بريطانيا تعلن إلغاء شرط التأشيرة المسبقة لمواطني السعودية والخليج بدءًا من ٢٠٢٣

NayefUSA · 01-07-2022, 09:09 PM

أظن بالنسبة لكثير من هذي الدول (زي بريطانيا والشنغن) موضوع التصريح الإلكتروني بدل الفيزا هو الشي اللي يدفعهم إنهم يعفوا دول زيادة مثل دول الخليج. يعني عاطين دول الخليج إعفاءات وقت اللي تبدي فيه التصريحات الالكترونية فما بيكون لغالبيتنا مجال إنه بس نشتري تذكرة ونروح المطار. وأظن حتى الشنغن لما يطبقوا إعفاء قطر والكويت بيكون بعد ما يطبقوا نظام التصاريح.

مهم بعد التنويه إنه الإعفاء من التأشيرة ما يعني سهولة الدخول لهذي الدول، وبعضها ممكن في أي وقت تسأل عن إثبات سكن أو إثبات نشاطات سياحية أو حتى إثبات تذكرة عودة (أظن نيوزيلندا كذا).

لحد الحين الدول "الغربية" الكبرى كلها عندها تصاريح سفر إلكترونية للدول المعفاة من التأشيرة، امريكا وكندا واستراليا ونيوزيلندا وكوريا الجنوبية، وابتداء من ٢٠٢٣ دول الشنغن وبريطانيا بيطبقوا نظام مشابه. فواضح إنه مبدأ الإعفاء من الفيزا بطريقة "اشتري تذكرة وروح المطار" قاعد يندثر مع الوقت.

لكن التصريحات الإلكترونية لسه أفضل بكثير طبعًا من إجراءات التأشيرة والسفارات والتبصيم والمقابلات. بس أنا أنوّه عشان الناس ما تكون توقعاتها كبيرة من ناحية سهولة الدخول. وزي ما شفنا في واقعة التصريح البريطاني الحالي، كثير من هذي الدول عند التقديم على تصريحاتها تشترط معلومات مثل عنوان سكن/فندق وأشياء ثانية تتطلب خطة مُحكمة.

والكويس في النظام البريطاني الجديد ان التصريح بيكون لدخول متعدد وساري المفعول سنتين بدل الوضع الحالي اللي التصريح بس حق دخلة واحدة وخلاص.

Abu Muataz و توبليرون معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجربتي في الحصول على التأشيرة الأمريكية بتاريخ ٢٦-٦-٢٠٢٢م	JaMeeL15	فيزا امريكا	1	08-07-2022 02:08 AM
استفسار عن واشنطن ونيويورك خلال فترة ٢٢-٣٠ يناير	SaLeH.F	بوابة امريكا	2	16-01-2022 09:41 PM
طيران يونايتد الأمريكي يعلن تسييره رحلات خارقة لسرعة الصوت بدءًا من ٢٠٢٩	NayefUSA	عالم الطيران	3	09-06-2021 09:44 AM