تقرير لذييييييييييييييذ وجميل

تعجبني سلاستج في طرح الموضوع

شكرا

اليوم الحادي عشر 27/12/2015


اخر يوم لنا في هولندا .. موعدنا مع القطار اللي بينقلنا الى بوكسيل الساعه 11 تقريبا


نزلنا نتريق .. اخر ريوق بالفندق





وكنا لامين اغراضنا ومزهبين كل شغلنا علشان نطلع من الفندق


طلبنا سياره تنقلنا لمحطه القطار


مثل ما قلت لكم قبل انه المحطه قريبه ممكن تمشون لها بس معانا اغراض واطفال مانقدر نمشي



طلعنا من باب الفندق ولااا برررررد غير عن كل يوووم


وثلج خفيف



وصلنا المحطه ..



راح زوجي يسأل عن مكان القطار واي كابينه


ولا اشوووفه يتكلم مع الموظف ويأشر و وعلامات ويهه تغيرت


شالسالفه !!!



رجع جان يقولي القطار متكنسل بسبب عاصفه ثلجيه قادمه من جهه بلجيكا






والحل؟؟


قالوله روح على خط منطقه ثانيه ومنها شوووف اذا يودونكم بروكسل من هناك او لا


( سوووري والله نسيت اسم المحطه اللي قالولنا نروح عليها )


المهم شلنا اغراضنا ونطرنا





طبعا شكلنا ابوو البهدله


سميت الرحله ( رحله غوار )






ركبنا القطار .. فرررق بينه وبين القطار الاول اللي نقلنا من فرنسا

راحت ايام العز


كأنه باص مواصلات










مادري ليش ما يحطون خطط للتعامل بالظروف الجويه السيئه











وصلنا المحطه

وراح زوجي يسأل ولا اثاري مو بس احنا

وايد ناس متبهدلين نفسنا


ولا يقولون في باص ناطركم برا راح يوصلكم



والحمدلله الشعب الهولندي متعاون

سايق الباص ساعدنا شال اغراضنا معانا والاطفال










ومشى الباص

ومشى


ومشى





ومشى


الرحله اللي المفروض بساعه نوصل بروكسل صارت 6 ساعات



اظن ان غفت عيني شوي ونمت

لمن بطلت عيني ولا زوجي يقول شوفي


كأنه احنا بلجيكا !!


شلون عرفت


لاحظ زوجي اختلاف الكتابه ( الاحرف) على المحلات

والسيارات حاطين على الرقم حرف B يم علم الاتحاد الاوربي





اخيراااا



حتى وصلنا المحطه

سألنا السايق هذي اهي المحطه الي بروكسل قال اي



الحمدلله يعني وصلنا










الجو فعلا كان بااارد و ثلج ينزل


اخذنا تاكسي قلناله وصلنا فندق كراون بلازا



(المفروض الفندق قريب من المحطه)


بس مشى وايد جان يطلع زوجي ورقه الحجز يقوله الفندق قريب

وين رايح


جان يشوووف الورقه جان يقول

اوووو كراون بلازا بروسيل !!!

قلناله اي

قال انتو في Antwerp مو بروسيل


قال اوكي بوصلكم



ووصلنا صج طواله صارت السالفه بس خلاص تعبنا .. نبي نشتري راحتنا



ولا السايق طلع باكستاني مسلم

ويسولف يقول ليش رايحين بروسيل

وليش ماقعدتو فيي انتيروب احلى وفيها محلات الالماس والكاكاو



وطلع يعرف ناس من اهله يشتغلون بالكويت


والله خوش واحد ووصلنا عالعداد يمكن طلع الحساب 55 يورو












وصلنا الفندق






الفندق يبعد عن سالحه القراند بلاس 15 دقيقه مشي تقريبا


وقريب حوالينه في محلات


وبس نعبر الشارع يصير مجمع City2 Shopping Mall





الدور اللي احنا فيه













الصوفا اللي قاعدين عليها تصير سرير













بسرعه بدلنا وغسلنا وصلينا وطلعنا


راح الوقت ونبي ناكل





دخلنا المول وتغدينا .. باستا لذيذه







اغلب سكان المنطقه من العرب المهاجرين

واغلب الاكل حلااااال


طلعنا نتمشى بالشوارع ونسأل عن القراند بلاس وين صاير





محلات وكشكات على طووول الشارع







ووصلنا القلاند بالاس





وشغلو موسيقى وعرض ليتات
















ودام انه بلجيكا لازم كل يوووم شوكولا
















وتصبحون على خير

حبييينا كل رحلاتج في هالسفرة امستردام حلووة
بس تقولين شوارعها مافي كافيهات ولا مطاعم وقعدات
وين نروح بالمغارب اذا تسكرت المحلات ؟؟

والفة القطار اوووف تحسين بالبهدلة وقتها بس ماعليه تنسي مع الأيام
وراح تذكرينها بضحكات ووناسة بعدين
الفندق حليوو والمكان حلووو وخاصة ان باين المحلات مفتوحة ببروكسل
مو نفس امستردام
عليكم بالعافية كل اللي اكلتوه

المتحاف اذكر اللي حطيتي صورته كتبوا عنه في المنتدى قبل
ومصورين داخله بعد
بس هالمتاحف احبها لانها علمية من صوبي
بس غيرها لا

استمتعنا بالتقرير وننطر الباجي

والله مشكله الجو خاصه لما يتقفل الطريق
أتذكر العام بمايو أو قبله صار نفس كذا في النمسا وتأثرت خطوط كثيره

الحمدلله هانت بالأخير

اليوم الثاني عشر 28/12/2014



اليوم مو مثل كل يوم


قعدنا الصبح نزلنا نتريق بالفندق ..


