اليوم التاسع 25/12/2014


صباح الخير ....




من شباك الغرفه ... بدايه الشروووق للحين ما طلع الصبح

بس لانه ورانا رحله حاجزينها من المكتب الساعه 9 لازم نكون متواجدين بالمكتب للانطلاق




من بوفيه الافطار .. البوفيه متنوووع وكل شي موجود















الحمدلله




طلعنا بعدها للمكتب السياحي





هدووووء الصباح





الناس قاعده من الصبح مع انه يعتبر يوم اجازه كريسماس








سبحان الله المناظر الجميييله كفيله بأنها تخليك محترف تصوير ...





وركبنا الباص .. الباص دورين ... قعدنا بالدور العلوي

والجو مطر خفيف وبرررد





وانطلقنا










ابي بيت جذي










ووصلنا الطواحيين



الطواحين تطحن المكسرات وتسوي منها زبده مثل زبده الفول السوداني (معلومه عرفتها) ماكنت اعرف الطواحين حق شنو
























الناس بهذي المنطقه ماشالله صحتهم جيده .. شباب وشياب الكل قاعد من الصبح ويركضون (رياضه الصباح)

ماينلامون الجو جميييل والمناظر تسااااعد











البيووووت حبيييتها البساطه جميله ... احسها مريحه












وايد مصوره بيوت






احاول اخفي احساسي ولكن بالعشق مفضوووح













ورحنا الباص للانطلاق الى فالندام











ووصلنا الى مصنع الجبن


لذااااذه





المصنع عباره عن وحده تتكلم لا شفنا شلون يسووون الجبن ولا شي

بس تكلمت و ذقنا انواع الجبن



في وحده قالتلي قبل لا اروح انه في انواع جبن فيها حشيش فتأكدو قبل

لكني ماشفت هالنوع

النوع اللي كان لونه اخضر قريت عليه بس كان داخله هيربل مو حشيش








اللي شعرها ابيض كانت قايد الرحله .. واللي لابسه فستان احمر اهي اللي اشرحت لنا عن الجبن



قالت لنا شي مفييييد (للسيدات فقط )






طلبت منا نخمن عمرها


انا حطيت عليها 50 سنه


والصدمه


لمن قالت لنا عمرها 70 !!


ماشالله ماشالله تتمتع بصحه ممتازه واقفه عدل .. وتمشي وتتحرك ووجها ماشالله


جان تقول لنا


سررر للسيدات


تقول انا كل يوم الصبح اشرب عالريج (وي بروتين) اللي نقول عنه بالعربي مصل اللبن

تقول انه طعمه سيء وريحته سيئه بس فوواااايده كثييييره


تقول شفتوني انا شلون واقفه وويهي مافيه تجاعيد من هذا اللي اشربه كل يوم عالريج

من زماااان طبعا تشرب لانها تشتغل بالمصنع فكل يوم الصبح تاخذ لها كاس





خلصت شرح


شريت نوع جبن هولندي (ماسدام) و شريت نوع بالكمون (لذيييييييييذ)



