجربة ركوب القطار الجبلي للوصل لأعلى التلة حيث يقوم بجولة كل نصف ساعة ستحبون هذه التجربة كثيراً. تغدينا في الهضبة فاست فود وفيه مسجد فالهضبة وانشطة كثيرة تحتاج 4-6 ساعات والجو معتدل جدا فالهضبة سعر التذكرة للشخص تقريبا 40 رنجت











بعد يوم متعب وجميل ومليئ بالسعادة ذهبنا للفندق للراحة والاسترخاء في المسبح الخاص قبل النومة 🌺🌺🌺تصبحون على الف خير .. محد رد علي … الجماعه ناموا قبلي 🥹 عوافي

ماشاءالله رحله مرتبه
ماليزيا العشق لاتمل

الحمد لله ع السلامة أخوي ،،

ماشاء الله تبارك تفاصيل مميزة للرحلة ،،،

ودائماً نذكر بأن الزيارة الأولى لماليزيا الأفضل هو ( المسار الذهبي )

سيلانجور ،، لنكاوي ،، بينانق ،، كوالا

القرية الشرقية ( معلم جميل ) في لنكاوي ،، تمنيت لو أعطيته وقتاً ،،

في بينانق ،، دائماً يُفضل السكن في شاطئ الباتو فرنجي ،،

حيث الفعاليات وكونها القلب النابض سياحياً ،،

مستمتع كثيييييراً برفقتك يامهندس ،،

عوداا حميداا للتقرير
جزء ممتع مع الفندق والمسبح الخاص جداا حلوو للاطفال او نقول الكبار قبل الصغار

المطل جميل من المسبح
الزيارات السياحيه حلوه للاطفال وواضح سعادتهم ربي يحفظهم لكم
واكيد بعد التعب اخذهم النوم قبلك

مستمتعين معاكم وبانتظار القادم