شوي ولا





يغنون لي هابي بيرثداي وكيكه من الفندق



اليوم عيد ميلادي الصجي .. اللي بديزني كان قبل الموعد



الكيكه لذيذه


المهم خلصنا الريوق والاحتفال .. مشكورين اداره الفندق







الوجهه الحين حق مكان ... احنا رايحين بلجيكا علشانه


طبعا الهدف الاول الجوكلت ..


الهدف الثاني حق ولدي بدر .....


Belgian Comic Strip Center, in Brussels



المتحف هذا


بدر ولدي من محبين شخصيه تان تان Tin Tin

يمكن الشخصيه هذي مو الكل يعرفها او بالاصح الجيل الجديد مايعرفها بس ولدي مغرم فيها

ولانه موطنها بلجيكا قلت لازم اوديه يشوفه



طبعا كان المكان متعه لولدي .. يمكن الاطفال الثانيين مايعجبهم لانه مايعرفون الشخصيه


بس اهو جدااااا استمتع بالمكان



مكان المتحف قريب من فندقنا وبالصدفه ماكنا ندري

سألنا موظفين الفندق عن المكان ودلونا بالوصف

ووصلنا


اول شي موجود محل تشترون منه





بس احنا رحنا نشوف المعرض بعدين نشتري اخر شي


المتحف فيه اكثر من شخصيه بلجيكيه

مثل السنافر وتان تان وكاليميرو






















تان تان والكابتن








































مستمتعييين بالمكان

























المتحف دورين

خلصناه ورحنا الشوب نشتري




اخذ الكولكشن كامل

والقصص .. قصص مغامرات تان تان
واقلام وكروت















خلصنا طلعنا ..


انا كان ببالي نروح اليوم ميني يورب والاتوميوم



شفنا الباص السياحي سألناه عن النقطا اللي بيوقف عندها

وطلع يوقف عن الاتوميوم


ركبنا معاه






بالطريييق


اليوم كان بااااارد جدا































ووصلنا









الدووور طويييييييييييييل للصعود


والاطفال مو متحملين الانتظار


قررنا مانصعد


بس نروح ميني يورب


الفكره طبعا واضحه للكل

مجسمات مصغره عن معالم اوربا







مغطيها الثلج


اي قريب من الميني يورب اطعم وكافيه والعاب للاطفال بس كانو مسكرين





































اااه يا لندن









كل معلم حاطين معلومت وعلم الدوله





ثللللج









باريس الحب






















خلصنا





عند الباب اول مادخلنا صورونا


واستلمنا الصوره واحنا طالعين



ردينا مع الباص عند الفندق



ونزلنا نتغدا




بيتزا .. جيز مع مشروم و سلطه



خلصنا كملنا اليوم بالتسوووق


مادي اذا ذكرت لكم من قبل او لا


كنو فاتحين بريمارك قبل اسبوعين تقريبا من وصولنا



وزحمه عليييه ودوووووور



بنهايه اليوم رحنا القراند بالاس


وشريت علب شوكولا هدايا



من قوديفا .. اسعارهم معقووووله جدااا وارخص من عندنا








ولابد نتدفى بالهوت جوكلت والوافل البلجيكي اللذيذ

الله يعينكم عالمرمطه الي صارت
حلوة الاضائه في الساحة بالليل
وعليكم بالعافيه الشوكولا البلجيكي اللذيذ

متابعين

آخر مواضيع fanda

- استفسار عن منتجعات بوكيت - تجربة استخراج فيزا شنغن من السفارة الالمانية - البحرين - غدانا مجابييييس - هنا البحرين 2017 - مساعده في خط الرحله

توقيع : fanda

غارقة في نعمك يا الله ... فلك الحمد حتى ترضى أم ريم

حلوة رحلة الاوتوميوم والميني يورب
لو نطرتوا في الاوتوميوم راح تدخلون لانه المصعد ياخذ عدد كبير

آخر مواضيع fanda

- استفسار عن منتجعات بوكيت - تجربة استخراج فيزا شنغن من السفارة الالمانية - البحرين - غدانا مجابييييس - هنا البحرين 2017 - مساعده في خط الرحله

توقيع : fanda

غارقة في نعمك يا الله ... فلك الحمد حتى ترضى أم ريم

---

التعديل الأخير تم بواسطة fanda ; 06-05-2015 الساعة 10:36 AM