طلعنا من المصنع عطونا ساعه فري ناكل فيها

دلونا على مطعم سمك وبطاط



وبعدها دخلنا محل السوفنير





والوافل والبان كيك لزوووم التحليه



اختاروووو














انا اخترت بان كيك











يمي .. اطيب من وافل امس










ومن بعدها ركبنا المركب .. علشان يودينا ماركن


لمصنع الاحذيه





يقولون البحريه هذي تتجمد لمن ينزل الثلج







مصنع القبقاب الخشبي


اشرحت لنا و بعد سوت لنا قبقاب خشبي جدامنا







بالقديم كان عمل القبقاب يدوي .. اما الحين عندهم مكاين




واللي حاب يشتري


اييي قالت انه الخشب مايدخل ماي .. يعني النوع المستخدم ضد الماي


طبعا هذا كان سؤالي لهم لانه منطقه بحريه ومطر وثلج شلون يستخدمونه












حتى البقره ملبسينها قبقاب










وافكار للاستخدام






وهني انتهت الرحله

وكان الباص ناطرنا .. الباص راح قبلنا الى ماركن وانتظرنا هناك


وردينا الفندق

ريحنا شوي

وانا ببالي السووووق



الصدمه


الصدمه




كل شي مسكر لانه يوم 25/12 يوم اجازه الكريسماس




انزين لييييييش


في احد يسكر بالعطله


احنا عندنا حتى يوم العيد فاتحين


اهي فرصه للسياحه والشراء والاكل



بس الظاهر الاجانب يحبون يتجمعون ويقعدون بالبيت بهاليوم


للاسف ضاع هذا اليوم بعد بس استفدنا من الصبح منه







تمشينا بالشوارع نشوف الناس بس ماكو شي ثاني




ولي وقت العشا



تعشينا بيتزا


المطعم موجود بنفس الشارع اللي فيه البطاط ومعز





اي على فكره في مطاعم كاتبين عليها حلال واسلاميه بس انا مو وايد مع الاكل بالسفر

اكل اي شي

اصلا ما احب المطاعم العربيه بالسفر .. شبعانين منها بالديره عندنا





وتصبحون على خير

على امل انه السوق يفتح باجر

رائع جدا ... وتقرير مميز

هولندا وجهتي القادمة في الصيف بإذن الله

وتقريبا نفس مخططك ..

استمعت كثيرا بهذا الجمال
وبهرتني معلومة الطواحين


شكرا للتقرير المفصل ..

شكرا لك المناظر بالصباح مشوقه

ايه ما الومهم بالرياضه تفتح النفس لي كم يوم بروح للمضمار والجو غبار

اهم شيء انكم تستفيدون يا معشر النساء وتطبقون مصل اللبن

تقرير رائع
شكرا لك خيتوو

آخر مواضيع Haksa77

- ## الخيمة المغربية رقم (4) 2019 ## - افتتاح سفارة المملكة العربية السعودية في جورجيا - لمن يسأل عن جورجيا " الصور تتحدث لكم " - نبارك للعضوة المبدعة Sana منحها لقب " خبيرة المغرب " - موقع مهم للمسافرين للدول التي تتطلب فيزا شنغن

توقيع : Haksa77

يلومني فيك ي المغرب من لا عذرنا ولا شافك جاهل ومسكين مستغرب محروم من روعة أطيافك

الله يا بهبهانيه المناظر ترد الروووح

لاتحاولين تخفين احساسج حاولت قبلج ومااقدرت اخفيه .. بيوتهم اتشوق صج والعيشه فيهم احلى واحلى ..

الله على رياضة سألي مجربه ياحلو المشي من الصبح لكن الحين مافي خلاص [emoji17]
ماشاءالله لها طولت العمر - شكلي بطيح فيه هالوي بروتين [emoji106]

يابهبهانيه ٢٥ ديسمبر كل أسواق أوربا تسكر وهاليوم عندهم يوم عظيم ولازم يتيمعون فيه والشوارع ماتلقين غيرنا احنا واخوانا العرب ندور شي فاتح بس هيهات تلقين [emoji23][emoji23]

جزء جمييييل مثل صاحبته [emoji177]


Q8ya metnaqla

اشلووووون يعني





زهبت الشنطه







ما شاءالله عليكم بالعافيه

المناظر تشووووووق اويلاااااه على قلبي
والله لولا الظروف اللي عندي جان باجر اقول حق بوحسين يلا
عذبنا الشوق لهالمناظر
الله يكتب لنا سفره باذن الله

الرحله حلوووة كذا مكان حلوين ربي يسعدكم
انزين ما يصير مصل اللبن اللي يبيعونه شركة بترا ؟؟؟ والا مصل العصير
چني شفت عندهم جذيه
باجر بطلبه بعد يبيله الحين ((صح ابرار ))
روووعه تابعي يام بدوري
هالجزء وايد عجبني
عليكم بالعافيه على كل شي اكلتوه وسويتوه


Umhusoon
ارسلت بواسطة Tapatalk

يازين هولندا يا بهبهانيه
ماينلامون بالرياضة لو انا عايشة هناك جان تلاقين كل يوم اركض
ويوم 25 ديسمبر كل اوروبا تسكر ويكون يوم ضايع بالنسبة لنا
ام حسين اتوقع مصل اللبن اللي تبيعه شركة بترا نفس الشي
لانه الاطبه وايد يمدحونه وينصحون فيه

عيل خلاص بنجربه



Umhusoonأرسلت بواسطة i بإستخدام Tapatalk

اليوم العاشر 26/12/2014

مشكووورين جميعا عالكلام الجميل...


