رحلتي العائليه بالاجواء الشتويه (امستردام- بروكسيل) - الصفحة 4

opera_kw · 06-05-2015, 10:57 AM

اليوم الثالث عشر 29/12/2014

من الصبح قعدنا للتسوووق

اليوم رحت وقفت دووور علشان بريمارك

وبعد ماخلصنا من بريمارك

تسووقنا بباقي الملات

انا وااايد شريت وعجبني سوقهم اكثر من امستردام

وطبعا لانه وااايد شريت وماكفت الشنط اللي عندنا

رحنا شرينا شنطه

وردينا الفندق حطينا الاغراض وطلعنا

بعدها رحنا نفس مطعم الباستا اللي اكلنا فيه باول يوم في بروكسيل

عجب الاولاد

وبدر للحين يتذكر الطعم ويقول ابي منه

تحلايه

الشي الممتع انه تشوفون رسومات تان تان بكل مكان بشوارعهم

يحبونه

واحنا نحبه بعد

تمشينا بأغلب الشوارع وحسيتها كلش ماتضيع يعني بسهوله دليناها

بعدها قعدنا في ستاربكس الموجود في ساحه القراند بالاس

واحنا قاعدين

مرت وحده بيدها كيس عليه صورة تان تان

جان زوجي يقولي شفتي قلت له اييييي

قال اكيد في محل

قلت لا مو معقوله يمكن لانه يحبونه كل شي مسوينه عليه

شوووي ولا تمر وحده ثانيه بعد شايله كيس تان تان

قال لي لاااااا اكيد في محل وقريب

سألنا الناس

جان يقولون اي موجود تان تان بوتيك ودلونا عليه

شرينا منه ملابس .. تي شيرتات للاولاد على صورته .. وانا شريت كوب للقهوه على صوره تومسون اند تومسون

وبعد شرينا قصص

و العاب

هذي كانت درجه الحراره

وفي نهايه اليوم لابد من

قهوه نسبرسيو

الايمان, محمدويوسف و أبن السلطنة معجبون بهذا.

مسافر بلا زاد · 06-05-2015, 06:05 PM

استمعت كثيرا بموضوعك

وسجلت الكثير من الأماكن

فقط احتاج موقع بريمارك بالظبط

وكذلك مطعم الباستا إن أمكن

شاكرة لك عطائك المتميز

فيصل · 06-05-2015, 07:24 PM

ما قصرتي ام بدر
تان تان شخصيه حقت الطيبين بس
الله يطول بعمرك يعني نفس وحده أعرفها تسوي عيد ميلادي بالتاريح الهجري والميلادي

الثلج الشتاء بشكل عام ما أعاق رحلتك تمنيتي زرتيهم بالصيف أو بأواخر أكتوبر مثلا

opera_kw · 07-05-2015, 08:15 AM

اقتباس : المشاركة الأصلية كتبت بواسطة مسافر بلا زاد

استمعت كثيرا بموضوعك

وسجلت الكثير من الأماكن

فقط احتاج موقع بريمارك بالظبط

وكذلك مطعم الباستا إن أمكن

شاكرة لك عطائك المتميز

مطعم الباستا ذكرته وحطيت صورته بالفقره اللي قبل موجود في City2 Shopping Mall

وعند المول موجود شارع فيه محلات وايد .. بريمارك موجود بهذا الشارع

هذا العنوان:

Rue Neuve 13-15
1000 Bruxelles
Belgium

اقتباس : المشاركة الأصلية كتبت بواسطة فيصل

ما قصرتي ام بدر
تان تان شخصيه حقت الطيبين بس
الله يطول بعمرك يعني نفس وحده أعرفها تسوي عيد ميلادي بالتاريح الهجري والميلادي

الثلج الشتاء بشكل عام ما أعاق رحلتك تمنيتي زرتيهم بالصيف أو بأواخر أكتوبر مثلا

والله انا ما سويت حق نفسي عيد ميلاد ولا طلبت من احد

ولا اني من النوع اللي يذكر الناس بيوم ميلاده ولا انطر احد يقولي كل عام وانتي بخير

بس النيه الطيبه

انا احب البرد واحب الاجواء الشتويه وكل سنه هذا موعد سفري

انا جربت من قبل اواخر شهر 10 واول شهر 11 الجو بارد بس بدون ثلج والزحمه اقل

بس كل وقت له متعته

وان شالله هالسنه بجرب الصيف

وبعدين بشوف الفرق

فيصل · 07-05-2015, 05:41 PM

ان شاء االله تجربين بالصيف ونشوف قرارك

opera_kw · 13-05-2015, 08:13 AM

اليوم الرابع عشر 30/12/2014

اليوم اخر يوم لنا في بروكسيل

جاهزين للانطلاق الى باريس

عن طريق قطار TGV انتقلنا الى باريس نزلنا بالضبط عند محطه مارني marne la vallee

المحطه اللي بديزني لاند

القطار مريح بس يبقى ثاليس احسنهم

حجزنا كان 4 كراسي على طاوله بدون وجبات ولا شي ...

الرحله تقريبا ساعه ونص

والبقيه في الجزء الفرنسي

.............

شكرااا لكل متابع

شكراااا لكل كلمه كتبت

شكرا على الاطراءات

وان شالله اكون اضفت ولو جزء بسيط من المعلومات

: (114):

الايمان, محمدويوسف, أبن السلطنة و 1 آخرون معجبون بهذا.

bufahad · 04-10-2015, 06:07 PM

الحمدلله على السلامة وتقرير 10 على 10

توبليرون · 04-10-2015, 09:00 PM

الجزء الأخير توني أشوفه
ياحلو تان تان
ماشاءالله باين عليها مدينة تان تان
والتسوق حلو للاشياء الغريبة او اللي مو موجوده عندنا
شكراا على التقرير الجميل ونتمنى ان نشوف تقارير جديدة منج
شكراا لج

محمدويوسفمعجبون بهذا.

Deena · 02-03-2016, 11:26 AM

اول مرة انتبه على التقرير .. جميل جدا الجزء الهولندي والبلجيكي

وما كنت اعرف ان السنافر بلجيكيين كمان تان تان بعرفه طبعا جيل الطيبين

شوقتيني عالوافل بالبررررد ... يعطيك العافية موضوع جميل وممتع فعلا

أبن السلطنة · 08-11-2016, 08:56 AM

ماشاءالله جزا جدا جميل
يا حلات الثلج

وفقك الله

ابداع ما بعده ابداع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رحلتي العائليه في الاجواء الشتويه..	opera_kw	بوابة فرنسا	114	18-01-2024 01:23 AM
جدول ل بروكسل و امستردام[	memo	بوابة الدول الاخرى	6	28-04-2016 07:42 AM
استفسار عن باقة المرح العائليه في فندق البيراميد؟؟	Toota2	ماليزيا	11	16-01-2015 05:40 AM