بس اخاف هالجزء يخذلكم لانه مافي صور وايد



اليوم يوووم السوووووق ... خلااااص طفح الكيل ...

مليت وانا انطر سوقهم وكله مسكر



استعداد من الصبح وحماااااس




نزلنا نتريق





قاعه البوفيه


صحون للاطفال









ما احلى الجبنه الهولنديه مع الماسترد .... لذيذ




نصور شوووي قبل لا نروح نبدل ونطلع










هذا المجمع يصير بالضبط ورا الدام سكوير





الصدمه انه مسكر .. وكل المحلات مسكره وكل الشوارع فاضيه


سألنا وحده عن اذا كانو بيفتحون اليوم

قالت اي بس متأخر عالساعه 11:30 او 12


لييييييييييش




شنسوي



رحنا مكتب سياحي نحجز حق متحف البودي وورد اسمه جذي .. طبعا انا ماحب المتاحف بس بناء على طلب بدر .. لانه كل ما مرينا عند المتحف قال ابي ادخل

واهو اختار المتحف مع انه شكله ما يشجع ابد .. بس مادري ليش عاجبنه






حجزنا بسعر اقل من المكتب والاطفال اقل من 6 سنوات مجانا ..

المهم قبل لا ندخل هذا المتحف انا كانت رفيجتي قايلتلي عن متحف هم يتكلم عن جسم الانسان بس فكرته غير

انه تدخل داخل الجسم وتشوف الاعضاء شلون تشتغل .. بس لمن سألت المكتب عنه قالو برا امستردام ومايودون رحلات

فاللي يبي يروح لازم سياره



هذا شكله من برا





واسمه

corpus human body museum amsterdam




واحنا حجزنا حق هذا





شكله من برا عارضين جثه انسان وبقره .. بس بدون الجلد بس العضل واللحم





المتحف 6 ادوار .. تبدون من الدور السادس وتنزلون بالسلم


بصراحه مادري شنو فكرته بس كل الكتابات اللي داخل تدعو للسعاده

وان السعاده مصدرها من داخل الانسان مو من العوامل الخارجيه


ويعني بعض العبارات اللتي تدعو للتامل والتفاؤل والحب













ممنوع التصوير داخل المتحف .. بس انا صورت الكلام اللي عجبني



خلصنا بسرعه الادوار ال 6 والموظفين مستغربين لانه الناس تطوووول على كل جثه وعلى كل كلمه واحنا بسرعه

كلش مو مال متحاحف احنا




واخيرا فتح السوق





المجمع اللي صورته لكم بالبدايه .. مافي شي يسوى


طلعنا نتمشى بالشوارع ..


وااايد محلات معروفه وغير معروفه


وللاطفال لازم نساحلهم شوووي
















طوووول اليوم سوووق لي بالليل



في عندهم ستور كبير اسمه bijenkorf كله ماركات عالميه بالضبط على الدام سكوير .. يم فندقنا




اقصد لي الساعه 6 المحلات تبدي تسكر









دخلت محل جبن اشتري بعد غير اللي من المصنع

وتقريبا نفس السعر










تعشينا يومها من معز


بس ماصورت


اول شي وااايد زحمه عليه

بعدين فوضى ..

يسوي خبزه داخلها يمكن 6 حبات فلافل صغار والحشوه شنو تبي انت تحط

حاط مثل بوفيه صغير ومكشوف وكلمن ايي يحط .. مادري حسيت بالفوضى شوي

والاكل وقافي حاط بس طاولتين برا


يبيله ترتيب ويصير تمااام


باختصار امستردام اللي يبي يروح لازم كل يوم يحجز رحله علشان يستانس فيها لانه لافيها محلات و لا قهاوي ومطاعم نفس باريس ولا شوارع حلوه نتمشى فيها .. رحلات وبس هذا رايي فيها


والشعب الهولندي حبيييته جدا متعاون ومبتسمين على طووول واخلاقهم حلوووه

وبس

اي هذا كان اخر يوم لنا باجر موعدنا لرحله بلجيكا